Gunnar Bragi: Var mjög ölvaður en ekki tilefni til að segja af sér

Gunnar Bragi Sveinsson segist þurfa að biðja marga afsökunar á ummælum sínum. Hann hafi verið „mjög ölvaður“ en það afsaki ekkert. Gunnar Bragi segir frásögn um pólitísk hrossakaup vegna sendiherraskipan vera að hluta til ósanna.

Gunnar Bragi Sveinsson
Auglýsing

Gunnar Bragi Sveins­son, þing­flokks­for­maður Mið­flokks­ins, seg­ist hafa verið „mjög ölv­að­ur“ á hitt­ingi við aðra þing­menn sem tekin voru upp og birt á fjöl­miðlum í gær. List­inn yfir það fólk sem hann þurfi að birta afsök­unar sé mjög lang­ur. „Maður á ekki að tala svona. Það er sorg­legt í raun­inn­i.“ Hann er ekki sam­mála því að þing­menn í öðrum löndum sem hefðu verið upp­vísir að tali eins og því sem heyr­ist á upp­tök­unni myndu endi­lega segja af sér. „Auð­vitað segjum við af okkur ef við brjótum af okk­ur, gegn þjóð­ar­hag eða eitt­hvað slíkt.“ Gunnar Bragi segir þetta ekki hafa verið neitt slíkt. Afleið­ing­arnar fyrir þing­menn muni koma fram í kosn­ing­um.

Þetta kom fram í við­tali við Gunnar Braga í Morg­un­út­varpi Rásar 2 í morg­un.

Ummæli af upp­tök­unni voru birt á vefum Stund­ar­innar og DV í gær­kvöldi. Gunnar Bragi segir þar að honum hafi dauð­brugðið þegar hann las eigin ummæli. Á upp­tök­unni heyr­ist hann tala með mjög niðr­andi hætti um t.d. Odd­nýju Harð­ar­dóttur og Loga Ein­ars­son, þing­menn Sam­fylk­ing­ar­inn­ar, Unni Brá Kon­ráðs­dótt­ur, söngv­ar­ann Frið­rik Ómar Hjör­leifs­son. Gunnar Bragi sagð­ist hafa náð á Loga og beðið hann afsök­un­ar, hann muni reyna að ná á Odd­nýju sem fyrst og sé búinn að senda skila­boð til Frið­riks Ómars.

Auglýsing
Á meðal þess sem Gunnar Bragi sagði um Odd­nýju og Loga var : „„Hún fékk bara upp í hend­urnar kjaftæði Sam­fylk­ing­ar­innar sem var búinn að við­gang­ast í alltof mörg ár. Það versta er að við látum við­gang­ast að mað­ur­inn í strápils­inu sem dans­aði nán­ast á typp­inu með Skrið­jöklum á svið­inu sjálfu er for­maður Sam­fylk­ing­ar­inn­ar.“

Um Frið­rik Ómar sagði hann: „VG hefðu getað orðið brjál­aðir en Katrín sagði ekki orð. Ég átti fund með henni. Geir slapp í gegnum þetta eins og smjör á smokknum hjá honum þarna Frið­riki Ómari.“

Gunnar Bragi seg­ist ekk­ert vita hvað honum gekk til með þeim ummælum sem hann lét falla. „Þetta er bara galið að segja svona hlut­i[...]Það er eitt­hvað í koll­inum á manni sem maður þarf að skoða.“

Hann segir málið þó tví­þætt, ann­ars vegar það sem þing­menn­irnir segja, og hins vegar sé líka alvar­legt að sam­töl fólks séu tekin upp. Það sé ótrú­legt að hópur fólks geti ekki sest niður og rætt hluti án þess að eiga á hættu á slíku, að mati Gunn­ars Braga.

Gunnar Bragi myndi skoða boð um sendi­herra­stöðu

Gunnar Bragi var utan­rík­is­ráð­herra um nokk­urra ára skeið. Þar barð­ist hann opin­ber­lega mjög fyrir bættri stöðu kvenna, kom fram á alþjóða­vett­vangi sem slíkur tals­maður og skrif­aði grein­ar. Hann seg­ist skilja gagn­rýni á það í dag, í ljósi þeirra ummæla sem hann lét falla, en seg­ist ekki gera grein­ar­mun á körlum og kon­um.

Auglýsing
Gunnar Bragi heyr­ist á upp­tök­unni einnig vera að ræða hrossa­kaup um skipan Árna Þórs Sig­urðs­son­ar, fyrr­ver­andi þing­manns Vinstri grænna,  og Geirs H. Haar­de, fyrr­ver­andi for­manns Sjálf­stæð­is­flokks­ins, sem sendi­herra. 

Á meðal þess sem hann segir er: „„Þegar ég ákvað það að skipa Geir H. Haarde sendi­herra í Was­hington […] þá ræddi ég við Sig­urð Inga. Honum var ekki skemmt enda hafði hann ákært Geir. Ég ræddi þetta auð­vitað við alla flokka. Ég sá það að ég gæti ekki skipað Geir einn. Það yrði of þungur biti fyrir þingið og alla. Það sem ég gerði var að skipa Árna Þór (Sig­urðs­son) sem sendi­herra.  Hann er nátt­úru­lega bara […], þó hann sé frændi minn. VG hefðu getað orðið brjál­aðir en Katrín sagði ekki orð. Ég átti fund með henni. Geir slapp í gegnum þetta eins og smjör á smokknum hjá honum þarna Frið­riki Ómari.“

Síðar bætti Gunnar Bragi við: „At­hyglin fór öll á Árna Þór. Ann­ars hefði Vinstri Græna liðið orðið brjál­að[...]Árni var nátt­úru­lega ekk­ert annað en sendi­tík Stein­gríms. Plottið mitt var að Geir yrði í skjól­inu hjá Árna og það virk­aði ekki bara 100 pró­sent heldur 170 pró­sent því að Árni fékk allan skít­inn. Svo sagði Geir við mig löngu seinna: „Þakka þér fyr­ir. Það var eng­inn sem gagn­rýndi mig.“ Ég lét Árna taka allan slag­inn.[...]Ég átti fund með Bjarna í fjár­mála­ráðu­neyt­inu. Ég sagði við Bjarna: „Það er algjör­lega sjálf­sagt. Auð­vitað geri ég Geir að sendi­herra.“ Og ég sagði við hann: „Og mér finnst sann­gjarnt að þið horfið til svip­aðra hluta þegar ég þarf á því að halda.“ Það var ekki vegna þess að ég hafi verið að hugsa um að skipta um flokk. Ég var ekki kom­inn út þegar Þórólfur (Gísla­son) hringir og spyr: „Ætlar þú að verða sendi­herra?“ Ég var ekki kom­inn út úr ráðu­neyt­in­u.“

Auglýsing
Gunnar Bragi segir að hluti af því sem hann sagði þar sé ein­fald­lega ekki satt. Það sé til að mynda ekki rétt að hann hafi átt inni greiða hjá Bjarna Bene­dikts­syni, for­manni Sjálf­stæð­is­flokks­ins, vegna þess að hann hafi skipað Geir sem sendi­herra Íslands í Banda­ríkj­un­um. Það sem hann segi um Bjarna og Þórólf Gísla­son, kaup­fé­lags­stjóra Kaup­fé­lags Skag­firð­inga, sé ekki satt.

Það sé þó rétt að Gunnar Bragi hafi talið það hafa verið klókt að skipa þá Árna og Geir á sama tíma í sendi­herra­stöður vegna þess að skipan Árna myndi draga úr nei­kvæðri umfjöllun um skipun Geirs.

Aðspurður um hvort að Gunnar Bragi sé á hött­unum eftir að vera skip­aður sendi­herra, sem var gefið sterk­lega í skyn á upp­tök­unni, þá seg­ist hann myndi skoða það ef slíkt kæmi upp.

Fasteignamarkaður á tímamótum
Uppgangstíma á fasteignamarkaði er ekki lokið, sé horft til þess að mikill fjöldi nýrra eigna er nú að koma inn á markaðinn. Ólíklegt er hins vegar að markaðurinn muni einkennast af verðhækkunum. Frekar er líklegt að lækkanir verði raunin.
Kjarninn 25. júní 2019
Benedikt Gíslason.
Benedikt Gíslason ráðinn bankastjóri Arion banka
Benedikt Gíslason, sem hefur setið í stjórn Arion banka fyrir hönd Kaupþings, hefur verið ráðinn nýr bankastjóri bankans.
Kjarninn 25. júní 2019
Launakostnaður 61 prósent af heildargjöldum Íslandspósts
Í skýrslu Ríkisendurskoðunar um starfsemi Íslandspósts kemur fram að laun og launatengd gjöld hafi hækkað verulega á síðustu árum hjá fyrirtækinu. Laun forstjóra Íslandspósts hækkuðu tvisvar í fyrra og um 43 prósent á innan við ári.
Kjarninn 25. júní 2019
Fjárfestingar Íslandspósts of miklar í fyrra
Fjárhagsvandi Íslandspósts stafar af of kostnaðarsamri dreifingu pakkasendinga frá útlöndum og samdrætti í bréfasendingum hjá fyrirtækinu. Vandi þess stafar þó einnig af of miklum fjárfestingum í fyrra miðað við greiðslugetu fyrirtækisins.
Kjarninn 25. júní 2019
Skúli Eggert Þórðarson
Ræddu framtíðarsýn Íslandspósts
Ríkisendurskoðandi fundaði með fjárlaganefnd og stjórnskipunar- og eftirlitsnefnd í morgun, en fulltrúar fjármálaráðuneytisins og samgöngu- og sveitarstjórnarráðuneytisins voru einnig viðstaddir, sem og stjórn Íslandspósts.
Kjarninn 25. júní 2019
Ójöfn fjölskylduábyrgð hefur áhrif á stöðu kvenna í atvinnulífinu
Konur bera enn meginábyrgð á heimilinu, bæði er kemur að börnum, heimilisstörfum og umönnun aldraðra foreldra.
Kjarninn 25. júní 2019
Stuðningur við ríkisstjórnina mestur hjá kjósendum Sjálfstæðisflokks
Fleiri væntanlegir kjósendur Vinstri grænna styðja ríkisstjórnina en þeir sem segjast ætla að kjósa Framsóknarflokkinn. Stuðningur við hana á meðal kjósenda Sjálfstæðisflokksins hefur aukist síðustu vikur.
Kjarninn 25. júní 2019
Tveir framkvæmdastjórar láta af störfum hjá Íslandspósti
Mikil hagræðing og kostnaðaraðhald er framundan hjá Íslandspósti. Framkvæmdastjórum fyrirtækisins hefur verið fækkað úr fimm í þrjá.
Kjarninn 25. júní 2019
Meira úr sama flokkiInnlent