Gunnar Bragi Sveins­son, þing­maður Mið­flokks­ins, hefur ákveðið að taka sér leyfi frá þing­störfum og ásamt Berg­þóri Óla­syni, þing­manni sama flokks.

Ástæðan er fundur sex þing­manna Mið­flokks­ins og Flokks fólks­ins á Klaustur bar, 20. nóv­em­ber síð­ast­lið­inn, en upp­tökur náð­ust af sam­tali þing­mann­anna þar sem þeir töl­uðu meðal ann­ars með niðr­andi hætti um sam­starfs­fólk sitt á þingi, ekki síst kon­ur.

Karl Gauti Hjalta­son og Ólafur Ísleifs­son hafa þegar verið reknir úr Flokki fólks­ins, en þeir munu sitja áfram sem þing­menn, þrátt fyrir það, og segj­ast hvor­ugur ætla að segja af sér. 

Hið sama gerði Sig­mundur Davíð Gunn­laugs­son, í bréfi til flokks­manna Mið­flokks­ins í dag, en hann sagð­ist í bréf­inu sjá eftir að hafa ekki stoppað þessar umræður af.

Í yfir­lýs­ingu frá Gunn­ari Braga kemur fram að hann hafi gert mikil mis­tök, og að hann ætli sér nú að reyna að vinna úr þeim.

„Fyrir tíu dögum sýndi ég mikið dóm­greind­ar­leysi og hafði uppi orð sem eru engum sæm­andi. Það var mér mikið áfall að sjá hvaða orð­færi ég við­hafði og mun taka mig tíma að vinna úr því með vinum og fjöl­skyldu. Ég harma að hafa sært sam­starfs­fé­laga mína og fleiri og tek ábyrgð á hegðun minni. Vil ég þó segja að mis­tök gerum við mann­eskj­urnar víst og er öllu jafna auð­veld­ara að dæma en að fyr­ir­gefa. „Sá yðar er synd­laus er kasti fyrsta stein­in­um“ Ég mun hafa það í huga hér eftir og hvet ykkur til þess sama. Ég vona að hlut­að­eig­andi fyr­ir­gefi mér þessa hegðun en vegna hennar hef ég ákveðið að taka mér leyfi frá þing­störf­um,“ segir Gunnar Brag­i.