Bill Franke, hinn 81 árs gamli stofn­andi og æðsti stjórn­andi Indigo Partners sem nú á í við­ræðum við WOW air um mögu­lega fjár­fest­ingu í félag­inu, er staddur hér á landi og hefur fundað með Skúla Mog­en­sen, eig­anda og for­stjóra WOW air í dag. 

Frá þessu var greint á Vísi í dag. 

Eins og greint hefur verið frá, þá er þess nú beðið að áreið­an­leika­könnun ljúki, vegna mögu­legrar fjár­fest­ingar Indigo Partners í WOW air. 

Icelandair féll frá því að kaupa WOW air eftir að áreið­an­leika­könnun leiddi það í ljós og fjár­þörf félags­ins var álitin meiri en Icelandair hafði upp­haf­lega gert ráð fyr­ir, og voru við­skiptin talin of áhættu­söm á þeim for­send­um. Auk þess náðu aðilar ekki sam­an, það er Skúli Mog­en­sen eig­andi WOW air og stjórn og stjórn­endur Icelanda­ir. 

Fjár­­­festar virð­­ast reikna með að fjár­­­fest­ing Indigo Partners muni ganga eft­ir, en mark­aðsvirði Icelandair hefur hríð­lækkað und­an­farna við­skipta­daga, og lækk­aði gengi bréfa félags­ins um 3,22 pró­sent í dag, eftir um 20 pró­sent lækkun dag­ana á und­an, eftir að til­kynn­ingin um fyr­ir­hug­aða fjár­fest­ingu Indigo og WOW var send út.

Miklar vonir eru bundnar við að fjár­­­fest­ingin gangi eft­ir, enda mikið í húfi fyrir íslenskt efna­hags­líf, þar sem WOW air hefur gengt lyk­il­hlut­verki í ferða­­þjón­ust­unni und­an­farin ár og flutt mörg hund­ruð þús­und erlenda ferða­­menn til lands­ins á ári hverju.

WOW a­ir tap­aði 33,6 millj­­­ónum dala, sem jafn­­­­­gildir um 4,2 millj­­­arði króna, á fyrstu níu mán­uðum árs­ins. Á sama tíma­bili í fyrra nam tap félags­­­ins 13,5 millj­­­ónum dala, jafn­­­virði tæp­­­lega 1,7 millj­­­arða króna miðað við núver­andi gengi. Þetta kemur fram í nýbirtu upp­­­­­gjöri flug­­­fé­lags­ins.

Tekj­­­ur WOW a­ir ­­­námu 501,4 millj­­­ónum dala, um 61,5 millj­­­örðum króna, á fyrstu níu mán­uðum árs­ins og juk­ust um 31 pró­­­sent frá sama tíma­bili í fyrra þegar þær voru 371,8 millj­­­ónir dala.

EBITDA félags­­­ins fór úr því að vera jákvæð um 8,8 millj­­­ónir doll­­­ara fyrstu níu mán­uði síð­­­asta árs í að vera nei­­­kvæð um 18,9 millj­­­ónir nú, um 2,3 millj­­­arða íslenskra króna.

Í til­­­kynn­ingu seg­ir  Bill Franke að Skúli Mog­en­­­sen, eig­andi og for­­­stjóri WOW air, hafi náð miklum árangri við að byggja upp WOW air og að hann hlakki til sam­­­starfs við starfs­­­fólk félags­­­ins, en við­skiptin eru þó með fyr­ir­vara um áreið­an­leika­könnun og öðrum hefð­bundnum fyr­ir­vör­um.

Indigo er hlut­hafi í nokkrum flug­­­fé­lög­um, meðal ann­­ars lággjalda­­fé­lag­inu Wizz Air, sem hefur flogið milli Íslands og Evr­­ópu und­an­farin mis­s­eri, og hefur starf­­semi félags­­ins verið vax­andi á Ísland­i.