Inga Sæland, for­maður Flokks fólks­ins, sagði í við­tali við fréttir Stöðvar 2 í kvöld, að Sig­mundur Davíð Gunn­laugs­son, for­maður Mið­flokks­ins, hefði sagt á fundi með henni að fund­ur­inn afdrifa­ríki, á Klaustur bar 20. nóv­em­ber síð­ast­lið­inn, hefði verið að frum­kvæði þing­manna Flokks fólks­ins, Karls Gauta Hjalta­sonar og Ólafs Ísleifs­son­ar. 

Eins og greint hefur verið frá með ítar­legum hætti, þá sátu fund­inn Sig­mundur Dav­íð, Berg­þór Óla­son, Gunnar Bragi Sveins­son og Anna Kol­brún Árna­dótt­ir, auk Karls Gauta og Ólafs. 

Karl Gauti og Ólafur hafa verið reknir úr Flokki fólks­ins og eru Berg­þór og Gunnar Bragi nú í leyfi frá störfum sín­um, en þeir hafa báðir beðist afsök­unr á fram­ferði sínu og niðr­andi ummæl­um. Þeir ætla ekki að segja af sér, en Gunnar Bragi hefur svarað því til að það sé engin ástæða til þess. 

Á fund­inum ræddu þing­menn­irnir með niðr­andi hætti um kon­ur, fatl­aða og marga sam­starfs­menn á þingi, og hefur Lilja D. Alfreðs­dótt­ir, mennta- og menn­ing­ar­mála­ráð­herra, meðal ann­ars sagt að Mið­flokks­menn séu ofbeld­is­menn, en á fund­inum sem náð­ist á upp­töku er meðal ann­ars fjallað með niðr­andi hætti um hana og kall­aði Gunnar Bragi hana meðal ann­ars „hel­vítis tík“.

Lilja sagð­ist hafa bogn­að, en hún ætli ekki að brotna útaf þessu, og skömmi hafi verið skilað til þeirra sem hana eiga, sem eru þing­menn­irnir sjálfir sem ræddu með niðr­andi hætti um hana og fleiri. 

Mik­ill titr­ingur hefur verið á Alþingi vegna máls­ins, en margir þing­menn, ekki síst kon­ur, gengu út þegar Sig­mundur Davíð Gunn­laugs­son tók til máls um fjár­lögin í dag.