Til sjávar og sveita er fyrsti við­skipta­hrað­all­inn á Íslandi sem ein­blínir á nýjar lausnir og sjálf­bæra verð­mæta­sköpun í land­bún­aði og sjáv­ar­út­vegi, en honum var ýtt úr vör í morg­un­. Icelandic Startups hefur í sam­starfi við Íslenska Sjáv­ar­kla­s­ann komið á fót Til sjávar og sveita ­með full­tingi IKEA á Íslandi, Mat­ar­auðs Íslands, HB Granda og Land­bún­að­ar­kla­s­ans.

Opn­un­ar­við­burður hrað­als­ins fór fram á veit­inga­stað IKEA í Kaup­túni en Krist­ján Þór Júl­í­us­son, Land­bún­að­ar- og sjáv­ar­út­vegs­ráð­herra opn­aði form­lega fyrir umsókn­ir. 

„Það eru í raun lítil tak­mörk fyrir því hvað hægt er að ná fram ef við búum svo um hnút­ana að fólk með góðar hug­mynd­ir, frum­kvöðl­ar, fái að njóta sín,“ ­sagði Þór­ar­inn Ævars­son, fram­kvæmda­stjóri IKEA á Íslandi, en hann og Þór Sig­fús­son, stofn­andi Sjáv­ar­kla­sans, fluttu erindi við opn­un­ina.

Auk þess sem Ingi Björn Sig­urðs­son, verk­efna­stjóri hjá Icelandic Startups sagði frá fyr­ir­komu­lagi hrað­als­ins. 

Loks kynntu frum­kvöðl­arnir frá Jurt Hydropon­ics fyrstu vöru sína, Nor­dic Wasa­bi, sem er hreint wasabi ræktað á sjálf­bæran máta á Íslandi.

Í gegnum þessa bak­hjarla fá fyr­ir­tækin aðgang að tengsla­neti og fag­þekk­ingu sem á engan sinn líka á Ísland­i. Ætl­unin er að hrað­all­inn verði upp­spretta nýrra vara og þjón­ustu og varpi ljósi á þau tæki­færi sem fel­ast í sjálf­bærri nýt­ingu auð­linda á Ísland­i. Við­skipta­heim­ur­inn er að taka örum breyt­ingum en vaxt­ar­tæki­færi íslensks atvinnu­lífs fel­ast í auð­lindum og hug­viti með sjálf­bærni að leið­ar­ljósi. Mark­miðið með hraðl­inum er þannig að aðstoða frum­kvöðla við að byggja upp næstu kyn­slóð fyr­ir­tækja í fremsta flokki land­bún­aðar og sjáv­ar­út­vegs, að því er fram kemur í til­kynn­ing­u. 

Til sjávar og sveita hefst í mars á næsta ári og stendur yfir í níu vik­ur. Allt að tíu teymi verða valin og  fá aðgang að full­bú­inni vinnu­að­stöðu á tíma­bil­inu auk stuðn­ings og sér­þekk­ingar til að vinna að mark­miðum sín­um. Þau fá jafn­framt ráð­gjöf og aðstoð frá reyndum sér­fræð­ing­um, fjár­festum og frum­kvöðlum úr atvinnu­líf­inu meðan á hraðl­inum stend­ur. Að lokum verður hald­inn Upp­skeru­dagur þar sem teymin kynna hug­myndir sínar fyrir fjár­festum og öðru áhrifa­fólki úr atvinnu­líf­inu.