Bára kemur fyrir dóm síðdegis í dag

Konan sem tók upp Klaustursþingmennina hefur verið boðuð til þinghalds fyrir héraðsdómi klukkan korter yfir þrjú í dag. Þangað mætir hún vegna þess að fjórir þingmenn Miðflokksins kanna að höfða mál gegn henni.

Bára Halldórsdóttir steig fram í síðasta tölublaði Stundarinnar.
Bára Halldórsdóttir steig fram í síðasta tölublaði Stundarinnar.
Auglýsing

Bára Hall­­dór­s­dótt­ir, sem tók upp sam­töl sex þing­manna á Klaust­ur­bar 20. nóv­em­ber síð­ast­lið­inn, mun koma fyrir Hér­aðs­dóm Reykja­víkur í dag klukkan korter yfir þrjú.

­Sam­stöðu­fundur mun fara fram sam­tímis fyrir utan Hér­aðs­dóm Reykja­vík­ur. Á Face­book-­síð­unni „Takk Bára“, sem telur nú 17.064 með­limi, segir að atburð­ur­inn sé fyrst og fremst til að „veita Báru þann stuðn­ing sem hún þarfn­ast hverju sinn­i“. Fólk er sér­stak­lega beðið um að geyma hvers kyns mót­mæla­að­gerðir þar til að fund­ur­inn er yfir­stað­inn, að mæta ekki í gulum vestum og að Báru verði gefið rými.

Auður Tinna Aðal­bjarn­ar­dóttir og Ragnar Aðal­steins­son sem bæði starfa á lög­manns­stof­unni Rétti, hafa tekið að sér mál Báru. Reimar Pét­urs­son er lög­maður þing­manna Mið­flokks­ins.

Auglýsing
Frá því var greint fyrir sex dögum að lög­­­maður fjög­­urra þing­manna Mið­­flokks­ins hefði lagt fram beiðni um vitna­­leiðslur og öflun sýn­i­­legra sönn­un­­ar­­gagna fyrir dómi vegna upp­­­töku á sam­­tölum sem áttu sér stað á Klaust­­ur­bar 20. nóv­­em­ber síð­­ast­lið­inn. Beiðnin byggði á ákvæði laga um með­­­ferð einka­­mála sem fjallar um öflun sönn­un­­ar­­gagna án þess að mál hafi verið höfð­að. Til­­­gangur þess er að koma í veg fyrir að mög­u­­leg sönn­un­­ar­­gögn spillist.

Í bréf­i frá hér­aðs­dómi sem Báru bar­st, og hún birti á sam­fé­lags­miðl­um, sagði að beiðnin verði „ekki skilin öðru­­vísi en svo að dóms­­mál kunni að verða höfðað á hendur þér í kjöl­far umbeð­innar gagna­öfl­un­­ar.“

Fengu sér lög­­­mann og höfðu sam­­band við Per­­són­u­vernd

Greint var frá því á RÚV í síð­ast­lið­inn mánu­dag að þeir fjórir þing­­menn Mið­­flokks­ins sem voru teknir upp við að láta niðr­andi og nið­­ur­lægj­andi ummæli falla um fjölda fólks á Klaust­­ur­bar 20. nóv­­em­ber hefðu ráðið sér lög­­­mann. Sá hefði haft sam­­band við Per­­són­u­vernd og kraf­ist þess að stofn­unin rann­sak­aði hver hefði staðið að því að taka upp sam­­töl þing­­mann­anna og komið upp­­tök­unni til fjöl­miðla.

Þing­­menn­irnir fjórir eru Sig­­mundur Davíð Gunn­laugs­­son, for­­maður Mið­­flokks­ins, Gunnar Bragi Sveins­­son, vara­­for­­maður hans, Anna Kol­brún Árna­dótt­ir, rit­­ari flokks­ins, og Berg­þór Óla­­son, þing­­mað­­ur.

Um sól­­­ar­hring eftir að beiðni lög­­­manns­ins barst Per­­són­u­vernd gaf Bára Hall­­dór­s­dóttir sig fram í við­tali við Stund­ina og opin­ber­aði að hún væri sá ein­stak­l­ingur sem hefði tekið upp sam­­töl­in.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Meira úr sama flokkiInnlent