Rósa Björk reið yfir karlrembunni á Alþingi

Til­lögu um að Berg­þór Óla­son, þing­maður Mið­flokks­ins, myndi ekki sitja áfram sem for­maður umhverf­is- og sam­göngu­nefndar var vísað frá á fund­i ­nefnd­ar­inn­ar í morg­un. Rósa Björk er ekki sátt við útkomuna.

Rósa Björk Brynjólfsdóttir, þingmaður Vinstri grænna.
Rósa Björk Brynjólfsdóttir, þingmaður Vinstri grænna.
Auglýsing

Rósa Björk Brynj­ólfs­dótt­ir, þing­maður Vinstri grænna, seg­ist vera reið yfir karl­rembunni á Alþingi á Twitt­er-­síðu sinni í dag en til­­lögu um að Berg­þór Óla­­son, þing­­maður Mið­­flokks­ins, myndi ekki sitja áfram sem for­­maður umhverf­is- og sam­­göng­u­­nefndar var vísað frá á fund­i ­nefnd­­ar­inn­ar í morg­un. 

Í dag var fyrsti fundur umhverf­is- og ­sam­­göng­u­­nefnd­ar eftir að Berg­þór tók sæti á Alþingi á ný í síð­­­ustu viku eftir að hafa tekið sér leyfi frá störfum eftir Klaust­ur­mál­ið.

Rósa Björk segir á Twitter að „klaust­urs­for­mað­ur­inn“ hafi mætt án nokk­urs fyr­ir­vara. „Við bárum upp til­lögu um að kjósa hann í burtu. Meiri­hluti nefnd­ar­innar með stuðn­ingi tveggja Klaust­urs­þing­manna kaus gegn því ...“ segir hún.

Auglýsing



Helga Vala Helga­dótt­ir, þing­maður Sam­fylk­ing­ar­inn­ar, lagði fram til­­lögu með stuðn­­ingi Hönnu Katrínar Frið­­riks­­son, for­­manns þing­­flokks Við­reisn­­­ar, og Rósu Bjarkar um að greidd yrðu atkvæði um for­­mann nefnd­­ar­innar en þeirri til­­lögu var vísað frá af meiri­hluta nefnd­­ar­inn­­ar.

Jón Gunn­­ar­s­­son, þing­­maður Sjálf­­stæð­is­­flokks­ins, lagði fram frá­­vís­un­­ar­til­lög­una en að sögn Helgu Völu í sam­talið við Vísi í morgun var hún studd af Líneik Önnu Sæv­­ar­s­dótt­­ur, þing­­manni Fram­­sókn­­ar­­flokks­ins, Vil­hjálmi Árna­­syni, þing­­manni Sjálf­­stæð­is­­flokks­ins, Ara Trausta Guð­­munds­­syni, þing­­manni VG, og þeim Berg­þóri og Karli Gauta.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Meira úr sama flokkiInnlent