Ísland styður Juan Guadió sem for­seta Venes­ú­ela, en ekki Maduro. Þetta kemur fram í Twitter færslu hjá Guð­laugi Þór Þórð­ar­syni, utan­rík­is­ráð­herra. 

Venes­ú­ela er nú að upp­lifa efna­hags­hrun, en tæp­lega 32 millj­ónir manna búa í land­inu. Í nýlegri umfjöllun Alþjóða­gjald­eyr­is­sjóðs­ins, frá 25. jan­úar síð­ast­liðnum, segir að reiknað sé með því að hrun efna­hags Venes­ú­ela eigi eftir að halda áfram á þessu ári og sam­dráttur verða í lands­fram­leiðslu.

Frá árinu 2013 hefur sam­dráttur í lands­fram­leiðslu verið um 50 pró­sent, segir í umfjöllun AGS.

Maduro hefur verið for­seti í Venes­ú­ela síðan 2013, en hann var þar á undan utan­rík­is­ráð­herra frá árinu 2006. Hann tók við af Hugo Chavez þegar hann lést, 5. mars 2013.

Fleiri þjóðir hafa sett fram opin­beran stuðn­ing við Guad­ió, þar á meðal Banda­rík­in, sem hafa lýst því yfir að þau telji ekki for­svar­an­legt að vera í póli­tísku sam­bandi við Maduro, á meðan hann er með valda­þræð­ina í hendi sér sem for­seti. Banda­ríkin hafa þegar gripið til efna­hags­þving­ana gagn­vart Venes­ú­ela.

Margar stærstu þjóðir Evr­ópu hafa einnig gripið til þess, að lýsa yfir stuðn­ingi við Guad­ió. Maduro hefur hins vegar enn stuðn­ing frá ríkjum eins og Rúss­landi, Kína, Kúbu, Tyrk­landi, N-Kóreu, Sýr­landi, Íran og Bólivíu.

„Frjálsar og sann­gjarnar kosn­ingar ættu nú að fara fram og vilji fólks­ins á að ráða för,“ segir í færslu Guð­laugs Þórs á Twitt­er.

Engin yfir­lýs­ing hefur komið frá rík­is­stjórn Íslands vegna þessa máls, fyrir utan yfir­lýs­ingu Guð­laugs Þórs utan­rík­is­ráð­herra á Twitt­er.