„Þið eruð meiri hetjur en þið gerið ykkur grein fyrir“

Ingibjörg Sólrún Gísladóttir, fyrrverandi formaður Samfylkingarinnar og ráðherra, segir að hún hafi sett Jóni Baldvin stólinn fyrir dyrnar.

Ingibjörg Sólrún Gísladóttir
Auglýsing

Ingi­björg Sól­rún Gísla­dótt­ir, fyrr­ver­andi for­maður Sam­fylk­ing­ar­innar og ráð­herra, segir í færslu inn á MeToo hópi á Face­book, þar sem sögur hafa birst af kyn­ferð­is­legri áreitni Jóns Bald­vins Hanni­bals­son­ar, að hún hafi sett honum stól­inn fyrir dyrnar fyrir kosn­ing­arnar 2007, eftir að hafa heyrt af bréf­unum sem hann sendi Guð­rúnu Harð­ar­dótt­ur, þá á barns­aldri. 

Hún seg­ist hafa átt fund með Jóni Bald­vin, sem Dagur B. Egg­erts­son, borg­ar­stjóri, var á einnig, þar sem hún sagði Jóni Bald­vin að hann gæti ekki tekið sæti á list­an­um. 

Jón Bald­vin brást illa við, en Ingi­björg Sól­rún sagði nauð­syn­legt að halda þessu til haga, í ljósi þess algjöra skorts á sóma­kennd sem Jón Bald­vin hefði sýnt að und­an­förnu.

Auglýsing

Ingi­björg Sól­rún lýkur færslu sinni á því að segja, að Aldís Schram og Guð­rún, séu meiri hetjur en þær geri sér grein fyr­ir, og hrósar þeim konum sem hafa haft hug­rekki til að taka slag­inn við Jón Bald­vin.

Vef­síða með sögum af kyn­ferð­is­legri áreitni Jóns Bald­vins var opnuð fyrr í dag, eins og greint var frá á vef Kjarn­ans.

Færslan í heild sinni fer hér að neð­an: 

„Í við­tölum og greinum um þær ásak­anir sem á hann eru bornar af fjölda kvenna hefur JBH við­ur­kennt að ein þeirra eigi við rök að styðj­ast. Hann hefur s.s við­ur­kennt að hafa skrifað klám­fengin bréf til Guð­rúnar Harð­ar­dóttur þ.e.a.s hann hefur við­ur­kennt að hafa skrifað eitt slíkt bréf fullur og leiður á flug­stöð. Öll hin bréfin er hann búinn að hvít­þvo. Í þetta eins skipti hafi hann gerst sekur um ,,dóm­greind­ar­brest” sem hann seg­ist marg­sinnis hafa beðist afsök­unar á án þess að vera virtur við­lits. En það þarf ekki að hlusta lengi á hann til að átta sig á að auð­vitað finnst honum sem þarna hafi verið gerður úlf­aldi úr mýflugu. Ekkisens bölv­aður ,,öfga­fem­in­is­minn” sem engu eir­ir. Í raun skamm­ast hann sín ekki vit­und fyrir hvernig hann braut gegn Guð­rúnu eða öðrum konum og ég held að eft­ir­far­andi sé órækur vitn­is­burður um það.

Ég varð for­maður Sam­fylk­ing­ar­innar árið 2005 og einn af þeim sem studdi mig í for­manns­fram­boði var JBH. Á þessum tíma mat ég hann mik­ils sem skarpan sam­fé­lags­rýni og öfl­ugan bar­daga­mann í póli­tík þó að mér væri líka vel ljóst að hann var galla­gripur sem betra var að hafa ekki alltof nálægt sér. Af og til gerð­ist það líka að konur hvísl­uðu því að mér að fara var­lega - hann væri ekki allur þar sem hann er séð­ur. Aldrei vissi ég hvað það var sem þær voru að ýja að - eða kannski vildi ég bara ekki vita það. Þegar fór að líða nær kosn­ingum 2007 gerð­ist JBH sífellt fyr­ir­ferð­ar­meiri í hinni póli­tísku umræðu og sá orðrómur fór af stað að ef Sam­fylk­ingin yrði í rík­is­stjórn eftir kosn­ingar þá væri hann hugs­an­legt ráð­herra­efni. Um líkt leyti heyrði ég í fyrsta sinn ávæn­ing af því að hann hefði skrifað Guð­rúnu Harð­ar­dóttur mjög tví­ræð bréf þegar hann var sendi­herra.

Í mínum póli­tísku önnum lét ég kyrrt liggja þar til í jan­úar 2007 þegar verið var að stilla upp á lista fyrir þing­kosn­ing­arnar það vor en þá komst ég að því að upp­still­ing­ar­nefndin hafði boðið JBH heið­urs­sætið á öðrum list­an­um. Ég átt­aði mig á því að ég yrði að kom­ast til botns í þessu máli – sjálfrar mín vegna og Sam­fylk­ing­ar­innar vegna. Ég myndi aldrei fyr­ir­gefa sjálfri mér að kom­ast síðar að því að JBH hefði valdið Guð­rúnu dóttur Möllu vin­konu minnar miska og ég hefði kosið að snúa blinda aug­anu að því. Guð­rún var í Berlín þegar þetta var og ég hafði sam­band við Hörð pabba hennar og bað hann að hitta mig. Hann sagði mér alla sól­ar­sög­una, lét mig hafa afrit af öllum bréfum JBH til Guð­rúnar og sagði mér jafn­framt að málið hefði verið kært til lög­reglu. Þessi vit­neskja lagði mér ákveðnar skyldur á herðar en um leið var þetta vand­með­farið því ég hafði enga heim­ild til að gera þetta opin­bert – þetta var saga Guð­rúnar og hennar að ákveða hvort og þá hvenær hún kysi að stíga fram og segja hana. Ég ákvað engu að síður að boða JBH á minn fund, greina honum frá vit­neskju minni og óska eftir því við hann dragi sig til baka af fram­boðs­list­an­um.

Ég vissi að ég yrði að hafa vitni að þessu sam­tali og fékk Dag B. Egg­erts­son til að vera við­stadd­an. Er skemmst frá því að segja að JBH brást ókvæða við, sagði að það væru engin sak­ar­efni og að sak­sókn­ari myndi að öllum lík­indum vísa mál­inu frá. Ég sagði honum þá að það breytti í sjálfu sér engu, söm væri gjörð­in. Ég hefði lesið bréf­in, þekkti inni­hald þeirra og fram­koma hans væri þess eðlis að ég vildi ekki hafa hann á lista Sam­fylk­ing­ar­inn­ar. Ég hefði hins vegar ekk­ert leyfi til að gera þessa vit­neskju mína opin­bera og hann yrði því sjálfur að hafa sam­band við upp­still­inga­nefnd­ina og taka sig af list­an­um. JBH fór í fússi en mun þann sama dag hafa tekið sig af list­an­um. Þetta var á föstu­degi. Á sunnu­degi var ég heima hjá mér að horfa á Silfur Egils og hver var þá mættur þar til að básúna póli­tískan ágrein­ing sinn við for­mann Sam­fylk­ing­ar­innar sem varð til þess að honum hafi verið bolað úr heið­urs­sæti á lista fyrir kosn­ing­arn­ar? Auð­vitað JBH sem ákvað að fara í fyr­ir­byggj­andi aðgerðir ef ske kynni að fjöl­miðlar fengju pata af mál­inu. Hann vissi líka sem var að ég gat ekki með nokkru móti varið mig því þá hefði ég þurft að gera mál Guð­rún­ar, og hana þar með, að fjöl­miðla­mat sem ég átti ekk­ert með að gera. Ég átti því ekki annan kost en að þegja þunnu hljóði meðan JBH geis­aði.

Ástæðan fyrir því að ég segi þessa sögu núna er sú að hún varpar ljósi á þann algera skort á sóma­kennd sem ein­kennir alla fram­göngu JBH. Honum finnst sjálf­sagt að grípa til allra til­tækra með­ala til að verja sjálfan sig. Allt frá því mál Guð­rúnar kom inn á borð sak­sókn­ara hefur JBH rakið það til ,,fjöl­skyldu­harm­leiks­ins” og síðan hefur hann klappað þann stein í sífellu jafn­vel þó að þar með sé hann að skrum­skæla líf dóttur sinnar og dótt­ur­dóttur og gera það að fjöl­miðla­efni. Annað vopn sem hann grípur gjarnan til er að atlagan að honum sé runnin undan rifjum þess fyrr­ver­andi for­manns Sam­fylk­ing­ar­innar sem hér skrif­ar. Til að leggja honum það vopn ekki upp í hendur ákvað ég að koma ekki nálægt umfjöllun fjöl­miðla þó að eftir því hafi verið leit­að. Nú hefur JBH hins vegar sjálfur kosið að draga Sam­fylk­ing­una inn í málið þannig að það er eins gott að allir viti hvernig hans mál blöstu við mér í árs­byrjun 2007. Þetta var óskemmti­legt sam­tal sem ég átti við JBH en það sýndi mér óþyrmi­lega hvaða mann hann hafði að geyma. Þessi maður hefur birst mér oft síð­an, nú síð­ast í Silfri Egils í gær og grein­ar­skrifum í dag.

Ég tek ofan fyrir þeim konum sem hafa ákveðið að taka slag­inn við JBH og láta ekki undan síga þó að hann beiti öllum til­tækum vopnum sem finn­ast í vopna­búri hinnar eitr­uðu karl­mennsku. Sér­stak­lega vil ég segja við Aldísi og Guð­rúnu – þið eruð meiri hetjur en ég held þið gerið ykkur grein fyr­ir.“

Við þurfum á þínu framlagi að halda

Þú getur tekið beinan þátt í að halda úti öflugum fjölmiðli.

Við sem vinnum á ritstjórn Kjarnans viljum hvetja þig til að vera með okkur í liði og leggja okkar góða fjölmiðli til mánaðarlegt framlag svo við getum haldið áfram að vinna fyrir lesendur, fyrir fólkið í landinu.

Kjarninn varð níu ára í sumar. Þegar hann hóf að taka við frjálsum framlögum þá varð slagorðið „Frjáls fjölmiðill fyrir andvirði kaffibolla“ til og lesendur voru hvattir til að leggja fram í það minnsta upphæð eins kaffibolla á mánuði.

Mikið vatn hefur runnið til sjávar á þeim níu árum sem Kjarninn hefur lifað. Í huga okkar á Kjarnanum hefur þörfin fyrir fjölmiðla sem veita raunverulegt aðhald og taka hlutverk sitt alvarlega aukist til muna.

Við trúum því að Kjarninn skipti máli fyrir samfélagið.

Við trúum því að sjálfstæð og vönduð blaðamennska skipti máli.

Ef þú trúir því sama þá endilega hugsaðu hvort Kjarninn er ekki allavega nokkurra kaffibolla virði á mánuði.

Vertu með okkur í liði. Þitt framlag skiptir máli.

Ritstjórn Kjarnans: Sunna Ósk Logadóttir, Þórður Snær Júlíusson, Erla María Markúsdóttir, Arnar Þór Ingólfsson, Eyrún Magnúsdóttir og Grétar Þór Sigurðsson.


Já takk, ég vil styrkja Kjarnann!
Breytingatillögur ríkisstjórnarinnar á fjárlagafrumvarpinu milli umræðna liggja fyrir.
Bæta þarf fjórum milljörðum króna í endurgreiðslur vegna kvikmyndagerðar
Á milli umræðna um fjárlög hefur ríkisstjórnin ákveðið að bæta fimm milljörðum króna í útgjöld vegna flóttamanna og fjóra milljarða króna í endurgreiðslur vegna kvikmyndagerðar, sem verða rúmlega þrisvar sinnum hærri en áður var reiknað með.
Kjarninn 28. nóvember 2022
Ingrid Kuhlman
Að rækta með sér von er lykillinn að farsælu lífi
Kjarninn 28. nóvember 2022
Isabel dos Santos er elsta dóttir fyrrverandi forseta Angóla.
Forríka forsetadóttirin: „Ég er ekki í felum“
Dóttir fyrrverandi forseta Angóla, milljarðamæringurinn Isabel dos Santos, segist ekki á flótta undan réttvísinni. Stjórnvöld í heimalandi hennar hafa beðið alþjóða lögregluna, Interpol, um aðstoð við að hafa uppi á henni.
Kjarninn 28. nóvember 2022
Heiðrún Lind Marteinsdóttir er framkvæmdstjóri Samtaka fyrirtækja í sjávarútvegi. Hún skrifar undir umsögnina.
SFS styðja frumvarp Svandísar um að hækka veiðigjöld á næsta ári en lækka þau árin á eftir
Ríkisstjórnin setti inn heimild fyrir útgerðir til að fresta skattgreiðslum á meðan að á kórónuveirufaraldrinum stóð. Sjávarútvegur skilaði methagnaði á meðan. Allt stefndi í að veiðigjöld yrðu fyrir vikið mun lægri en fjárlagafrumvarpið gerir ráð fyrir.
Kjarninn 28. nóvember 2022
Litla-Sandfell í Þrengslum myndaðist í gosi undir jökli fyrir þúsundum ára.
„Til að búa til sement og steypu þarf að fórna“ Litla-Sandfelli
Eden Mining, sem ætlar að mylja Litla-Sandfell niður til útflutnings, er virkilega annt um loftslag jarðar ef marka má svör fyrirtækisins við gagnrýni stofnana á framkvæmdina. „Það er óraunhæft að öll íslensk náttúra verði ósnortin um aldur og ævi.“
Kjarninn 28. nóvember 2022
Ferðamenn við íshellana í Kötlujökli.
Vísa ásökunum um hótanir á bug
EP Power Minerals, fyrirtækið sem hyggur á námuvinnslu á Mýrdalssandi segir engan fulltrúa sinn hafa hótað ferðaþjónustufyrirtækjum svæðinu líkt og þau haldi fram. Skuldinni er skellt á leigjendur meðeigenda að jörðinni Hjörleifshöfða.
Kjarninn 28. nóvember 2022
Gylfi Zoega, prófessor í hagfræði sem situr í peningastefnunefnd Seðlabanka Íslands.
Ætti ríkið að greiða hverri nýrri kynslóð „heimanmund“ til þess að byrja ævina á?
Gylfi Zoega, prófessor í hagfræði, veltir fyrir sér þriðju leiðinni sem sameini hagkvæmni húsnæðismarkaðar og réttlætiskennd okkar gagnvart því að allir eigi rétt á þaki yfir höfuðið.
Kjarninn 27. nóvember 2022
Bjarni Bjarnason, forstjóri Orkuveitu Reykjavíkur, var í viðtali í Silfrinu á RÚV. Mynd / Aðsend.
Hugmyndir um útbreidd vindorkuver „alls ekki raunhæfar”
Bjarni Bjarnason forstjóri Orkuveitu Reykjavíkur varar við því að reist verði mörg vindorkuver á skömmum tíma. Hann segir fyrirtæki sem sækist eftir því að reisa vindorkuver ekki gera það til að bjarga loftslaginu heldur hugsi um ágóða.
Kjarninn 27. nóvember 2022
Meira úr sama flokkiInnlent