Björn Leví Gunn­ars­son og Þór­hildur Sunna Ævars­dótt­ir, þing­menn Pírata, stilltu sér upp með „Fokk ofbeldi“ húf­ur, við hlið Berg­þórs Óla­son­ar, þing­manni Mið­flokks­ins, á Alþingi í dag. Berg­þór er einn sex þing­manna sem sat á Klaustri, og tal­aði þar með niðr­andi hætti um sam­starfs­fólk á þingi, ekki síst kon­ur. 

Berg­þór hafði sig einna mest í frammi, og hefur hann opin­ber­lega beðist afsök­unar á fram­komu sinni. Hann og Gunnar Bragi Sveins­son, sem einnig hafði sig einna mest frammi á Klaustur bar, snéru aftur á þing, og ætla sér að halda áfram þing­störf­um. 

Þeir sex þing­menn sem sátu á Klaustur bar voru auk Berg­þórs og Gunn­ars Braga, Sig­mundur Davíð Gunn­laugs­son, for­maður Mið­flokks­ins og fyrr­ver­andi for­sæt­is­ráð­herra, Anna Kol­brún Árna­dótt­ir, og síðan Ólafur Ísleifs­son og Karl Gauti Hjalta­son, en Berg­þór og Gunnar Bragi voru þeir sem létu ljót­ustu orðin falla. Meðal ann­ars var Lilja Alfreðs­dótt­ir, mennta- og menn­ing­ar­mála­ráð­herra, kölluð „hel­vítis tík“ en hún sagð­ist líta á fram­göngu Klaust­urs­þing­manna sem ofbeldi.

Fokk ofbeldi húf­urnar eru hann­aðar og fram­leiddar fyrir UN Women, til að vekja á athygli á ofbeldi gagn­vart stúlkum og kon­um.