Don­ald Trump Banda­ríkja­for­seti og Kim Jong-Un, leið­togi Norð­ur­-Kóreu, munu hitt­ast á fundi í Víetnam, sem fram fer 27. og 28. febr­úar næst­kom­andi. Trump sagði í ræðu sinni að hann hefði komið í veg fyrir stríð við Norð­ur­-Kóreu, og að það væri honum að þakka að kjarn­orku­vopna­til­raunir Norð­ur­-Kóreu heyrðu sög­unni til. 

Í ræð­unni sagði hann að efna­hagur Banda­ríkj­anna væri í miklum blóma þessi miss­er­in, og að honum hefði tek­ist að leysa krafta frelsis úr læð­ingi á nýjan leik. Hann lof­aði því jafn­framt að hann myndi gera allt sem í hans valdi stæði til að hindra það að Banda­ríkin yrðu sós­í­al­isma að bráð. „Það mun aldrei ger­ast,“ sagði Trump. 

Hann lof­aði því jafn­framt að hann myndi koma vilj­anum sínum í gegnum þing­ið, um að reisa múr á landa­mærum Banda­ríkj­anna og Mexík­ó. 

Hann sagði rann­sóknir sem í gangi væru innan Banda­ríkj­anna, og vitn­aði þar til rann­sókna sem bein­ast meðal ann­ars að for­seta­fram­boði hans og afskiptum Rússa af kosn­ing­unum 2016, væru „fár­an­leg­ar“ og þær ættu ekki að eiga sér stað.