Ástandið í Venesúela býr til fylkingar í alþjóðasamfélaginu

Íslensk stjórnvöld eru í hópi með fjölmörgum ríkjum, sem hafa að undanförnu lýst yfir stuðningi við Juan Guadió sem forseta Venesúela til bráðabirgða.

Nicolás Maduro tók við af Hugo Chavez. Astandið í Venesúela hefur, vægast sagt, versnað mikið í stjórnartíð hans. MYND/EPA
Auglýsing

Íslensk stjórn­völd hafa lýst yfir stuðn­ingi við Juan Guad­ió, and­stæð­ing Maduro for­seta í Venes­ú­ela, og hvatt til þess að kosn­ingar fari fram hið fyrsta. Guð­laugur Þór Þórð­ar­son, utan­rík­is­ráð­herra, lýsti því yfir stuðn­ingi við Guadió á Twitter í gær.

Kunn­ug­legar fylk­ingar eru að teikn­ast upp í alþjóða­sam­fé­lag­inu.

Ástandið í Venes­ú­ela er skelfi­legt og til marks um það spáir Alþjóða­gjald­eyr­is­sjóð­ur­inn, að lands­fram­leiðsla muni halda áfram að drag­ast hratt saman í ár en sam­drátt­ur­inn er um 50 pró­sent frá árinu 2013. Hinn 5. mars það ár lést Hugo Chavez og tók Maduro, náinn banda­maður hans og utan­rík­is­ráð­herra frá árinu 2006, við stjórn­ar­taumun­um.

Auglýsing

Upp­lausn

Efna­hagur lands­ins er í rúst um þessar mund­ir. Óða­verð­bólga, fjölda­gjald­þrota lít­illa fyr­ir­tækja, heil­brigð­is­kerfi óskil­virkt og skóla­starf víða í mol­um. Upp­lausn er kannski það orð sem lýsir ástand­inu best.

Það á ekki síst við hið póli­tíska svið, þar sem Mudor og Juan Guad­ió, helsti and­stæð­ingur hans, takast á um völd­in, og óhætt er að segja að alþjóða­sam­fé­lagið sé farið að blanda sér með beinum hætti í stöðu mála.

Reuters greindi frá því seinni part­inn í dag, að portú­galski bank­inn Novo Banco hefði komið í veg fyrir að 1,2 millj­arðar Banda­ríkja­dala, eða um 150 millj­arðar króna, hefðu verið færðir frá bank­anum inn á reikn­inga í Úrug­væ, að skipan Maduro og stjórnar hans.



Guadió hefur fengið vax­andi stuðn­ing til að verða leið­togi lands­ins sem for­seti frá Evr­ópu­ríkjum að und­an­förnu. Íslensk stjórn­völd bætt­ust í hóp margra ríkja í gær, með yfir­lýs­ingu. „Ís­lensk stjórn­­völd lýsa áhyggjum af stöðu þings­ins í Venes­ú­ela og stöðu mann­rétt­inda. Með yfir­­lýs­ing­unni  er verið að ítreka mik­il­vægi þess að lýð­ræð­is­­legar kosn­­ingar fari fram sem fyrst og lýsa yfir stuðn­­ingi við að for­­seti rétt­­kjör­ins þjóð­­þings verði for­­seti lands­ins til bráða­birgða. Ísland gengur með þessu skemur en mörg ríki sem for­m­­lega við­­ur­­kenna Juan Guaidó sem for­­seta, eins og til dæmis Dan­­mörk. Í yfir­­lýs­ing­unni felst eng­inn stuðn­­ingur við hót­­­anir ann­­arra ríkja um hern­að­­ar­í­hlutun í Venes­ú­ela eða önnur slík inn­­­grip,“ ­sagði Katrín Jak­obs­dótt­ir, for­sæt­is­ráð­herra, í við­tali við Kjarn­ann í dag.

Banda­ríkin beita þrýst­ingi

Hér sést hvar Venesúela er í Suður-Ameríku.Banda­ríkin hafa beitt sér veru­lega í mál­efnum Venes­ú­ela, meðal ann­ars með efna­hags­þving­un­um. Ein verð­mætasta eign Venes­ú­ela utan lands­ins er fyr­ir­tækið Cit­go, sem er dótt­ur­fyr­ir­tæki rík­is­ol­íu­fé­lags­ins PDVSA. 

Citgo ein­blínir á olíu­flutn­inga, olíu­hreinsun og aðrar stoð­þjón­ustu við olíu­iðnað og er með höf­uð­stöðvar í Texas. Banda­rísk stjórn­völd hafa hótað því að gera eignir félags­ins upp­tækar og hefta færslur á fjár­magni frá félag­inu til Venes­ú­ela ef Maduro fer ekki frá sem for­seti, og Guadió tekur við völd­um. 

Maduro hefur brugð­ist æfur við afskiptum Banda­ríkj­anna og segir þau vera að ræna almenn­ing í Venes­ú­ela og reyna að kom­ast yfir olíu­lindir lands­ins, sem eru þær mestu í heim­in­um, sem hafa verið stað­festar með rann­sókn­um.

Hann kall­aði eftir því í dag, að ef Banda­ríkin vildu hjálpa til við að leysa úr efna­hags­vanda Venes­ú­ela, þá ættu þau að aflétta við­skipta­þving­unum áður en lengra yrði hald­ið, af því er fram kom í umfjöllun Bloomberg.

Kína, Rúss­land og Norð­ur­-Kórea í stuðn­ings­lið­inu

Maduro hefur opin­berar stuðn­ing nokk­urra ríkja í heim­in­um. Þar á meðal eru Kína, Rúss­land, Tyrk­land, Sýr­land, Norð­ur­-Kórea og nágranna­ríkið Bólivía, svo dæmi séu nefnd. Segja má að þarna sé að teikn­ast upp kunn­ug­legar línur í alþjóð­stjórn­mál­un­um.

Mörg ríki hafa bæst í hóp þeirra sem styðja það að Guadió verði for­seti lands­ins til bráða­birgða, og að kosn­ingar fari fram hið fyrsta, sam­kvæmt umfjöllun NPR. Þar á meðal eru Spánn, Frakk­land, Þýska­land, Bret­land, Lett­land, Lit­há­en, Tékk­land, Holland, Portú­gal, Sví­þjóð og Finn­land, svo nefnd séu nokkur dæmi. Flest nágranna­ríki Venes­ú­ela styðja ekki Maduro, og eru þar stærstu ríki Suð­ur­-Am­er­íku, Brasilía og Argent­ína, bæði á sama báti.

Utan­rík­is­ráð­herra Bret­lands, Jer­emy Hunt, sagði í færstu á Twitter að Maduro hefði ekki boðað til kosn­inga innan þess átta daga frests sem gef­inn var, og því sé ekki lengu hægt að líta á hann sem leið­toga Venes­ú­ela.



Í Venes­ú­ela búa tæp­lega 32 millj­ónir manna, en talið er að yfir 2,5 millj­ónir manna hafi flúið heim­ili sín á und­an­förnum árum, og hefur flótti frá land­inu auk­ist jafnt og þétt und­an­farin miss­eri. Sér­stak­lega er staðan alvar­leg í úthverfum höf­uð­borg­ar­innar Caracas, sem er með tvær millj­ónir íbúa, en séu nágranna­byggðir teknar með í reikn­ing­inn, eru íbúar yfir 6 millj­ón­ir. Á þessu svæði er upp­lausn­ar­á­stand víða, vöru­skortur og inn­viðir að grotna nið­ur. 

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Þriðjungsfjölgun í Siðmennt á rúmu einu og hálfu ári
Af trúfélögum bætti Stofnun múslima á Íslandi við sig hlutfallslega flestum meðlimum á síðustu mánuðum. Meðlimum þjóðkirkjunnar heldur áfram að fækka en hlutfallslega var mesta fækkunin hjá Zúistum.
Kjarninn 11. júlí 2020
Aldís Hafsteinsdóttir, formaður Sambands íslenskra sveitarfélaga og bæjarstjóri Hveragerðis.
„Við þurfum fleiri ferðamenn“
Formaður Sambands íslenskra sveitarfélaga telur nauðsynlegt að fleiri ferðamenn komi til Íslands sem fyrst og vill breytingar á fyrirkomulagi skimana á Keflavíkurflugvelli.
Kjarninn 11. júlí 2020
Gunnar Hólmsteinn Ársælsson
Frekju og yfirgangi Ísraels engin takmörk sett
Kjarninn 11. júlí 2020
Sjávarútvegurinn hefur bætt við sig störfum á meðan hart hefur verið í ári hjá ferðaþjónustunni.
Ferðaþjónustan skreppur saman en sjávarútvegurinn er í sókn
Rúmlega helmingi færri störfuðu í ferðaþjónustu á síðasta ársfjórðungi miðað við árið á undan. Störfum í sjávarútvegi hefur hins vegar fjölgað um helming.
Kjarninn 11. júlí 2020
„Þegar dætrum mínum var ógnað, náðu þeir mér“
Þegar Guðrún Jónsdóttir gekk inn í Kvennaathvarfið árið 1988 til að taka sína fyrstu vakt mætti henni kasólétt kona með glóðarauga. Hún hafði gengið inn í heim sem hafði fram til þessa verið henni gjörsamlega hulinn. „Ég grét í heilan sólarhring.“
Kjarninn 11. júlí 2020
Eldishús með Aviary Pro 10 varpkerfi frá Hellmann sambærilegt kerfum sem verða í notkun að Vallá.
Stjörnuegg vill fjölga fuglum í allt að 95 þúsund að Vallá
Fyrirtækið Stjörnuegg hf. áformar breytingar á eldishúsum sínum að Vallá á Kjalarnesi sem yrðu til þess að hægt væri að koma þar fyrir 95 þúsund fuglum í stað 50 þúsund nú. Slíkum fjölda fylgja um 3.500 tonn af hænsnaskít á ári.
Kjarninn 11. júlí 2020
Kristján Þór Júlíusson, sjávarútvegs- og landbúnaðarráðherra.
Kvótaþak óbreytt í tillögum – sem og hvað aðilar þurfi að eiga hvor í öðrum til að teljast tengdir
Lokaskýrsla verkefnastjórnar um bætt eftirlit með fiskveiðiauðlindinni hefur litið dagsins ljós og hefur hún verið afhent Kristjáni Þór Júlíussyni, sjávarútvegsráðherra. Einn stjórnarmeðlimur setur sérstakan fyrirvara við skýrsluna.
Kjarninn 10. júlí 2020
Pottersen
Pottersen
Pottersen – 39. þáttur: Naumlega sloppið!
Kjarninn 10. júlí 2020
Meira úr sama flokkiErlent