Þórhildur Sunna: Verið að refsa stjórnarandstöðunni fyrir gjörðir Miðflokksmanna

Þórhildur Sunna Ævarsdóttir, þingmaður, Pírata segir í færslu á Facebook að stjórnarmeirihlutinn sé að refsa stjórnarandstöðunni.

Þórhildur Sunna og Alþingi
Auglýsing

Þór­hildur Sunna Ævars­dótt­ir, þing­maður Pírata, segir að meiri­hluti Sjálf­stæð­is­flokks­ins, Vinstri grænna og Fram­sókn­ar­flokks, sé að láta stjórn­ar­and­stöð­una gjalda fyrir Klaust­urs­málið og sér­stak­lega fram­ferði Mið­flokks­manna, með því taka yfir for­mennsku í umhverf­is- og sam­göngu­nefnd, sem Berg­þór Óla­son hefur gengt.

Í færslu á Face­book, í til­efni af mót­mælum Þór­hildar Sunnu og Björns Levís Gunn­ars­son­ar, félaga hennar í þing­flokki Pírata, segir hún að henni hafi ofboðið fram­ganga þing­meiri­hlut­ans. Hún og Björn Léví voru gagn­rýnd af sitj­andi for­seta Alþing­is, fyrir að standa með „Fokk ofbeldi“ húfur við hlið Berg­þórs þegar hann flutti ræðu á Alþingi í gær. 

Hin táknrænu mótmæli.

Auglýsing

Færsla Þór­hildar Sunnu fer hér á eftir í heild sinn­i: 

„Í þrjár vikur hafa störf umhverfis og sam­göngu­nefndar verið í upp­námi vegna afstöðu­leysis meiri­hlut­ans gagn­vart for­mennsku Berg­þórs Ólafs­sonar í nefnd­inni. Stjórn­ar­meiri­hlut­inn hefur ekki þorað að taka afstöðu í mál­inu í allan þennan tíma þrátt fyrir ítrek­aðar til­raunir minni­hlut­ans til þess að finna ásætt­an­lega lausn í mál­inu. Nú hefur meiri­hlut­inn tekið ákvörðun um að hirða eitt þriggja for­mannemb­ætta minni­hlut­ans af honum til sín, í hendur skugga­sam­göngu­mála­ráð­herra Sjálf­stæð­is­flokks­ins, Jóns Gunn­ars­son­ar. Hér er verið að refsa stjórn­ar­and­stöð­unni fyrir gjörðir Mið­flokks­manna.

Á sama tíma fær Brynjar Níels­son að spúa kvenn­fyr­ir­litn­ing­ar­tali um víðan völl án við­náms frá stjórn­ar­meiri­hlut­an­um. Katrín Jak­obs­dótt­ir, jafn­rétt­is­mála­ráð­herra, sam­þykkir með þögn sinni að það sé í lagi að Brynjar Níels­son væni kon­urnar sem hafa sakað Jón Bald­vin Hanni­bals­son um kyn­ferð­is­brot, um opin­bera smán­un. Að þær vilji bara meiða hann. Að þær fari offorsi. Brynjar smættar brotin gegn þessum hug­rökku kon­um, gerir lítið úr þeim með þöglu sam­þykki stjórn­ar­meiri­hlut­ans.

Eins fær Brynjar Níels­son að ráð­ast gegn þol­anda vændis í við­tölum við fjöl­miðla og reynir að kenna henni lex­íur í sjálfs­á­byrgð.

Við skulum ekki gleyma því að þetta er sami maður og sagði sem for­maður stjórn­skip­un­ar- og eft­ir­lits­nefndar að til væru verri brot gegn börnun en þau sem Róbert Dow­ney framdi gegn Nínu Rún Bergs­dótt­ur, Höllu Ólöfu Jóns­dótt­ur, Gló­dísi Töru og Önnu Katrínu Snorra­dótt­ur.

Þetta er sami maður og hneyksl­að­ist opin­ber­lega á því að Hjalti Sig­ur­jón Hauks­son hefði misst vinnu sem rútu­bíl­stjóri þegar upp komst að hann hefði fengið lengsta dóm sem dæmdur hefur verið á Íslandi fyrir kyn­ferð­is­brot gegn barni.

Þetta er sami maður og sá sem for­maður stjórn­skip­un­ar- og efitr­lits­nefnd­ar, hélt því fram að þau sem kröfð­ust upp­lýs­inga um upp­reist æru, þ.á.m. Bergur Þór Ing­ólfs­son, vildu bara berja á þeim sem veitt höfðu barn­a­níð­ing­unum Róberti Dow­ney og Hjalta Sig­ur­jóni Hauks­syni með­mæli.

Þetta þykir stjórn­ar­meiri­hlut­anum í lagi. Þetta þykir þing­mönnum VG, sem að eigin sögn hafa femín­isma sem eina af sínum grunn­stoðum í lagi.

Menn sem tala ógeðs­lega um kon­ur. Tala um þær sem skrokka, sem hluti, sem húrrr­andi klikk­aðar kunt­ur, sem apa­k­etti, sem vænd­is­konur sem þurfi bara að bera ábyrgð á sjálfum sér, sem konur sem vilja bara meiða karla sem brutu á þeim kyn­ferð­is­lega, fá að gera það óáreittir og án afleið­inga frá stjórn­ar­meiri­hlut­an­um. ­

Þriggja vikna umræður um hvort Berg­þór ætti að víkja úr for­manns­stóli höfðu engu skilað í gær vegna þess að stjórn­ar­meiri­hlut­inn var ekki til­bú­inn að fella hann úr stóli. Var ekki til­bú­inn að taka afstöðu gegn fram­komu Berg­þórs.

Í gær hafði sú staða ekki breyst. Ég fyrir mitt leyti, hafði reynt mitt besta til að fá stjórn­ar­meiri­hlut­ann í lið með okkur en fékk nóg af þess­ari við­var­andi með­virkni með ofbeld­is­seggjum á Alþingi.

Á sama tíma beita þeir Mið­flokks­menn fyrir sig Per­sónu­vernd og dóm­stólum í víga­leik sínum gegn upp­ljóstr­ar­anum Báru, sem opin­ber­aði inn­ræti þeirra fyrir alþjóð. Á sama tíma lætur rík­is­sak­sókn­ari það eiga sig að rann­saka spill­ing­argort þeirra Gunn­ars Braga og Sig­mundar Dav­íðs.

Nú er komið í ljós að næst­besta staðan fyrir Mið­flokk­inn var valin af stjórn­ar­meiri­hluta­naum sem ákveður að refsa okkur í stjórn­ar­and­stöð­unni með því að setja sinn mann í for­mann­stól nefnd­ar­inn­ar. Meiri­hlut­inn not­færar sér óþol okkar fyrir Berg­þóri Ólafs­syni í for­manns­stóli með því að taka til sín stól­inn og setur þangað Jón Gunn­ars­son, skugga­sam­göngu­mála­ráð­herra Íslands.

Þannig græðir stjórn­ar­meiri­hlut­inn á Klaust­urs­mál­inu. Þeim finnst líka ekk­ert mál að Berg­þór sitji áfram í stjórn nefnd­ar­innar og geti þannig stýrt fundum nefnd­ar­innar for­fall­ist Jón eða Ari Traust­i. Ekk­ert mál.

Mér ofbauð og við Björn gripum til okkar ráða. Lái okkur hver sem vill.“

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Jón Gunnarsson er dómsmálaráðherra.
Leggur til að sameina héraðsdómstóla landsins í eina stofnun
Jón Gunnarsson dómsmálaráðherra er með áform um að sameina þá átta héraðsdómstóla sem eru í landinu í eina stofnun. Forsenda sameiningarinnar er að sameinaður dómstóll hafi starfsstöðvar á landsbyggðinni.
Kjarninn 12. ágúst 2022
Kolafarmi frá Suður-Afríku skipað upp í pólskri höfn í sumar.
Pólverjum er vandi á höndum
Stærsti framleiðandi kola í Evrópu utan Rússlands er í vanda staddur eftir að hafa bannað innflutning á rússneskum kolum vegna innrásarinnar í Úkraínu.
Kjarninn 12. ágúst 2022
Kristján Loftsson forstjóri Hvals hf. virðir hér fyrir sér dauðan hval í Hvalfirði í júlímánuði.
Lögregla væntir þess að Hvalur hf. skili dróna svissneska ríkisútvarpsins í dag
Teymi frá svissneska ríkisfjölmiðlafyrirtækinu SRG SSR flaug dróna yfir hvalstöð Hvals hf. fyrr í vikunni. Starfsmenn Hvals hf. hirtu af þeim drónann og lögreglan á Akranesi hefur krafið fyrirtækið um að skila dróna Svisslendinganna.
Kjarninn 12. ágúst 2022
Hildur Björnsdóttir oddviti Sjálfstæðisflokksins í Reykjavík.
Hildur varði 9,3 milljónum í prófkjörsslaginn og átti eina og hálfa milljón afgangs
Hildur Björnsdóttir oddviti Sjálfstæðisflokksins átti 1,5 milljónir eftir í kosningasjóði sínum þegar prófkjör Sjálfstæðisflokksins í borginni var um garð gengið. Það fé ætlar hún að færa félagi sem hún sjálf stjórnar, en það heitir Frelsisborgin.
Kjarninn 12. ágúst 2022
Skúli Mogensen hefur byggt upp mikla ferðaþjónustu í Hvammsvík i Hvalfirði.
Áformin einkennist af „einhvers konar firringu“
Zephyr Iceland, sem áformar vindorkuver í Hvalfirði, „forðast að snerta á kjarna málsins“ í matsáætlun á framkvæmdinni. Kjarninn er sá að mati Skúla Mogensen, eiganda sjóbaðanna í Hvammsvík, að áformin einkennast af „einhvers konar firringu“.
Kjarninn 12. ágúst 2022
Vatnsyfirborð Rínarfljóts hefur lækkað stöðugt síðustu vikur.
Hættuástand að skapast í Rínarfljóti – Munu skipin geta siglt?
Vatnsyfirborð Rínarfljóts gæti á næstu dögum orðið hættulega lágt að mati þýskra yfirvalda. Sífellt erfiðara er að flytja vörur um ána, m.a. kol og bensín. Gríðarmiklir þurrkar hafa geisað víða í Evrópu með margvíslegum afleiðingum.
Kjarninn 11. ágúst 2022
Langreyður dregin á land í Hvalfirði með sprengiskutulinn enn í sér.
Fiskistofa mun taka upp veiðiaðferðir Hvals hf.
Ný reglugerð um verulega hert eftirlit með hvalveiðum hefur verið sett og tekur gildi þegar í stað. Veiðieftirlitsmenn munu héðan í frá verða um borð í veiðiferðum Hvals hf.
Kjarninn 11. ágúst 2022
Eldgosið í Meradölum er mikið sjónarspil, en nú bannað börnum yngri en 12 ára.
Umboðsmaður Alþingis vill fá skýringar frá lögreglustjóra á barnabanninu við eldgosið
Umboðsmaður Alþingis hefur sent bréf á lögreglustjórann á Suðurnesjum með ósk um útskýringar á umdeildu banni við umferð barna yngri en 12 ára upp að gosstöðvunum í Meradölum. Lögreglustjóri hefur sagt ákvörðunina reista á ákvæðum almannavarnarlaga.
Kjarninn 11. ágúst 2022
Meira úr sama flokkiInnlent