Bjarni segist mjög óhress með launahækkanir

Bjarni Benediktsson ætlast til þess að stjórnir ríkisfyrirtækja beri skynbragð á það sem er að gerast í samfélaginu og segir ekki annað að sjá en að tilmæli um að sýna hófsemd í launahækkunum ríkisforstjóra hafi verið höfð að engu.

Bjarni Benediktsson- Fundur stjórnskipunar- og eftirlitsnefndar
Auglýsing

Bjarni Bene­dikts­son, fjár­mála- og efna­hags­ráð­herra, seg­ist mjög óhress með þær launa­hækk­anir sem átt hafa sér stað hjá hluta for­stjóra rík­is­fyr­ir­tækja og er sam­mála þeirri gagn­rýni sem sett hefur verið fram um að þær séu takt­laus­ar. „Það er ekki annað að sjá en að þau til­mæli sem send voru á sínum tíma, í upp­hafi árs 2017, hafi verið höfð að eng­u.“

Þetta sagði Bjarni í Morg­un­út­varpi Rásar 2 í morg­un. Hann sagði enn fremur að stjórn­ar­menn í rík­is­fyr­ir­tækjum á Íslandi væru þátt­tak­endur í sam­fé­lagi þar sem ætti sér stað bar­átta um að koma í veg fyrir of mikla gliðnun milli launa þeirra sem berj­ast fyrir betri kjörum og þeirra sem stýra rík­is­fyr­ir­tækj­um. „Aðal­at­riði í þessu öllu er að við ætl­umst til þess að menn séu að ganga í takt og beri eitt­hvað skyn­bragð á því sem er að ger­ast í sam­fé­lag­in­u.“ Bjarni úti­lokar ekki að grípa við aðgerða vegna máls­ins en sagði eðli­legt að gefa stjórnum rík­is­fyr­ir­tækja og Banka­sýslu rík­is­ins færi á að svara fyrir sig fyrst.

Til­mælin sem Bjarni vísar til komu frá Bene­dikt Jóhann­essyni, þá fjár­mála- og efna­hags­ráð­herra, í jan­úar 2017, eftir að ákveðið hafði verið með laga­breyt­ingu að færa for­stjóra rík­is­fyr­ir­tækja undan kjara­ráði frá og með 1. júní það ár. Bene­dikt beindi því til stjórna allra rík­is­fyr­ir­tækja að sýna hóf­semi í launa­hækk­un­um. Við því hafa fæstar þeirra orð­ið.

Auglýsing
Laun rík­is­for­stjóra urðu aftur að meg­in­efni í umræð­unni í byrjun viku þegar greint var frá því að laun Lilju Bjarkar Ein­ars­dótt­ir, banka­stjóra Lands­bank­ans, hefðu verið hækkuð í 3,8 millj­ónir króna á mán­uði, sem þýðir að laun hennar hafa hækkað um 82 pró­sent á um tveimur árum.

Fjöl­margar aðrar launa­hækk­anir

Þetta er ekki eina launa­hækkun rík­is­for­stjóra frá því að ákvörðun um launa­kjör þeirra voru færð frá Kjara­ráði og yfir til stjórna fyr­ir­tækj­anna. Laun útvarps­stjóra hækk­uðu um 16 pró­­­sent í 1,8 millj­­­ónir króna á mán­uði, laun for­­­stjóra Isa­via um 20 pró­­­sent í 2,1 millj­­­ónir króna á mán­uði, laun for­­­stjóra Lands­­­virkj­unar um 32 pró­­­sent upp í 2,7 millj­­­ónir króna á mán­uði, laun for­­­stjóra Íslands­­­­­pósts um 17,6 pró­­­sent í 1,7 millj­­­ónir króna á mán­uði og laun for­­­stjóra Lands­­­nets um tíu pró­­­sent í 1,8 millj­­­ónir króna á mán­uði.

Birna Ein­­ar­s­dótt­ir, banka­­stjóri Íslands­­­banka, hefur einnig haft mjög góð laun, en hún var með 4,8 millj­­ónir króna í laun og árang­­urstengdar greiðslur á árinu 2017. Í fyrra­dag sendi Íslands­­­banki frá sér til­­kynn­ingu þar sem fram kom að Birna hefði óskað eftir því í nóv­­em­ber síð­­ast­liðnum að laun hennar yrðu lækkuð og að þau séu nú 4,2 millj­­ónir króna á mán­uði. Sam­kvæmt upp­lýs­ingum sem Kjarn­inn hefur aflað tók sú launa­lækkun gildi 1. jan­úar 2019 og heild­ar­laun Birnu á síð­asta ári lækk­uðu því ekki frá því sem þau voru 2017. Íslands­banki mun birta árs­reikn­ing sinn fyrir árið 2018 í dag, mið­viku­dag, og þar verður birt sund­ur­liðun á launum Birnu.

Fengu skýr fyr­ir­mæli

Bjarni sagði við Morg­un­út­varpið að hann hafi litið svo á að stjórnir rík­is­fyr­ir­tækja hefðu fengið skýr fyr­ir­mæli auk þess sem þeir bar að gæta að laga­skyldu við ákvörðun launa for­stjóra. Hann sendi í gær bréf til stjórna allra rík­is­fyr­ir­tækja og Banka­sýslu rík­is­ins, sem fer með eign­ar­hald rík­is­ins í Lands­bank­anum og Íslands­banka, þar sem hann óskaði eftir upp­lýs­ingum um það hvernig hefði verið farið eftir til­mælum Bene­dikts á sínum tíma og þau höfð til hlið­­sjónar við ákvörðun launa for­stjóra. „Hafi stjórnir ákvarðað fram­­kvæmda­­stjórum launa­hækk­­­anir umfram almenna launa­­þró­un, er óskað eftir því að þær færi rök fyrir þeim ákvörð­unum með til­­vís­unar til eig­anda­­stefn­u.“

Bjarni sagði sann­gjarnt og eðli­legt að gefa stjórn­unum tæki­færi á því að skýra mál sitt og þess vegna hefði hann sent bréf­ið.  „Þetta er samt sem áður þannig að það þarf að skoða hvert og eitt til­vik varð­andi breyt­ing­arn­ar.“ Hinar miklu hækk­anir á launum for­stjóra skýrist í ein­hverjum til­fellum af því að í gildi var ráðn­ing­ar­samn­ingur frá fyrri tíma, eða áður en að allir rík­is­for­stjórar voru felldir undir Kjara­ráð í for­sæt­is­ráð­herra­tíð Jóhönnu Sig­urð­ar­dóttur og það við­mið sett að eng­inn þeirra ætti að vera með hærri laun en for­sæt­is­ráð­herra. Bjarni sagði einnig mik­il­vægt að skoða launa­þróun rík­is­for­stjór­anna yfir lengra tíma­bil en gert hefur verið í umræð­unni.

Sigurður Ingi Jóhannsson, samgöngu- og sveitastjórnarráðherra.
Telur lágbrú fýsilegri kost fyrir nýja Sundabraut
Tveir val­kost­ir eru einkum tald­ir koma til greina vegna lagn­ing­ar Sunda­braut­ar, ann­ars veg­ar jarðgöng í Gufu­nes og hins veg­ar lág­brú yfir Klepps­vík. Samgöngu- og sveitastjórnarráðherra seg­ir að sér hugn­ist frek­ar lág­brú yfir Klepps­vík.
Kjarninn 20. september 2019
Höfuðstöðvar Vísis í Grindavík.
Vísir og Þorbjörn ræða sameiningu
Tvö sjávarútvegsfyrirtæki í Grindavík vilja sameinast. Gangi áformin eftir mun hið sameinaða fyrirtæki vera með um 16 milljarða króna í veltu á ári.
Kjarninn 20. september 2019
Ferðamenn eyddu minna en áður var haldið fram í ágúst síðastliðnum.
Hagstofan leiðréttir tölur í þriðja sinn á nokkrum vikum
Eyðsla útlendinga á greiðslukortum í ágúst 2019 var minni en í ágúst 2018, ekki meiri líkt og Hagstofa Íslands hélt fram fyrir viku síðan. Þetta er í þriðja sinn á örfáum vikum sem Hagstofan reiknar vitlaust.
Kjarninn 20. september 2019
Guðrún Svava, nemandi í bifvélavirkjun.
Enn eykst kynjabilið í starfsnámi á framhaldsskólastigi
Aðeins þrír af hverjum tíu nemendum á framhaldsskólastigi er í starfsnámi hér á landi. Guðrún Hafsteinsdóttir, formaður Samtaka iðnaðarins, segir að það þurfi samstillt þjóðarátak til að fjölga starfsnámsnemum.
Kjarninn 20. september 2019
Hvað er það við Icelandair sem stjórnmálamenn eiga að hafa áhyggjur af?
Prófessor í hagfræði hvatti stjórnmálamenn til að fylgjast með eiginfjárstöðu Icelandair á fundi í gær. Forstjóri Icelandair sagði ummælin ógætileg. Það sem veldur þessum áhyggjum er að eiginfjárhlutfall Icelandair hefur farið hríðlækkandi undanfarið.
Kjarninn 20. september 2019
Molar
Molar
Molar – Mikilvægt að koma vel fram við innflytjendur
Kjarninn 20. september 2019
Bankahöllin sem eigandinn vill ekki en er samt að rísa
Þegar íslensku bankarnir voru endurreistir úr ösku þeirra sem féllu í hruninu var lögð höfuðáhersla á að stjórnmálamenn gætu ekki haft puttanna í þeim.
Kjarninn 20. september 2019
Hrun fuglastofna í Norður-Ameríku vekur upp spurningar
Ný grein í Science greinir frá niðurstöðum viðamikilla rannsókna á fuglalífi í Norður-Ameríku.
Kjarninn 20. september 2019
Meira úr sama flokkiInnlent