Guð­laugur Þór Þórð­ar­son utan­rík­is­ráð­herra hefur ákveðið að verja þrjá­tíu millj­ónum króna til aðstoðar við flótta­fólk frá Venes­ú­ela með stuðn­ingi við starf­semi Flótta­manna­stofn­unar Sam­ein­uðu þjóð­anna. 

Frá þessu er greint í til­kynn­ingu, en Guð­laugur Þór ræddi fyrr í dag við Juan Guai­dó, for­seta þjóð­þings Venes­ú­ela, og greindi honum frá stuðn­ingi rík­is­stjórnar Íslands við hann sem for­seta lands­ins til bráða­birgða. Nicolás Maduro er for­seti Venes­ú­ela, en mik­ill þrýst­ingur hefur verið á hann að stíga til hlið­ar, ekki síst frá Banda­ríkja­stjórn sem hefur beitt við­skipta­þving­unum gagn­vart Venes­ú­ela og hefur form­lega lýst yfir stuðn­ingi við Guai­dó.

Guð­laugur Þór greindi upp­haf­lega fyrst frá stuðn­ingi Íslands við Guaidó á Twitter síðu sinni, 4. febr­úar síð­ast­lið­inn.

Þá greindi hann einnig frá fram­lagi Íslands til mann­úð­ar­stoð­ar, en efna­hagur Suð­ur­-Am­er­íku lands­ins er í mol­um. Íbúar í Venes­ú­ela eru 32 millj­ón­ir, en Alþjóða­gjald­eyr­is­sjóð­ur­inn áætlar að lands­fram­leiðsla lands­ins muni halda áfram að falla niður á þessu ári, en sam­drátt­ur­inn nemur næstum 50 pró­sentum miðað við árið 2013. 

Fram­lagið til aðstoðar við flótta­fólkið kemur til við­bótar við tutt­ugu millj­óna króna fram­lag sem var ráð­stafað til hjálpar flótta­fólki frá Venes­ú­ela í sam­starfi við SOS-­Barna­þorp í lok jan­ú­ar, segir í til­kynn­ingu utan­rík­is­ráðu­neyt­is­ins.