Stjórn eigna­um­sýslu­fé­lags­ins Klakka (áður Exista) hefur boðað til hlut­hafa­fundar að beiðni „til­tek­inna minni­hluta hlut­hafa félags­ins“ þar sem á dag­skrá eru ýmsar til­lögur umræddra hlut­hafa, þ.m.t. til­laga um að fram fari sér­stök rann­sókn, líkt og heim­ilað er í einka­hluta­fé­laga­lögum (sbr. 1. mgr. 72. gr. laga um einka­hluta­fé­lög nr. 138/1994).

Þetta segir í svari frá Klakka, áður Exista, við fyr­ir­spurn Kjarn­ans, en í eigna­safni félags­ins núna er fjár­mögn­un­ar­fé­lagið Lyk­ill.

Þessir til­teknu minni­hluta hlut­hafar eru, ­sam­kvæmt heim­ildum Kjarn­ans, Bakka­var­ar­bræð­urnir Lýður og Ágúst Guð­munds­syn­ir, sem áður voru stæstur eig­endur Exista og stærstu eig­endur Bakka­var­ar, og Sig­urður Val­týs­son, sem áður var for­stjóri félags­ins.

Í svari frá stjórn Klakka segir að það sé mat stjórnar að ekki séu fyrir hendi laga­skil­yrði fyrir því að láta fara fram rann­sókn­ina sem kallað er eft­ir. 

í stjórn Klakka eru í dag, sam­kvæmt vef félags­ins, Matt­hew Frank Hinds, for­maður stjórn­ar, Ant­hony Thomas Place, G­unnar Þór Þór­ar­ins­son, Joy McAdam, og ­Steinn Logi Björns­son.

Í svari við fyr­ir­spurn Kjarn­ans, seg­ir: 

„Að mati stjórnar félags­ins eru laga­skil­yrði ekki upp­fyllt fyrir því að láta fram­kvæma slíka rann­sókn, m.a. þar sem til­lagan snýr mest­megnis að atriðum sem varða ekki starf­semi félags­ins eða atriðum sem þegar hefur verið upp­lýst um.

Stjórn Klakka bendir á um er að ræða end­ur­teknar umkvart­anir sömu aðila sem áður hefur verið svar­að, meðal ann­ars á hlut­hafa­fundum félags­ins. Stjórn Klakka fær því ekki séð að til­lög­urn­ar, sem koma frá félögum í eigu fyrr­ver­andi aðal­eig­enda og stjórn­enda Exista, varði mik­il­væga hags­muni Klakka eða hlut­hafa þess. Til­lögur minni­hluta hlut­haf­anna munu fá umræðu og form­lega afgreiðslu á við­eig­andi vett­vangi, þ.e. hlut­hafa­fundi félags­ins. 

Til­gangur Klakka sem eigna­um­sýslu­fé­lags er að selja eft­ir­stand­andi eignir og slíta svo félag­inu. Aðeins tveir starfs­menn starfa hjá félag­inu og rekstr­ar­kostn­aður þess er mun minni en áður.

Lýstar kröfur í nauða­samn­ingum Exista námu upp­haf­lega tæp­lega 300 millj­örðum króna og aðeins hluti þeirra hefur feng­ist greidd­ur. Nær allar eignir félags­ins hafa verið seld­ar, svo sem vátrygg­ing­ar­fé­lagið VÍS og fjar­skipta­fyr­ir­tækið Sím­inn, svo nú er aðeins lítið brot af eignum Exista sem stendur eft­ir. Þar er fjár­mögn­un­ar­fyr­ir­tækið Lyk­ill stærsta eign­in. Félagið fór í sölu­ferli á síð­asta ári en til­boðin sem bár­ust upp­fylltu ekki verð­mat stjórnar Klakka og því hafa áform um sölu Lyk­ils nú verið sett á hill­una. Þegar allri eigna­sölu verður end­an­lega lokið verður starf­semi Klakka hætt í núver­andi mynd.“