Búið að slíta viðræðum – Undirbúningur verkfallsaðgerða hefst

Fundur þeirra fjögurra stéttarfélaga sem leitt hafa kjaraviðræður með Samtökum atvinnulífsins hjá ríkissáttasemjara er lokið með viðræðuslitum. Nú hefst undirbúningur verkfalla.

Ragnar Þór Ingólfsson Sólveig Anna Jónsdóttir og Vilhjálmur Birgisson stýra þremur af þeim fjórum félögum sem nú hafa slitið viðræðum.
Ragnar Þór Ingólfsson Sólveig Anna Jónsdóttir og Vilhjálmur Birgisson stýra þremur af þeim fjórum félögum sem nú hafa slitið viðræðum.
Auglýsing

Efl­ing, VR, Verka­lýðs­fé­lag Akra­ness og Verka­lýðs­fé­lag Grinda­víkur hafa slitið kjara­við­ræðum sínum við Sam­tök atvinnu­lífs­ins. Aðilar máls hitt­ust á fundi hjá rík­is­sátta­semj­ara sem hófst í dag klukkan 14 og stóð til að hann yrði í um einn og hálfan tíma.

Tæpum 40 mín­útum eftir að fundur hófst var honum hins vegar lokið með ofan­greindri nið­ur­stöðu. Ekk­ert til­boð kom frá Sam­tökum atvinnu­lífs­ins á fund­in­um, sam­kvæmt upp­lýs­ingum Kjarn­ans.

Á vef Efl­ingar hefur verið birt yfir­lýs­ing vegna þessa þar sem segir að „verka­fólk á Íslandi hefur of lengi þurft að þola lág­launa­stefnu og stjórn­lausan ójöfn­uð. Verka­fólk hefur skapað góð­æri síð­ustu ára með vinnu sinni. Atvinnu­rek­endur hafa þó neitað að ganga að sann­gjörnum kröfum Efl­ingar og sam­flots­fé­laga. Verk­fall er þaul­reynd og lögvarin aðferð stétt­ar­fé­laga til að jafna hlut vinn­andi fólks gagn­vart atvinnu­rek­end­um.“

Auglýsing

Ljóst að komið var að vatna­skilum

For­­menn verka­lýðs­­fé­lag­anna fjög­­urra sem eru í sam­­floti í kjara­við­ræð­um, fengu öll umboð til að slíta við­ræðum við Sam­tök atvinn­u­lífs­ins í gær.

Nú þegar búið er að slíta við­ræðum hefst und­ir­bún­ingur verk­falls­að­gerða en leita þarf sam­þykkis félags­manna hvers félags fyrir sig áður en í þær verður ráð­ist.

Sól­­veig Anna Jóns­dótt­ir, for­­maður Efl­ing­­ar, sagði í við­tali í kvöld­fréttum RÚV í gær að und­ir­­bún­­ingur fyrir næstu skref væru komin langt á leið og benti á að 80 pró­­sent félags­­­manna hafi í könnun sagst vera hlynnt því að fara í verk­­fall. „Við lítum svo á að við séum fólkið sem hefur svo sann­­ar­­lega búið til góð­ærið, búið til hag­vöxt­inn og ­með vinnu okkar komið Íslandi upp úr þeirri djúpu efna­hag­skreppu sem að landið var komið í sökum brjál­­sem­i kap­ít­a­lista. Við lítum svo á að okkar tími sé ein­fald­­lega kom­inn til þess að fá það sem við raun­veru­­lega eigum inn­­i.“

Hall­­dór Benja­mín Þor­bergs­­son, fram­­kvæmda­­stjóri Sam­­taka atvinn­u­lífs­ins, sagði í Morg­un­út­­varpi Rásar 2 í morg­un, að komið væri að ein­hvers ­konar vatna­skilum í við­ræð­un­­um. Hall­­dór ítrek­aði að kjara­við­ræður snú­ist um upp­­­bygg­ingu lífs­kjara og þróun sam­­fé­lags­ins. Enn frem­ur ­sagði hann að Sam­tök atvinn­u­lífs­ins hafi lagt fram heild­­stætt til­­­boð þar sem þau meti hvað sam­­fé­lagið geti borið án þess að farið verði í verð­hækk­­an­ir, upp­­sagnir og verð­­bólga fari af stað.

Í takti við síð­ustu vend­ingar

Í síð­ustu viku lögðu Sam­tök atvinnu­lífs­ins fram til­boð sem hljóð­aði upp á að laun upp að 600 þús­und krónum á mán­uði myndu hækka um 20 þús­und krónur á mán­uði hvert ár samn­ings­ins, sem gert var ráð fyrir að gilti til þriggja ára. Hærri laun áttu að hækka um 2,5 pró­sent.

Efl­ing, VR og verka­lýðs­­fé­lög Akra­­ness og Grinda­vík­­ur sögðu til­boðið leiða til kaup­mátt­arrýrn­unar fyrir stóra hópa launa­fólks. Þau lögði fram gagntil­­boð á föstu­dag þar sem komið var „til móts við kaup­hækk­­­­un­­­­ar­­­­boð Sam­­­­taka atvinn­u­lífs­ins, með því skil­yrði að yfir­­­­völd setji fram og standi við skatt­­­­kerf­is­breyt­ing­­­­ar.“ Sam­tök atvinn­u­lífs­ins höfn­uðu gagntil­­boð­inu.

Á þriðju­dag kynnti rík­is­stjórnin svo ýmsar aðgerðir sem hún er til­búin að ráð­ast í til að liðka fyrir far­sælli nið­ur­stöðu kjara­samn­inga. Á meðal þeirra aðgerða voru skatt­kerf­is­breyt­ingar sem í fólst að bæta við nýju lægra skatt­þrepi og stuðla að skatta­lækkun upp á tæpar sjö þús­und krónur á mán­uði upp að 900 þús­und króna mán­að­ar­tekj­um.

Við­brögð verka­lýðs­for­yst­unnar við útspili rík­is­stjórn­ar­innar voru flest á einn veg: von­brigði og að líkur hefðu þar með auk­ist á að verk­föll myndu skella á í mars.

Kyrrsetningu Max-véla verður aflétt en spurningin er hvenær
Mikilvægur fundur fer fram í Texas í dag, þar sem fulltrúar flugmálayfirvalda í heiminum fá upplýsingar frá Boeing um uppfærslu á hugbúnaði í 737 Max vélum félagsins. Þær hrannast upp á framleiðslusvæði félagsins í Renton vegna alþjóðlegrar kyrrsetningar.
Kjarninn 23. maí 2019
Rósa Björk Brynjólfsdóttir og Þórhildur Sunna Ævarsdóttir.
Framkvæmdastjórn Evrópuráðsþingsins hafnar öfga-hægri flokki
Rósa Björk Brynjólfsdóttir og Þórhildur Sunna Ævarsdóttir leiddu andstöðu við að viðurkenna stjórnmálahóp sem gefur sig út fyrir að vera á móti innflytjendum og hælisleitendum.
Kjarninn 23. maí 2019
Örn Bárður Jónsson
Réttilega að málum staðið
Kjarninn 23. maí 2019
3.839 íbúðir í byggingu á Íslandi
Þjóðskrá Íslands hefur hafið birtingu á nýjum gögnum um fjölda íbúða í byggingu.
Kjarninn 23. maí 2019
Búið að vísa Klausturmálinu til siðanefndar Alþingis
Tveir tímabundnir varaforsetar forsætisnefndar hafa vísað Klausturmálinu, sem snýst um drykkjutal sex þingmanna Miðflokksins, til siðanefndar Alþingis.
Kjarninn 23. maí 2019
Ólafur Páll Jónsson
Yfir strikið
Leslistinn 23. maí 2019
Selja helming í HS Orku til Ancala Partners og færa hlut í Bláa lóninu út
Félag í eigu 14 íslenskra lífeyrissjóða keypti í dag öll hlutabréf í HS Orku sem það átti ekki fyrir, seldi helming þeirra síðan til bresks sjóðsstýringarfyrirtækis en seldi nýju félagi lífeyrissjóða fyrst 30 prósent hlut í Bláa lóninu á 15 milljarða.
Kjarninn 23. maí 2019
Aðkomu Ross Beaty, sem verið hefur stjórnarformaður HS Orku undanfarin ár, að fyrirtækinu fer senn að ljúka.
Lífeyrissjóðirnir búnir að kaupa Innergex út úr HS Orku
Félag í eigu 14 íslenskra lífeyrissjóða hefur keypt 53,9 prósent hlut í HS Orku á 37,3 milljarða króna. Það mun að öllum líkindum eignast allt hlutafé í HS Orku. Að minnsta kosti um stund.
Kjarninn 23. maí 2019
Meira úr sama flokkiInnlent