Robert Muell­er, sak­sókn­ar­ar­inn sem stýrir Rúss­lands­rann­sókn­inni svo­nefndu, heldur því fram í grein­ar­gerð, sem gerð var opin­ber í gær, að Paul Mana­fort, fyrr­ver­andi kosn­inga­stjóri Don­alds Trumps, Banda­ríkja­for­seta, sé best lýst sem for­hertum glæpa­manni. Hann hafi um margra ára skeið framið marg­vís­leg lög­brot af ein­beittum ásetn­ingi.

Hann segir í grein­ar­gerð­inni að Mana­fort hafi margt ólög­legt á sam­viskunni, eins og skatta­laga­brot, fjár­svik og pen­inga­þvætti, en það sé þó ekki allt. Á und­an­förnum ára­tug segir Mueller að Mana­fort hafi framið marg­vís­lega glæpi, þeir hafi náð alveg fram á haustið 2018, jafn­vel eftir að hann var hand­tek­inn og dæmdur fyrir fjár­svik og ólög­mæta aðstoð við yfir­völd ann­arra ríkja. 

Þá segir enn fremur að glæpir Mana­fort - eftir að hann var hand­tek­inn og dæmdur fyrir lygar við lög­reglu­rann­sóknir - þá hafi hann reynt að hafa áhrif á vitni og hindra fram­gang rétt­vís­innar við rann­sókn mála. 

Grein­ar­gerðin var lögð fram í dóm­stólum í Was­hington DC en dóms­málin gegn Mana­fort eru rekin bæði í höf­uð­borg­inni og í Virg­in­íu.

Mana­fort, sem hefur verið náinn banda­maður Don­alds Trumps Banda­ríkja­for­seta um ára­bil, gæti átt yfir höfði sér ævin­laga fang­els­ins­vist, en sé horft til fjársvikanna sem hann hefur verið ákærður fyr­ir, gæti hann átt yfir höfði sér 24 ára fang­elsi. Mana­fort er 69 ára gam­all og gæti því setið í fang­elsi það sem hann á eftir ólif­að.