Stétt­ar­fé­lagið Efl­ing var látið vita fyrr í þessum mán­uði að á einu af stóru hót­el­unum hangi uppi á töflu „skammar­listi“ yfir þá starfs­menn sem taka sér flesta veik­inda­daga.

Frá þessu er greint á vef­síðu félags­ins.

Hall­dór Odd­son, lög­fræð­ingur hjá ASÍ, segir í frétt Efl­ingar þetta vera alvar­legt brot gegn per­sónu­vernd og frið­helgi einka­lífs starfs­fólks­ins. „Við þessu gætu legið sekt­ir. Við munum til­kynna Per­sónu­vernd um þetta mál.“

Varð­andi stemn­ingu á stóru hót­el­unum segir Sól­veig Anna Jóns­dótt­ir, for­maður Efl­ing­ar, að hún sé ekki upp á marga fiska. „Við höfum verið að heim­sækja þessi hótel í vet­ur. Það er komið fram af rosa­legri van­virð­ingu við starfs­fólk­ið. Ég hef oft reynt að benda fólki á að stemn­ingin á íslenskum vinnu­mark­aði sé alger­lega fyrir neðan allar hell­ur, sér­stak­lega þegar kemur að okkar aðfluttu félögum í lág­launa­stör­f­un­um,“ segir hún.

Hún segir jafn­framt að ekki sé nóg að atvinnu­rek­endur bendi á – til að upp­hefja sjálfa sig – að þeir borgi eftir kjara­samn­ingi. Í fyrsta lagi séu lág­marks­laun á Íslandi svo lág að þau dugi ekki fyrir nauð­synjum hér í Reykja­vík. Í öðru lagi sé þetta risa­vanda­mál, þessi gegn­um­gang­andi fyr­ir­litn­ing gagn­vart fólki í lág­launa­störf­um. Atvinnu­rek­endur virð­ist því miður líta svo á að verka- og lág­launa­fólk, sér­stak­lega ef það kemur ann­ars­staðar frá, sé ein­fald­lega einnota drasl.

Í frétt Efl­ingar segir enn fremur að trún­að­ar­menn þeirra í stórum hót­el­keðjum hafi upp­lýst þau að yfir­menn skrái nöfn þeirra sem leiti til stétt­ar­fé­lags­ins. „Fólki eru gefin bein og óbein skila­boð að afleið­ingar fylgi því að tengj­ast stétt­ar­fé­lag­in­u,“ segir Maxim Baru, yfir­maður félags­sviðs Efl­ing­ar. „Fólki er bók­staf­lega sagt að fara ekki til stétt­ar­fé­lags­ins. Mannauðs­deildir margra þess­ara fyr­ir­tækja hafa þá afstöðu að þau eigi starfs­fólkið – og að trún­að­ar­menn­irnir eigi að þjóna mannauðs­deild­inni, frekar en að vinna með starfs­fólki og stétt­ar­fé­lag­i.“