„Mér finnst við verða að horfa á þetta með þessum gler­aug­um: Að það að fara í bólgna kjara­samn­inga í kóln­andi hag­kerfi er mikið hættu­spil. Ég tel að það sé óráð að gera það heldur eigi kjara­samn­ingar að vera meira hag­sveiflu­drifn­ir. Það er eðli­legt að verka­lýðs­hreyf­ingin sæki fram af miklum þunga í miklum efna­hags­vexti þegar hag­kerfið er á upp­leið. En mér finnst það ekki skyn­sam­leg nálgun og ég á erfitt með að láta hana ganga upp í mínum hag­fræði­heimi, að við göngum mjög hart fram á vinnu­mark­aði inn í þegar kóln­andi hag­kerf­i.“

Þetta er meðal þess sem Hall­dór Benja­mín Þor­bergs­son, fram­kvæmda­stjóri Sam­taka atvinnu­lífs­ins, sagði í við­tali við Þórð Snæ Júl­í­us­son, rit­stjóra Kjarn­ans í sjón­varps­þætt­inum 21 á Hring­braut í vik­unni.

Þar ræddi hann meðal ann­ars stöðu mála í kjara­við­ræð­um, yfir­vof­andi verk­föll, launa­hækk­anir rík­is­for­stjóra og útspil rík­is­stjórn­ar­innar til að liðka fyrir lausn í við­ræðum vinnu­mark­að­ar­ins. Hægt er að sjá stiklu úr þætti kvölds­ins hér að neð­an.

Hall­dór sagði að hátt atvinnustig sé eitt­hvað sem Íslend­ingar leggi mjög mikið vægi á. „Við getum sagt að atvinnu­leysi sé eitur í beinum þjóð­ar­inn­ar, ekki bara núna eða und­an­farin ár heldur und­an­farna ára­tugi. Við höfum alltaf lagt mestu eða rík­ustu áhersl­una á það að halda hér uppi atvinnustigi á und­an­förnum ára­tugum og við verðum að passa að missa ekki stjórn á því.“

Hann sagð­ist hafa reynt að tekja sér að  vera yfir­veg­aður í sínum mál­flutn­ingi og vera ekki að mála upp of dökka mynd af stöð­unni. „En á sama tíma verðum við að vera raun­sæ. Við sjáum því miður að upp­sagnir eru að aukast tals­vert þessa dag­anna, vik­urnar og miss­er­in. Og það er vegna þess­arra ytri aðstæðna. Að hag­kerfið er að kólna, eft­ir­spurn er að drag­ast saman og það mun leiða til þess að geta fyr­ir­tækj­anna til þess að standa undir kostn­að­ar­auka, sér í lagi í formi launa­hækk­ana, er því miður rýr­ari núna en hún var við gerð síð­ustu kjara­samn­inga.“