Sam­tök atvinnu­lífs­ins hafa höfðað mál fyrir Félags­dómi gegn Efl­ingu stétt­ar­fé­lagi og kraf­ist að boðað verk­fall 8. mars næst­kom­andi verði dæmt ólög­mætt. Þess er einnig kraf­ist að Efl­ing verði dæmt til greiðslu sektar í rík­is­sjóð vegna brota á lögum um stétt­ar­fé­lög og vinnu­deil­ur.

„SA telja atkvæða­greiðslu Efl­ingar hafa verið and­stæða lögum enda verði vinnu­stöðv­un, sem ein­ungis sé ætlað að ná til ákveð­ins hóps félags­manna, ein­ungis borin undir þá félags­menn sem vinnu­stöðvun er ætlað að taka til. Einnig er vísað til þess að atkvæða­greiðsla Efl­ingar hafi ekki verið póst­at­kvæða­greiðsla í skiln­ingi laga enda var atkvæða að mestu aflað með kjör­fundum fyrir utan ein­staka vinnu­staði. Þegar atkvæði eru greidd á kjör­fundi þurfa a.m.k. 20% félags­manna á atkvæða­skrá að taka þátt í atkvæða­greiðslu,“ segir í til­kynn­ing­unn­i. 

Sam­kvæmt SA voru fjöl­margir aðrir ann­markar á atkvæða­greiðslu Efl­ingar og telja þau að Efl­ing hafi hvorki fylgt lögum um stétt­ar­fé­lög og vinnu­deilur né reglum sem mið­stjórn ASÍ hefur sett um fyr­ir­komu­lag atkvæða­greiðslna hjá aðild­ar­fé­lög­um.