Hall­dór Benja­mín Þor­bergs­son, fram­kvæmda­stjóri Sam­taka atvinnu­lífs­ins, segir að ákvarð­anir um að hækka laun nokkra for­stjóra rík­is­fyr­ir­tækja um tugi pró­senta hafi sent röng skila­boð inn í þær við­ræður sem Sam­tök atvinnu­lífs­ins eiga við verka­lýðs­for­yst­una um þessar mund­ir. „Þetta hefur valdið mjög miklum skaða. Það er mjög erfitt fyrir okkur að kljást við þetta. Þetta eru sið­ferð­is­leg álita­efni, þetta eru kannski hlutir sem skipta kannski ekki öllu máli í þessu þjóð­hags­lega sam­hengi en hafa ofboðs­lega slæm áhrif á mórall­inn í þessum við­ræðum og þar af leið­andi eitt­hvað sem ég hef talað mjög hart gegn.“

Þetta er meðal þess sem Hall­dór sagði í við­tali við Þórð Snæ Júl­í­us­son, rit­stjóra Kjarn­ans í sjón­varps­þætt­inum 21 á Hring­braut í vik­unni.

Þar ræddi hann meðal ann­ars stöðu mála í kjara­við­ræð­um, yfir­vof­andi verk­föll og útspil rík­is­stjórn­ar­innar til að liðka fyrir lausn í við­ræðum vinnu­mark­að­ar­ins. Hægt er að sjá stiklu úr þætti kvölds­ins hér að neð­an.

Hall­dór ræddi líka um það hvernig kjara­bar­áttan færi nú fram, en mikil átök geisa á mörgum örðum víg­völlum en ein­ungis við samn­inga­borðið í Karp­hús­inu. Það er til að mynda hart tek­ist á á sam­fé­lags­miðl­um. „Ég held að mín mesta gæfa í líf­inu sé sú að hafa aldrei verið á Face­book. Ég sé ekki eftir þeirri ákvörð­un,“ sagði Hall­dór.

Hann sagð­ist hafa reynt að leggja áherslu á að mál­flutn­ingur Sam­taka atvinnu­lífs­ins væri með þeim hætti að yfir­vegað yfir­bragð væri á hon­um. Íslend­ingar þekki vel gang hag­sveifl­unnar hér­lend­is, hinar miklu upp­sveifl­ur, og muni vel eftir því hvaða áhrif miklar nið­ur­sveiflur hafa til að mynda á lán heim­ila. „Það er örugg­lega engin þjóð sem er betur að sér í áhrifum verð­bólgu á hag almenn­ings en akkúrat Íslend­ing­ar. Við munum alveg hvernig er að kljást við fast­eigna­lán í vax­andi verð­bólgu. Við eigum að forð­ast að hleypa verð­bólg­unni af stað og við eigum að forð­ast það að ganga svo hart að fyr­ir­tækj­unum í land­inu að þeirra eina and­svar verði að fara í upp­sagnir í mjög stórum stíl.“