Icelandair Group hefur gengið frá samn­ingi um lán að fjár­hæð 80 millj­ónir banda­ríkja­dala, eða um 10 millj­arða króna, við inn­lenda lána­stofn­un, að því er fram kemur í til­kynn­ingu frá félag­inu.

Ekki er nánar til­greint um hvaða lána­stofnun er að ræða, en Íslands­banki hefur verið við­skipta­banki félags­ins hér á landi und­an­farin ár.

Sam­hliða verða tíu Boeing 757 flug­vélar í eigu félags­ins settar að veði til trygg­ingar greiðslu láns­ins. Láns­tími er til fimm ára. Gert er ráð fyrir að láns­fjár­hæðin verði nýtt sem hluta­greiðsla inn á útgefin skulda­bréf félags­ins, segir í til­kynn­ingu.

Rekstur Icelandair hefur verið þungur und­an­farið en félagið tap­aði 6,8 millj­örðum króna á fjórða fjórð­ungi síð­asta árs. Miklar sveiflur hafa verið á mark­aðsvirði félags­ins, sam­hliða samn­inga­við­ræðum helsta keppi­naut­ar­ins, WOW air, við banda­ríska félagið Indigo Partner­s. 

Í dag lækk­aði virði félags­ins um 9,66 pró­sent og nemur mark­aðsvirði félags­ins nú tæp­lega 37 millj­örð­um, en eigið fé félags­ins í lok árs í fyrra nam tæp­lega 60 millj­örð­um.

Stærstu hlut­hafar Icelandair eru íslenskir líf­eyr­is­sjóð­ir. Líf­eyr­is­sjóður versl­un­ar­manna á 14 pró­sent hlut í félag­inu, Gildi líf­eyr­is­sjóður 8 pró­sent og Birta líf­eyr­is­sjóður 7,3 pró­sent, en þessir sjóðir eru þrír stærstu hlut­hafar félags­ins.