„Annað hvort er maður ráð­herra eða ekki. Hún ein­fald­lega fer frá sem ráð­herra og nýr ráð­herra kemur í hennar stað. Það er svo auð­vitað lög­form­lega sér­stök ákvörðun á nýjan leik að setja hana inn aft­ur. Hins vegar getur það verið póli­tísk sam­komu­lag milli flokk­anna að hún komi inn síð­ar. En það er auð­vitað ekk­ert sem heitir stjórn­skip­un­ar­lega að geyma stól­inn fyrir ein­hvern.“

Þetta segir Eiríkur Berg­mann Ein­ars­son, pró­fessor í stjórn­mála­fræði, um afsögn Sig­ríðar Á. And­er­sen úr emb­ætti dóms­mála­ráð­herra fyrr í dag. Eiríkur er gestur Þórðar Snæs Júl­í­us­son­ar, rit­stjóra Kjarn­ans, í sjón­varps­þætt­inum 21 sem er á dag­skrá klukkan 21:00 í kvöld.

Hægt er að sjá stiklu úr þætti kvölds­ins hér að neð­an:

Sig­ríður sagði af sér á blaða­manna­fundi sem boð­aður var með skömmum fyr­ir­vara fyrr í dag í dóms­mála­ráðu­neyt­inu. Ástæðan fyrir afsögn hennar er Lands­rétt­ar­málið svo­kall­aða og dómur Mann­rétt­inda­dóm­stóls Evr­ópu í því sem hefur meðal ann­ars orsakað að Lands­réttur hefur ekki treyst sér til að dæma í málum út þessa viku hið minnsta.

Á blaða­manna­fund­inum sagð­ist Sig­ríður ætla að stíga til hliðar sem ráð­herra á meðan að fjallað væri meira um Lands­rétt­ar­málið og vinna úr þeirri stöðu sem upp væri kom­in. Hún hefði skynjað að hennar per­sóna kynni að hafa trufl­andi áhrif á frek­ari með­ferð þess.

Eiríkur bendir hins vegar á, líkt og áður sagði, að ekki sé hægt að stíga tíma­bundið til hliðar sem ráð­herra. Búast má við því að boðað verði til rík­is­ráðs­fundar í kvöld eða fyrra­málið þar sem Sig­ríður fer úr rík­is­stjórn og nýr ráð­herra úr röðum Sjálf­stæð­is­flokks­ins kemur inn í hana í stað­inn.

Í við­tali kvölds­ins fer Eiríkur ítar­lega yfir atburði dags­ins í íslenskri póli­tík og þá for­dæma­lausu stöðu sem er uppi í Brex­it.