Hæstiréttur bregst við niðurstöðu Mannréttindadómstóls Evrópu

Hæstiréttur spyr um hvort málsaðilar ætli að fara fram á ómerkingu dóma Landsréttar.

img_2952_raw_1807130229_10016405946_o.jpg
Auglýsing

Hæstirétt­ur Íslands mun í ljósi dóms Mann­rétt­inda­­dóm­stóls Evr­­ópu spyrja aðila allra mála, sem tek­in voru fyr­ir af ein­hverj­um þeirra fjög­­urra dóm­­ara sem voru ekki á upp­­haf­­leg­um 15 manna lista hæf­is­­nefnd­ar um skip­an dóm­­ara við Lands­rétt, að því hvort þeir muni í ljósi dóms MDE fara fram á að dóm­ur Lands­rétt­ar verði ómerkt­­ur.

Þetta kem­ur fram á vef Hæsta­rétt­­ar.  

Einnig segir á vefnum að slíkri fyr­ir­­spurn hafi þegar verið beint til aðila máls Glitn­is Holdco gegn Stund­inni og Reykja­vík Media, vegna lög­banns­máls­ins svo­nefnda, en Ragn­heiður Braga­dótt­ir var einn dóm­­ar­anna sem kváðu upp Lands­rétt­­ar­­dóm í því máli.

Auglýsing

Orð­rétt segir á vef Hæsta­rétt­ar:

„Sam­kvæmt dag­skrá Hæsta­réttar er ráð­gert að mál nr. 29/2018, Glitnir Holdco ehf. gegn Útgáfu­fé­lag­inu Stund­inni ehf. og Reykja­vík Media ehf., verði munn­lega flutt í þing­haldi föstu­dag­inn 15. mars nk. Er þar áfrýjað dómi Lands­réttar 5. októ­ber 2018, en meðal dóm­ara, sem áttu hlut að úrlausn máls­ins, var lands­rétt­ar­dóm­ar­inn Ragn­heiður Braga­dótt­ir. Sem kunn­ugt er gekk 12. þessa mán­aðar dómur í Mann­rétt­inda­dóm­stóli Evr­ópu í máli nr. 26374/18, Guð­mundur Andri Ást­ráðs­son gegn Ísland­i.Þar var því slegið föstu að rang­lega hafi verið staðið að skipun Arn­fríðar Ein­ars­dóttur í emb­ætti lands­rétt­ar­dóm­ara með þeim afleið­ingum að við með­ferð máls­ins hafi ekki verið full­nægt því skil­yrði 1. mgr. 6. gr. samn­ings um verndun mann­rétt­inda og mann­frelsis að skipan dóm­stóls skuli ákveðin með lög­um. Sömu aðstæður og byggt var að þessu leyti á í dóm­inum eiga við um lands­rétt­ar­dóm­ar­ann Ragn­heiði Braga­dótt­ur. 

Af fram­an­greindu til­efni beinir Hæsti­réttur hér með þeirri fyr­ir­spurn til aðila máls nr. 29/2018 hvort þeir hafi annar eða báðir í hyggju að krefj­ast þess að dómur Lands­réttar verði ómerktur af áður­nefndum ástæð­um. Verði slík krafa höfð uppi telur Hæsti­rétt­ur, í ljósi þess sem opin­ber­lega hefur komið fram um að íslenska ríkið hafi til athug­unar að neyta heim­ildar í 43. gr. fyrr­greinds samn­ings til að óska eftir að máli nr. 27374/18 verði vísað til yfir­deildar mann­rétt­inda­dóm­stóls­ins, óhjá­kvæmi­legt að fresta munn­legum flutn­ingi máls nr. 29/2018 um óákveð­inn tíma þar til end­an­leg nið­ur­staða fæst um þetta efni. Verði á hinn bóg­inn engin slík krafa gerð mun málið koma til munn­legs flutn­ings á áður boð­uðum tíma. Í ljósi aðstæðna er óskað eftir svörum við þess­ari fyr­ir­spurn fyrir kl. 16 í dag.

Áfrýj­and­inn Glitnir Holdco ehf. og stefndu, Stundin ehf. og Reykja­vík Media ehf., hafa til­kynnt að þeir muni ekki krefj­ast þess fyrir Hæsta­rétti að dómur Lands­réttar verði ómerktur af ofan­greindum ástæð­um. Hefur Hæsti­réttur því í sam­ræmi við fram­an­greint ákveðið að munn­legur flutn­ingur máls nr. 29/2018 fari fram á áður boð­uðum tíma föstu­dag­inn 15. mars nk. Sams konar erindi verður beint til aðila ann­arra dóms­mála fyrir Hæsta­rétti þar sem eins stendur á um.“ 

Hæstirétt­ur Íslands seg­ir að með dómi Mann­rétt­inda­dóm­stóls Evr­ópu hafi því verið slegið föstu að rang­­lega hafi verið staðið að skip­un Arn­­fríðar Ein­­ar­s­dótt­ur í emb­ætti lands­rétt­­ar­­dóm­­ara með þeim af­­leið­ing­um að við með­ferð máls­ins „hafi ekki verið full­nægt því skil­yrði 1. mgr. 6. gr. samn­ings um vernd­un mann­rétt­inda og mann­frels­is að skip­an dóm­stóls skuli ákveðin með lög­­­um.“

Dóm­arar við Lands­rétt, 15 tals­ins, hafa ákveðið að kveða ekki upp neina dóma á meðan óvissa er uppi. Næstu skref í mál­inu eru nú metin af stjórn­völd­um, eins og kunn­ugt er. 

Sig­ríður Á. And­er­sen sagði af sér í dag sem dóms­mála­ráð­herra, en rík­is­ráðs­fundur hefur verið boð­aður á morgun klukkan 16:00, þar sem skipað verður í emb­ætti dóms­mála­ráð­herra á nýjan leik.



Halfdan Rasmussen, eitt vinsælasta skáld Dana.
Hvað gera Kasper, Jesper og Jónatan nú
Danska forlagið Gyldendal ákvað að sleppa átta ljóðum úr safni ljóða eftir skáldið Halfdan Rasmussen, þau eiga það sameiginlegt að í þeim koma fyrir orðin negri og hottintotti. Sú ákvörðun forlagsins hefur vakið mikla athygli í Danmörku.
Kjarninn 19. maí 2019
Áhætta á fasteignamarkaði
Nýjasta spá Hagstofu Íslands um þróun mála í efnahagslífinu bendir til þess að fasteignamarkaðurinn gæti átt erfitt uppdráttar á næstu misserum.
Kjarninn 19. maí 2019
Hatari veifaði Palestínufánum
Liðsmenn Hatara héldu á fána Palestínu þegar tilkynnt var um stigin úr símakosningunni í Eurovison í kvöld. Hatari hafnaði í 10. sæti í keppninni.
Kjarninn 19. maí 2019
Fjárhagslegur ávinningur er af sameiginlegum lyfjainnkaupum
Svandís Svavarsdóttir segir að það bæði ríkissjóður og notendur lyfja muni njóta góðs af samstarfi við hin Danmörk og Noreg um innkaup á lyfjum. Innkaup verði hagstæðari og öryggi í afhendingu meira.
Kjarninn 18. maí 2019
Hlutdeild ferðaskrifstofa í heildarneyslu ferðamanna rúmlega tvöfaldast
Hver ferðamaður sem kom til landsins árið 2017 varði 19 prósent af heildarneyslu sinni í ferðaskrifstofur. Þá hefur hlutdeild ferðaskrifstofa í heildarneyslu erlendra ferðamanna rúmlega tvöfaldast á níu árum.
Kjarninn 18. maí 2019
Starfsfólk ráðuneytanna ólíklegt til að tilkynna #metoo-mál
Skýrsla um #metoo og Stjórnarráð Íslands sem vinnustað var kynnt í ríkisstjórn í gærmorgun.
Kjarninn 18. maí 2019
Íhaldssamt öfga-hægri sem stendur gegn kvenfrelsi
Svandís Svavarsdóttir heilbrigðisráðherra segir að orðræða sumra þingmanna um þungunarrofsfrumvarpið endurspegli bakslag í íslenskum stjórnmálum og pólitíska sveiflu íhaldssamra öfga-hægri sjónarmiða.
Kjarninn 18. maí 2019
Klikkið
Klikkið
Klikkið - Viðtal við Ágúst Kristján
Kjarninn 18. maí 2019
Meira úr sama flokkiInnlent