Fast­eigna­fé­lagið Heima­vellir er á leið úr kaup­höll Íslands en hluta­bréf félags­ins hafa verið hluti af mark­aðnum frá því þau voru tekin til við­skipta í maí í fyrra. 

Á aðal­fundi félags­ins í dag var sam­þykkt að afskrá félagið. Mark­aðsvirði félags­ins hefur verið sveiflu­kennt, en á þessu ári hefur það hækkað um 2,4 pró­sent og er það nú 14,2 millj­arðar króna. 

Eigið fé félags­ins í lok árs 2018 var 18,8 millj­arðar króna og námu heild­ar­eignir félags­ins, þar helst íbúðir í útleigu, 56,8 millj­örðum króna, en skuldir 38 millj­örð­um.

Félög í eigu fjár­fest­anna Finns R. Stef­áns­sonar og Tómasar Krist­jáns­sonar lögðu upp­haf­lega fram til­lögu um afskrán­ingu, hinn 1. febr­ú­ar. Þeir hafa ásamt fram­taks­sjóðnum Alfa, Vörðu Capi­tal ehf. og Eign­ar­halds­fé­lag­inu VGJ ehf. boðið í 27% hlut í Heima­völl­um, fyrir sam­tals fjóra millj­arða króna, gegn því að félagið verði afskráð, að því er Við­skipta­blaðið hefur greint frá.

Á aðal­fund­inum voru kosin í stjórn­ Árni Jón Páls­son, Erlendur Magn­ús­son, Hall­dór Krist­jáns­son, Hildur Árna­dóttir og Rann­veig Eir Ein­ars­dótt­ir.