Forseti ASÍ: Naumur tími til stefnu ef ekki á að koma til harðra átaka

Drífa Snædal segir að samtal sé enn í gangi við stjórnvöld vegna kjaraviðræðna. Hún segir að alþjóðastofnanir séu að gera sér grein fyrir að jöfnuður sé lykilatriði í að koma á og viðhalda friði, hvort sem er innan ríkja eða á milli þeirra.

Drífa Snædal er forseti ASÍ.
Drífa Snædal er forseti ASÍ.
Auglýsing

„Af inn­lendum vett­vangi er það að frétta að aðild­ar­fé­lög ASÍ ham­ast við að ná samn­ingum við Sam­tök atvinnu­lífs­ins og sam­tal við stjórn­völd er enn í gangi. Ljóst er þó að ef ekki á að koma til harðra átaka er naumur tími til stefnu enda hefj­ast aðgerðir á ný í næstu viku.“

Þetta segir Drífa Snædal, for­seti Alþýðu­sam­bands Íslands (ASÍ), í viku­legum föstu­dag­spistli sínum sem birtur var síð­degis í dag.

Drífa vísar þar til þeirrar stöðu sem er uppi í kjara­við­ræðum en verk­föll hafa þegar verið boðuð hjá bæði VR og Efl­ingu í nán­ustu fram­tíð og engir samn­ingar hafa náðst við önnur stétt­ar­fé­lög sem eru enn í við­ræðum við Sam­tök Atvinnu­lífs­ins í Karp­hús­inu.

Auglýsing

Í pistl­in­um, sem ber yfir­skrift­ina „Mis­réttið komið að þol­mörk­um“, fjallar hún líka um veru sína sem full­trúi Alþjóða­sam­bands verka­lýðs­fé­laga (IT­UC) á sam­ráðs­vett­vangi Alþjóða­bank­ans og Alþjóða­gjald­eyr­is­sjóðs­ins í Was­hington í upp­hafi viku. „Þar hafði hreyf­ingin mögu­leika á að ræða milli­liða­laust við þá sem stýra þessum stofn­un­um. Áherslan í þeim sam­töl­um, af okkar hálfu, var á gæði starfa, jöfnuð og jafn­rétti og sátt­mála um félags­lega vernd. Svo virð­ist sem þessar alþjóða­stofn­anir séu að gera sér grein fyrir að jöfn­uður sé lyk­il­at­riði í að koma á og við­halda friði, hvort sem er innan ríkja eða á milli þeirra. Þá þarf að vinda ofan af þeirri stefnu að fjölgun starfa sé nauð­syn í sjálfu sér án þess að vinnu­vernd, félags­legt rétt­læti og sæmi­leg laun séu einnig í pakk­an­um.

Þegar Alþjóða­gjald­eyr­is­sjóð­ur­inn er svo far­inn að leggja til hátekju­skatt til að auka jöfnuð og jafn­vel sam­eig­in­legan fjár­magns­flutn­inga­skatt til að stemma stigu við skattaund­anskotum hljóta stjórn­völd um allan heim að hlusta enda hefur sjóð­ur­inn hingað til ekki verið þekktur fyrir að vilja skatt­leggja þá auð­ugu sér­stak­lega. Þessi stefnu­breyt­ing er til marks um að flestir gera sér nú grein fyrir að mis­rétti í heim­inum er komið að þol­mörk­um. Það er bók­staf­lega lífs­nauð­syn­legt fyrir lýð­ræði og frið í heim­inum að vinda ofan af mis­rétt­inu. Það mun svo koma í ljós hvort áherslur verka­lýðs­hreyf­ing­ar­innar skili sér í stefnu og aðgerðum Alþjóða­bank­ans og Alþjóða­gjald­eyr­is­sjóðs­ins.“

Drífa segir líka frá svartri skýrslu um Ísland sem kom út í dag frá sér­fræð­inga­hópi Evr­ópu­ráðs­ins um mansals­mál. „Það kom ekki á óvart að skýrslan væri svört og til­lög­urnar eru allar í sam­ræmi við þær til­lögur sem helstu sér­fræð­ingar í mála­flokknum hafa barist fyrir síð­ustu ár. Nýs dóms­mála­ráð­herra bíða þau brýnu verk­efni að koma á sam­ræm­ing­arteymi, gera aðgerð­ar­á­ætl­un, breyta lögum er varða mansal, auka yfir­sýn og fræðslu um mála­flokk­inn. Það þarf að lyfta grettistaki í þessum mál­um, ekki síðar en í gær.“

Íslenska ríkið braut gegn Styrmi og Júlíusi
Mannréttindadómstóll Evrópu telur íslenska ríkið hafa brotið gegn Styrmi Þór Bragasyni, fyrrum forstjóra MP banka, og Júlíusi Sigurþórssyni, fyrrum framkvæmdastjóra vörustýringasviðs Húsasmiðjunnar.
Kjarninn 16. júlí 2019
Duterte íhugar að slíta stjórnmálasambandi við Ísland
Rodrigo Duterte, forseti Filippseyja, íhugar alvarlega að slíta stjórnmálasambandi við Ísland í kjölfar ályktunar Íslands í mannréttindaráði Sameinuðu þjóðanna.
Kjarninn 16. júlí 2019
Píratar greiddu gegn tilnefningu Birgittu í trúnaðarráð flokksins
Birgitta Jónsdóttir mun ekki sitja í trúnaðarráði Pírata eftir að tilnefningu hennar í ráðið var hafnað í atkvæðagreiðslu á félagsfundi Pírata. Alls kusu 55 gegn og 13 með tilnefningu Birgittu í trúnaðarráð Pírata.
Kjarninn 16. júlí 2019
Persónuvernd annar ekki eftirspurn
Eftir að ný persónuverndarlöggjöf tók gildi síðasta sumar hefur kvörtunum til Persónuverndar fjölgað um 70 prósent en löggjöfin gerir fólki kleift að stýra sínum persónuupplýsingum betur. Persónuvernd hefur ekki náð að sinna eftirspurn að öllu leyti.
Kjarninn 16. júlí 2019
Ástþór Ólafsson
Styrkjandi áhrif til eftirbreytni
Kjarninn 15. júlí 2019
Magnús Halldórsson
Lausnin er að draga tjöldin frá
Kjarninn 15. júlí 2019
Kristbjörg Mekkín Helgadóttir og Sigurður Einarsson Mäntylä flytja ávörp á ráðherrafundi um heimsmarkmiðin á morgun.
Trúa að rödd þeirra geti haft áhrif
Tveir fulltrúar frá ungmennaráði heimsmarksmiðanna munu ávarpa ráðherrafund um heimsmarkmið Sameinuðu þjóðanna í New York á morgun.
Kjarninn 15. júlí 2019
Kristbjörn Árnason
Orkustríðið
Kjarninn 15. júlí 2019
Meira úr sama flokkiInnlent