Eva Ceder­balk, sem hefur gegnt stjórn­ar­for­mennsku í Arion banka frá árinu 2017, gefur ekki kost á sér til áfram­hald­andi stjórn­ar­setu á aðal­fundi bank­ans sem fram fer næsta mið­viku­dag, 20. mars, en til­nefn­ing­ar­nefnd bank­ans leggur til að Brynjólfur Bjarna­son verði næsti stjórn­ar­for­maður bank­ans. 

Brynjólfur er var­for­maður núver­andi stjórn­ar, for­maður end­ur­skoð­un­ar­nefndar stjórnar og situr í lána­nefnd stjórn­ar.

Þetta kemur fram í til­kynn­ingu frá bank­anum til kaup­hall­ar, en bank­inn er skráður á markað bæði á Íslandi og í Sví­þjóð.

Måns Höglund gefur heldur ekki kost á áfram­hald­andi setu.

Í fram­boði til stjórn­ar­setu, auk Brynj­ólfs, eru þau Bene­dikt Gísla­son, Her­dís Dröfn Fjeld­sted, Liv Fiks­da­hl, Paul Ric­hard Horn­er, Renier Lemmens og Stein­unn Kristín Þórð­ar­dótt­ir.

Leggur til­nefn­ing­ar­nefnd til að þau verði öll kjörin í stjórn bank­ans en þau Fiks­da­hl, Horner og Lemmens koma ný inn í stjórn­ina.

Í til­kynn­ingu segir Cedebalk að þegar hún hafi tekið við sem stjórn­ar­for­maður hafi legið fyrir að skrá bank­ann á mark­að. „Því verki lauk far­sæl­lega síð­ast­liðið sumar þegar bank­inn var skráður í kaup­höll bæði á Íslandi og í Sví­þjóð. Ég er stolt af því að hafa verið þátt­tak­andi í þeirri mik­il­vægu veg­ferð,“ segir Cedebalk.

Mark­aðsvirði Arion banka hefur hækkað und­an­farna daga, en á þessu ári hefur það hækkað um 7,94 pró­sent. Mark­aðsvirði bank­ans er nú 155 millj­arðar króna, en eigið fé hans nam í árs­lok í fyrra 200,9 millj­örðum króna.