Þarf að aftengja flokkspólitík frá skipun í stöður innan dómsvaldsins

Prófessor í stjórnmálafræði bendir á að það sé persónupólitík í Landsréttarmálinu sem hafi áhrif á stjórnarsamstarf þeirra flokka sem mynda ríkisstjórnina.

Eiríkur Bergmann 13. mars 2019 klippa 1
Auglýsing

„Póli­tískt held ég að þá eru skila­boðin þau að það fram­ferði sem menn höfðu tamið sér hérna fyrir nokkrum árum, og þeim ára­tugum sem liðu á und­an, þar sem stjórn­mála­menn fóru bara fram í krafti valds síns og gerðu nokkurn veg­inn það sem þeim sýnd­ist með því að teygja skiln­ing lag­anna að ein­hverju leyti í þær áttir sem þeir sjálfir vildu helst túlka, að sú tíð er kannski lið­inn. Og að menn verði að átta sig á því að það sé ekki hægt að fara fram með sama hætt­i.“

Þetta er meðal þess sem Eiríkur Berg­­mann Ein­­ar­s­­son, pró­­fessor í stjórn­­­mála­fræði, sagði um dóm Mann­rétt­inda­dóm­stóls Evr­ópu í Lands­rétt­ar­mál­inu og afsögn Sig­ríðar Á. And­er­sen úr emb­ætti dóms­­mála­ráð­herra í sjón­varps­þætt­inum 21 á Hring­braut í vik­unni. Eiríkur var gestur Þórðar Snæs Júl­í­us­­son­­ar, rit­­stjóra Kjarn­ans, í þætt­in­um. Hægt er að sjá stiklu úr honum hér að neð­an.

Auglýsing





Eiríkur minnti á að það væri líka per­sónupóli­tík í mál­inu sem hafi áhrif á stjórn­ar­sam­starf þeirra flokka sem mynda rík­is­stjórn Katrínar Jak­obs­dótt­ur. „Í fyrri rík­is­stjórn þá er það Sig­ríður And­er­sen sem að tekur út úr hópi hæf­ustu helsta lög­fræði­lega ráð­gjafa Vinstri grænna, Ást­ráð Har­alds­son, sem hefur starfað með vinstri­hreyf­ing­unni í ára­tugi. Það er ekki bara að hann sé fag­lega og póli­tískt nátengdur Vinstri grænum heldur er hann tengdur for­ystu­fólki þar fjöl­skyldu­bönd­um. Á sama tíma og hann er tek­inn út þá er eig­in­kona núver­andi þing­manns Sjálf­stæð­is­flokks­ins færð úr neðri sætum og situr í dómnum í stað­inn fyrir Ást­ráð og hina.“

Þar á Eiríkur við Arn­fríði Ein­ars­dótt­ur, einn þeirra fjög­urra umsækj­enda í Lands­rétt­inn sem hæf­is­nefndin mælti ekki með að skipa í rétt­inn en Sig­ríður ákvað samt að skipa. Arn­fríður er eig­in­kona Brynjars Níels­son­ar, þing­manns Sjálf­stæð­is­flokks­ins.

Fleiri hafa bent á þessa stöðu. Í grein­ar­gerð sinni fyrir Mann­rétt­inda­dóm­stóli Evr­ópu, í mál­inu sem Ísland tap­aði síð­ast­lið­inn þriðju­dag, hélt Vil­hjálmur H. Vil­hjálms­son lög­maður því meðal ann­ars fram að dóms­mála­ráð­herra hefði hand­valið umsækj­endur á þann lista sem hún lagði fyrir Alþingi til sam­þykkt­ar. Það hafi hún gert á grund­velli vin­áttu og póli­tískra tengsla. Í mála­til­bún­aði Vil­hjálms var því haldið fram að Arn­fríður hafi verið skipuð sem hluti af hrossa­kaupum innan Sjálf­stæð­is­flokks­ins þar sem Brynjar Níels­son gaf í stað­inn eftir odd­vita­sæti sitt í öðru Reykja­vík­ur­kjör­dæm­inu í síð­ustu kosn­ingum til Sig­ríðar Á. And­er­sen.

Eiríkur sagði að þessi staða geri sam­starfið innan rík­is­stjórn­ar­innar flók­ið. „Og er til að bæta ofan á flækju­stigið þar sem menn eru per­sónu­lega tengdir leik­end­unum sem að eru þarna á bak­við.“

Hann segir að þetta sýni að það þurfi að taka það alvar­legar að aftengja flokkspóli­tík frá skipun í stöður innan dóms­valds­ins.



Seðlabankafólk ræddi um Facebook gjaldmiðilinn
Seðlabankastjóri Bandaríkjanna, Jerome Powell, segir að rafmyntin sem Facebook ætlar að setja í loftið á næsta ári hafi komið til umræðu innan Seðlabanka Bandaríkjanna.
Kjarninn 19. júní 2019
Raunhækkun fasteigna lítil sem engin þessi misserin
Vorið 2017 mældist fasteignaverðshækkun 23,5 prósent.
Kjarninn 19. júní 2019
Þórhildur Sunna Ævarsdóttir, þingflokksformaður Pírata.
Heildarendurskoðun lögræðislaga samþykkt
Þingsályktunartilllaga þar sem mælst er til að heild­ar­end­ur­skoðun lög­ræð­islaga fari fram og að kosin verði til þess sér­nefnd þing­manna hefur verið samþykkt á Alþingi. Þingflokksformaður Pírata getur ekki beðið eftir því að hefjast handa.
Kjarninn 19. júní 2019
Höfuðstöðvar Lífeyrissjóðs verzlunarmanna eru í Húsi verslunarinnar.
Stjórn Lífeyrissjóðs verzlunarmanna segir vexti hafa verið orðna „óeðlilega“ lága
Stjórn Lífeyrissjóðs verzlunarmanna segist það ekki samræmast skyldu sinni að taka hagsmuni 3.700 lántaka með breytileg verðtryggð lán fram yfir hagsmuni allra sjóðsfélaga. Hún segir yfirlýsingar um einvörðungu hækkun vaxta byggja á veikum grunni.
Kjarninn 19. júní 2019
FME minnir á kröfur sem gerðar eru til lífeyrissjóða
VR hyggst gera breytingar á skipan stjórnar Lífeyrissjóðs verslunarmanna.
Kjarninn 19. júní 2019
Jafnréttisnefnd KÍ mótmælir málflutningi kennara
Jafnréttisnefnd Kennarasambands Íslands hefur sent frá sér ályktun þar sem málflutningi grunnskólakennara um falskar ásakanir nemenda um meint ofbeldi kennara er mótmælt.
Kjarninn 19. júní 2019
Sigurður Ingi Jóhannsson
Að breyta samfélagi
Kjarninn 19. júní 2019
Sarkozy ákærður fyrir spillingu og mútuþægni
Fyrrum forseti Frakklands er ákærður fyrir að hafa þegið fjármagn frá Gaddafi, fyrrum forseta Líbíu.
Kjarninn 19. júní 2019
Meira úr sama flokkiInnlent