Björn Snæ­björns­son, for­maður Starfs­greina­sam­bands­ins, segir það óneit­an­lega vera von­brigði að samn­inga­nefnd sam­bands­ins hafi slitið við­ræðum við Sam­tök atvinnu­lífs­ins á fundi hjá rík­is­sátta­semj­ara nú rétt fyrir hádegi.

„Við lýstum yfir því að við teldum þetta árang­urs­lausan fund þannig við slitum við­ræð­um. Aðal­vanda­málið snýst um þessi vinnu­tíma­mál sem við höfum verið að þróa á und­an­förnum vik­um. Það er svo­lítið í því sem við getum ekki sætt okkur við og menn þurfa auð­vitað að skoða bet­ur. Þannig að það hefur ekki náðst sátt í þau mál,“ segir Björn Snæ­björns­son í sam­tali við RÚV.

Björn segir jafn­framt að nú verði kall­aður saman aðgerð­ar­hópur innan Starfs­greina­sam­bands­ins þar sem þau skoða hvaða aðgerðum þau geta beitt. Hann reiknar með því að samn­inga­nefnd Starfs­greina­sam­bands­ins verði kölluð saman á mánu­dag­inn til að fara yfir það plan.

Í frétt RÚV um málið kemur fram að þetta hafi verið þrett­ándi fundur Starfs­greina­sam­bands­ins og rík­is­sátta­semj­ara en deil­unni var vísað þangað fyrir um þremur vik­um.

Björn segir enn fremur að ef boðað verði til verk­falla verða þau ekki fyrr en seint í apríl eða byrjun maí, miðað við dag­setn­ing­una í dag. „Þetta er fer­ill sem þarf að fara í gegnum og tekur dálít­inn tíma.“

Myrkrið dimm­ast skömmu fyrir dag­renn­ingu

Hall­dór Benja­mín Þor­bergs­son, fram­kvæmda­stjóri Sam­taka atvinnu­lífs­ins, segir að þó að lýst hafi verið yfir árang­urs­lausum samn­inga­fundi hjá Starfs­greina­sam­band­inu haldi sam­talið áfram.

Hann segir jafn­framt að margt hafi áunn­ist í við­ræðum við SGS en því miður hafi þau ekki náð saman að sinni. „En sú mikla vinna sem við höfum náð fram, hún mun von­andi nýt­ast síðar og er að sjálf­sögðu ekki unnin fyrir gíg,“ segir Hall­dór Benja­mín.

„Við höfum sagt að við leggjum strax fram það sem við teljum að sé grund­völlur lausn­ar. Það hefur gengið mjög vel með SGS á und­an­förnum vik­um. Lang­flest hefur náðst að þró­ast í sam­ein­ingu. Þannig ég geri ráð fyrir að við getum tekið upp við­ræður aftur með skömmum fyr­ir­vara,“ segir hann.

Enn fremur telur hann að staðan sé tví­sýn, myrkrið sé dimm­ast skömmu fyrir dag­renn­ingu og nú sé mik­il­vægt að nýta næstu daga til að forða því að hér verði mikið efna­hags­legt tjón í gegnum þær verk­falls­að­gerðir sem búið er að boða.