Flug­vélar Wow air sem áttu að koma úr Amer­íkuflugi í nótt lögðu aldrei upp frá flug­völlum vest­an­hafs vegna þess leigusalar WOW air í Banda­ríkj­unum og Kanada létu kyrr­setja vél­arnir í nótt. Þetta herma heim­ildir Kjarn­ans. 

Stuttu síð­ar­ kom til­kynn­ing frá WOW air að flug­fé­lagið væri á loka­metr­unum að klára hluta­fjár­aukn­ingu við nýjan eig­enda­hóp á félag­inu og að allt flug hefði verið stöðvað þar til þeir samn­ingar yrðu klárað­ir. Á vef WOW air birt­ist síðan til­kynn­ing um átta leitið í morgun um að flug­fé­lagið hefði hætt starf­sem­i. WOW air skil­aði síðan flug­rekstr­ar­leyfi sínu til Sam­göngu­stofu klukkan átta í morgun

Á mbl.is er greint frá því sú vél sem kyrr­sett er á Kefla­vík­ur­flug­velli, eftir sam­komu­lagi WOW air og Isa­via vegna van­gold­inna lend­ing­ar­gjalda flug­fé­lags­ins, sé í eigu ALC. En sam­kvæmt Morg­un­blað­inu voru það fyr­ir­tæk­in ALC, Tungnaa Avi­at­i­on Leasing Lim­ited og Sog Avi­at­i­on Leasing Lim­ited sem ákváðu að krefj­ast kyrr­­setn­ing­ar á vél­um WOW air vegna van­efnda á leig­u­­samn­ing­­um.