„Algjör ráðgáta hvers vegna hlutföllin eru ennþá svona skökk“

Nasdaq Iceland í samstarfi við Jafnvægisvog FKA efndi til hringborðsumræðna 8 aðila, framkvæmdastjóra og forstjóra hjá skráðum og óskráðum fyrirtækjum sem einblíndu á að skoða til hvaða aðgerða þurfi að grípa til að kynjajafnvægi innan fyrirtækja náist.

Páll Harðarson
Páll Harðarson
Auglýsing

Páll Harð­ar­son, for­stjóri Nas­daq Iceland, segir það vera í raun algjöra ráð­gátu hvers vegna hlut­föllin eru ennþá svona skökk þegar kemur að kynja­hlut­falli í fram­kvæmda­stjóra­stöðum í íslenskum fyr­ir­tækj­um. Þetta kom fram í máli hans í hring­borðsum­ræðum for­stjóra og fram­kvæmda­stjóra í átta fyr­ir­tækjum um hvernig mætti koma á kynja­jafn­vægi í stjórn­un­ar­stöð­um. Nas­daq Iceland í sam­starfi við Jafn­vægis­vog Félags kvenna í atvinnu­líf­inu (FKA) efndi til hring­borðsum­ræðn­anna. Í kjöl­far umræð­unnar var hald­inn morg­un­fundur fyrir stjórn­ar­menn, for­stjóra og fram­kvæmda­stjóra þar sem nið­ur­stöður voru kynnt­ar.

Rakel Sveinsdóttir, formaður FKA.Rakel Sveins­dótt­ir, for­maður FKA, segir það vera ljóst að menntun sé ekki það eina sem skipti máli til að konur nái fram­gangi til stjórn­un­ar­starfa til jafns á við karla. Breyta þurfi gömlum venjum og menn­ingu sem fólk kannski áttar sig ekki á að geti verið mjög hamlandi.

„Það kom skýrt fram í umræðum fund­ar­ins að for­stjóri fyr­ir­tækis þarf að vera jafn­rétt­is­sinn­aður til að skapa and­rúms­loft jafn­rétt­is­menn­ingar og einnig að stjórnir ættu að setja þetta mál meira á dag­skrá hjá sér. Stefna í þessum efnum skiptir máli fyrir fyr­ir­tækið til að skapa jafn­rétt­is­sinn­aðan og góðan vinnu­stað. Það líka var áber­andi hvað allir sam­mælt­ust um að breyt­inga væri þörf, bæði konur og karl­ar, en einnig að hreyf­ingar í þær áttir væru áþreif­an­legar víða með góðum árangri. Það eru mjög góðar frétt­ir,“ segir Rakel.

Auglýsing

Jafn­rétt­is­menn­ing eykur starfs­á­nægju og árangur

Það sem fram kom á fund­inum var meðal ann­ars að hlut­fall kvenna í fram­kvæmda­stjóra­stöðum sé 26 pró­sent á meðal 100 stærstu fyr­ir­tækja lands­ins og 22 pró­sent á meðal skráðra fyr­ir­tækja. Enn fremur að jafn­rétt­is­menn­ing innan fyr­ir­tækja auki starfs­á­nægju og árangur í fyr­ir­tæki og að fá ætti inn þriðja aðila til að aðstoða starfs­menn. Breyta þurfi fyr­ir­tækja­menn­ing­unni þannig að allir fái jöfn tæki­færi og allir fái tæki­færi til að vinna sig upp í starfi. Opin­skátt sé talað um jafn­rétti og hlúð að báðum kynjum þannig að mengið sem geti vaxið upp í starfi sé stærra. Álit for­stjóra á jafn­rétti hafi mikið að segja um hvernig menn­ing mót­ast. „For­rétt­inda­blinda“ geti villt um og hamlað því að árangur náist, því sé nauð­syn­legt að fá inn þriðja aðila til að aðstoða við að koma á jafn­rétt­is­menn­ingu. Nokkur fyr­ir­tæki hafi þegar hafið slíka vinnu með þeim árangri að starfs­á­nægja mælist aldrei betri sem geri fyr­ir­tækið betra og árang­urs­rík­ara.

Mik­il­vægt sé að hafa alla mæli­kvarða upp á borðum og birta reglu­lega. Stjórnir ættu þannig að setja sér stefnu um jafn­rétt­is­menn­ingu. Ekki sé nóg að skila ein­göngu inn upp­lýs­ingum um slíkt í árs­reikn­ingi, heldur ættu mæli­kvarðar að vera settir og birt­ir. Ekki var ein­hugur innan rýni­hóps­ins um árangur af slíkri stefnu og dæmi tekið að hlut­irnir hefðu ekki farið á skrið fyrr en lög um kynja­kvóta í stjórnir voru sett og þá urðu hlut­föllin jafn­ari. Færri vilja að lög séu sett til að jafna hlut­föllin og telja að vinna ætti að mál­inu í ferli.

End­ur­skoða þarf skil­yrði í ráðn­ing­ar­ferli

Enn fremur ætti að end­ur­skoða skil­yrði í ráðn­ing­ar­ferli en talið er að það stækki mengið sem valið er úr. Lýs­ing á starfi – sem jafn­vel er úrelt eða of karllæg – geti úti­lokað stóran hóp fólks sem ann­ars myndi sækja um. Horfa þurfi á þörf­ina fyrir stjórn­un­ar­hæfi­leika, ekki endi­lega sér­tæka fag­mennt­un. Stundum sé leiðin upp á við innan fyr­ir­tækis þannig að starfs­fólk vinni sig upp, en það geti verið erfitt að vinna sig upp innan fyr­ir­tækis ef það er hefð­bundið frekar karllægt í menn­ingu.

Jafn­framt sé gott að breyta skipu­lagi á fram­kvæmda­stjóra­fundum og valda­stig­inn þannig end­ur­hugs­að­ur. „Fletja fram­kvæmda­stjóra­fundi út“ þannig að sér­fræð­ingar innan fyr­ir­tæk­is­ins komi meira inn á fund­ina með þau mál­efni sem þeir vinna að og eru best til þess fallnir að kynna. Valda­stig­inn sé þannig end­ur­hugs­aður og starfs­fólk fái tæki­færi til að koma sér á fram­færi á eigin verð­leik­um. Ákefð og metn­aður innan fyr­ir­tæk­is­ins eykst, upp­lifun starfs­fólk breyt­ist og teymin vinna öðru­vísi. Ákvörð­un­ar­ferli breyt­ist að sama skapi.

Nauð­syn­legt að halda umræð­unni á lofti

Páll segir við til­efnið að jafn­rétti sé sjálf­sagt mál og að efna­hags­legur ávinn­ingur sé ótví­ræður fyrir bæði fyr­ir­tæki og sam­fé­lag­ið. „Við héldum þennan fund í Kaup­höll­inni með FKA því að viljum hvetja okkar skráðu fyr­ir­tæki áfram í þeirra vinnu hvað varðar jafn­rétti. Þau skila inn flest hver upp­lýs­ingum um sam­fé­lags­á­byrgð þar sem mál­efni jafn­réttis er sett fram og eru reyndar ein­hver fyr­ir­tæki komin vel á leið með að breyta hjá sér hlut­föllum á meðal fram­kvæmda­stjóra. Það er nauð­syn­legt að halda þess­ari umræðu stöðugt á lofti og við hjá Nas­daq erum stolt af því að vera virkir þátt­tak­endur í henn­i.“

Fjárfestingar Íslandspósts of miklar í fyrra
Fjárhagsvandi Íslandspósts stafar af of kostnaðarsamri dreifingu pakkasendinga frá útlöndum og samdrætti í bréfasendingum hjá fyrirtækinu. Vandi þess stafar þó einnig af of miklum fjárfestingum í fyrra miðað við greiðslugetu fyrirtækisins.
Kjarninn 25. júní 2019
Skúli Eggert Þórðarson
Ræddu framtíðarsýn Íslandspósts
Ríkisendurskoðandi fundaði með fjárlaganefnd og stjórnskipunar- og eftirlitsnefnd í morgun, en fulltrúar fjármálaráðuneytisins og samgöngu- og sveitarstjórnarráðuneytisins voru einnig viðstaddir, sem og stjórn Íslandspósts.
Kjarninn 25. júní 2019
Ójöfn fjölskylduábyrgð hefur áhrif á stöðu kvenna í atvinnulífinu
Konur bera enn meginábyrgð á heimilinu, bæði er kemur að börnum, heimilisstörfum og umönnun aldraðra foreldra.
Kjarninn 25. júní 2019
Stuðningur við ríkisstjórnina mestur hjá kjósendum Sjálfstæðisflokks
Fleiri væntanlegir kjósendur Vinstri grænna styðja ríkisstjórnina en þeir sem segjast ætla að kjósa Framsóknarflokkinn. Stuðningur við hana á meðal kjósenda Sjálfstæðisflokksins hefur aukist síðustu vikur.
Kjarninn 25. júní 2019
Tveir framkvæmdastjórar láta af störfum hjá Íslandspósti
Mikil hagræðing og kostnaðaraðhald er framundan hjá Íslandspósti. Framkvæmdastjórum fyrirtækisins hefur verið fækkað úr fimm í þrjá.
Kjarninn 25. júní 2019
Þóra Kristín Þórsdóttir
Frá #konurtala til #konurþagna?
Kjarninn 25. júní 2019
Rúmlega þúsund kröfur vegna Gaman ferða
Alls bárust Ferðamálastofu 1.038 kröfur vegna Gaman ferða sem hættu starfsemi fyrr á árinu í kjölfar gjaldþrots WOW air. Ferðaskrifstofan var í 49 prósent eigu WOW air.
Kjarninn 25. júní 2019
Libra skjálfti hjá seðlabönkum
Áform Facebook um að setja í loftið Libra rafmyntina á næsta ári hafa valdið miklum titringi hjá seðlabönkum. Hver verða áhrifin? Þegar stórt er spurt, er fátt um svör og óvissan virðist valda áhyggjum hjá seðlabönkum heimsins.
Kjarninn 24. júní 2019
Meira úr sama flokkiInnlent