Meint skattsvik Jónsa nema 190 millj­ón­um

Jón Þór Birgisson, söngvari Sigur Rósar, og endurskoðandi hans, hafa verið ákærðir fyrir að hafa komið félagi í eigu Jóns Þórs undan greiðslu tekjuskatts. Þeir neita báðir sök.

Jónsi í Sigur Rós
Jónsi í Sigur Rós
Auglýsing

Jón Þór Birg­is­son, söngv­ari Sigur Rós­ar, og end­ur­skoð­andi hans, hafa verið ákærðir fyrir að hafa komið félagi í eigu Jóns Þórs undan greiðslu tekju­skatts af rúm­lega 700 millj­ónum króna. Ákæran var lögð fram í Hér­aðs­dómi Reykja­víkur í morgun þegar Sigur Rós­ar-­málið var þing­fest. Jón Þór og end­ur­skoð­andi hans neit­uðu báðir sök. Frá þessu er greint á RÚV.

Málið snýst um sam­lags­fé­lagið Frakk sem Jón Þór á. Í ákærunni er Jóni Þór og end­ur­skoð­and­anum gefið að sök að hafa ekki staðið skil á skatt­fram­tölum vegna gjald­ár­anna 2011 til 2015.

Sak­sókn­ari segir að þeir hafi sleppt því að telja fram rekstr­ar­tekjur félags­ins á þessum árum sem námu rúmum 700 millj­ónum og þannig komið félag­inu undan greiðslu tekju­skatts upp á 146 millj­ón­ir.

Auglýsing

Þetta er önnur ákæran á hendur Jóni Þór og end­ur­skoð­anda hans en söngv­ar­inn er einnig ákærður fyrir brot sem tengj­ast félögum í eigu liðs­manna Sigur Rós­ar. Þar nema brot hans 43 millj­ónum króna og er söngv­ar­inn því ákærður fyrir 190 millj­óna skatta­laga­brot.

Hörm­uðu að málið færi fyrir dóm

Allir liðs­menn Sigur Rósar nema Kjartan Sveins­son eru ákærðir fyrir meiri­háttar skatta­laga­brot með því að hafa staðið skil á efn­is­lega röngum skatta­fram­tölum gjald­árin 2011 til og með 2014. Kjartan er sagður hafa staðið skil á efn­is­lega röngum skatta­fram­tölum árin 2012 og 2014.

Þremur liðs­mönnum sveit­ar­inn­ar, Georg Holm, Jón Þór og Orri Páll Dýra­son, er gefið að sök að hafa kom­ist undan greiðslu tekju­skatts og fjár­magns­skatts. Kjart­an, sem hætti í Sigur Rós fyrir sex árum, er ákærður fyrir að hafa kom­ist hjá því að greiða tekju­skatt.

Málið hefur vakið tals­verða athygli erlendis og var meðal ann­ars til umfjöll­unar í The Guar­dian, Pitch­fork og á vef People.

Í til­­kynn­ingu sem hljóm­sveitin sendi frá sér í síð­ustu viku segir að með­­lim­irnir hennar harmi að málið þurfi að fara fyrir dóm en von­ist á sama ­tíma til þess að máls­á­­stæður þeirra skýrist. Þá segir að þeir hafi ávallt haft fullan ásetn­ing til að standa í réttum skilum við skatt­yf­­ir­völd og stóðu í þeirri trú að það hefði verið gert.

Ekki sér­­fróðir í bók­haldi

Haft er eftir Bjarn­freði Ólafs­­syni, lög­­­manni hjá LOGOS lög­­­manns­­þjón­ustu, í til­­kynn­ing­unni að hljóm­­­ar­sveit­­ar­­mennir töldu að þessi máli væru í lagi og í höndum fag­­manna.

„Hljóm­­sveit­­ar­­með­­limir eru tón­list­­ar­­menn og ekki sér­­fróðir í bók­haldi og alþjóð­­legum við­­skiptum – hvað þá í fram­tals­­gerð og skatt­skil­­um. Þess vegna réðu þeir við­­ur­­kennda sér­­fræð­inga til að ann­­ast bók­hald og öll sam­­skipti við íslensk skatt­yf­­ir­völd. En í ljós hefur komið að röngum fram­­tölum var skilað til rík­­is­skatt­­stjóra og/eða þeim skil­að alltof seint. Á sama tíma töldu hljóm­­sveit­­ar­­með­­limir að þessi mál væru í lagi og í höndum fag­­manna. Það verður núna verk­efni Hér­­aðs­sak­­sókn­­ara að færa sönnur fyrir því að hljóm­­sveit­­ar­­með­­limir hafi sjálfir gerst sekir um stór­­fellda van­rækslu á fram­tals­­skyldu sinni. Í ljósi máls­at­vika fæ ég ekki séð hvernig það verður hægt og þess vegna veldur það von­brigðum að emb­ætti Hér­­aðs­sak­­sókn­­ara hafi tekið ákvörðun um ákærur á hendur þeim,“ segir Bjarn­freð­­ur.

Sýslu­maður kyrr­setti eignir

Sýslu­­mað­­ur­inn á höf­uð­­borg­­ar­­svæð­inu kyrr­­setti eign­ir ­með­­lima Sigur Rós­­ar, að kröfu toll­­stjóra, í mars á síð­asta ári. Um var að ræða kyrr­­setn­ing­u ­upp á tæp­­lega 800 millj­­ónir króna ­sem náði til allra þriggja með­­lima sveit­­ar­inn­­ar; Jóns Þórs Birg­is­­son­­ar, ­Ge­orgs Hólm og Orra Páls ­Dýra­­son­­ar.

Sam­­kvæmt því sem fram kom í umfjöllun fjöl­miðla á sínum tíma var á­stæðan fyrir aðgerð­unum rann­­sókn skatt­rann­­sókn­­ar­­stjóra á meintum skatta­laga­brotum með­­lima sveit­­ar­inn­­ar. Krafan var tekin fyrir og birt þre­­menn­ing­un­um í des­em­ber árinu áður. 

Undir hana féllu kyrr­­setn­ingar á fast­­eign­um, öku­tækj­um, banka­­reikn­ing­um og hlutafé í fyr­ir­tækj­­um. Hæsta krafan var á hendur söngv­­ara sveit­­ar­inn­­ar, Jóni Þór, eða Jónsa líkt og hann er jafnan kall­að­­ur, en hún nam 638 millj­­ónum króna. Þar var um að ræða ­kyrr­­setn­ingu á þrettán hús­­eign­um, t­veimur bif­­hjólum og tveimur fólks­bíl­u­m, ­sem og sex banka­­reikn­ing­um og hlutafé í þremur fyr­ir­tækj­u­m. Þá voru tvær fast­­eignir í eigu trommar­ans Orra Páls kyrr­­sett­­ar, en verð­­mæt­i þeirra er um 82 millj­­ónir króna. Tvær fast­­eignir í eigu bassa­­leik­­ar­ans Georgs Hólm voru kyrr­­settar og er verð­­mæt­i þeirra 78,5 millj­­ón­­ir.

Allir þrír mót­­mæltu kyrr­­setn­ing­unn­i á grund­velli þess að stór hluti henn­ar varði ein­falda túlkun á tekju­skattslög­­um. Um hafi verið að ræða hand­vömm end­­ur­­skoð­anda en ekki ásetn­ing um að fremja glæp.

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Þórólfur Guðnason sóttvarnalæknir.
Veiran mögulega að missa þróttinn
Sóttvarnalæknir segir að hugsanlega sé kórónuveiran að missa þróttinn. Þeir sem smitast hafa af COVID-19 undanfarið eru ekki mikið veikir. Aðeins sex smit hafa greinst hér á landi í maí.
Kjarninn 25. maí 2020
Píratar mælast næst stærstir í nýrri skoðanakönnun frá MMR
Sjálfstæðisflokkurinn mælist með 23,5 prósent fylgi í nýrri könnun MMR, en þar í kjölfarið koma Píratar með 14,6 prósent fylgi. Framsóknarflokkurinn væri minnsti flokkurinn sem næði inn þingmanni miðað við þessa könnun og mælist með 6,4 prósent fylgi.
Kjarninn 25. maí 2020
Frá Bræðslunni í fyrra. Næsta Bræðsla verður árið 2021.
„Samfélagsleg skylda“ að aflýsa Bræðslunni
Tónlistarhátíðin Bræðslan fer ekki fram í sumar. Skipuleggjendur hátíðarinnar segja það samfélagslega skyldu sína að aflýsa hátíðinni og vilja koma í veg fyrir alla mögulega smithættu.
Kjarninn 25. maí 2020
Ólafur Arnalds
Gagnsæi og rangsnúnir landbúnaðarstyrkir
Kjarninn 25. maí 2020
Samtal við samfélagið
Samtal við samfélagið
Samtal við samfélagið – Er traust lykilinn að breyttri hegðun í umhverfismálum?
Kjarninn 25. maí 2020
Þórdís Kolbrún Reykfjörð Gylfadóttir.
Hvert fyrirtæki má að hámarki taka við 100 milljónum í „ferðagjöf“ frá ríkinu
Allir sjálfráða Íslendingar munu fá fimm þúsund króna gjöf til að eyða innanlands í sumar. Gjöfin verður afhent í gegnum smáforrit og hægt verður að framselja hana til annarra.
Kjarninn 25. maí 2020
„Á hvaða plánetu eru þeir?“ – Boris Johnson í vanda vegna ráðgjafa sem braut útgöngubann
Dominic Cummings, hinn umdeildi en óumdeilanlega áhrifaríki, ráðgjafi Boris Johnson virðist hafa brotið gegn útgöngubanni á sama tíma og bresk stjórnvöld sögðu öllum þegnum: „Þið verðið að vera heima.“ Gríðarlegur þrýstingur er á Johnson að reka Cummings.
Kjarninn 25. maí 2020
Neysla á afþreyingarefni hefur tekið stakkaskiptum á örfáum árum.
Sífellt færri eru áskrifendur að sjónvarpsþjónustu sem notast við myndlykla
Þeim landsmönnum sem kaupa áskriftir að sjónvarpsþjónustu sem þarf að nota myndlykil til að miðlast hefur fækkað um tæplega tíu prósent á tveimur árum. Sýn hefur tapað tæplega fjórðungi áskrifenda á tveimur árum.
Kjarninn 24. maí 2020
Meira úr sama flokkiInnlent