Drífa Snædal, for­seti Alþýðu­sam­bands Íslands, segir í viku­legum pistli sínum í dag að hún hafi ekki mikið verið í því að hrósa núver­andi rík­is­stjórn en nú verði hún að segja að þær aðgerðir sem rík­is­stjórnin kom með að borð­inu hafi verið lyk­ill­inn að því að hægt var að klára kjara­samn­ing­ana.

„Það var allt undir í þessum samn­ing­um, launa­kröf­ur, réttl­læt­is­mál á vinnu­mark­aði, stytt­ing vinnu­vik­unn­ar, hús­næð­is­mál, skatta­mál, líf­eyr­is­mál, verð­trygg­ing­in, jafn­rétt­is­mál og brota­starf­semi á vinnu­mark­aði svo nokkur atriði séu nefnd. Árang­ur­inn hvíldi á aðgerðum stjórn­valda og þær birt­ast í yfir­lýs­ingum í tengslum við samn­ing­ana. Svo er það sam­eig­in­legt verk­efni okkar í verka­lýðs­hreyf­ing­unni að fylgja því eftir að staðið verði við lof­orð­in,“ segir hún í pistl­in­um.

Verka­lýðs­hreyf­ingin á margt úrvals fólk sem er til­búið til verka

Drífa bendir á að nú sé valdið í höndum verka­fólks og versl­un­ar­manna að taka afstöðu til kjara­samn­ing­anna. Enn eigi iðn­að­ar­menn eftir að semja og sama gildi um félög með beina aðild að ASÍ. Svo séu opin­beru samn­ing­arnir eftir líka þannig að það sé næg vinna framund­an.

„Nú þegar einn og hálfur sól­ar­hringur er lið­inn frá und­ir­ritun stendur upp úr hvað verka­lýðs­hreyf­ingin á margt úrvals fólk sem til­búið er til verka. Að svona kjara­samn­ingum koma hund­ruð manna og í Karp­hús­inu í vik­unni kom saman reynsla og þekk­ing þeirra sem hafa gert marga kjara­samn­inga og svo nýtt fólk með nýja sýn og ferskar hug­mynd­ir. Það var góð blanda. Samn­ing­arnir voru próf­raun á gríð­ar­lega marga og allir stóð­ust prófið þegar upp var stað­ið,“ skrifar Drífa.

Hún hvetur þá sem taka laun sam­kvæmt nýjum kjara­samn­ingum að kynna sér samn­ing­ana, fylgj­ast vel með heima­síðu sinna félaga og afla upp­lýs­inga um kynn­ing­ar­fundi og atkvæða­greiðsl­ur. Hún seg­ist hafa mikla trú á að þessir samn­ingar verði sam­þykktir og að hægt verði að fara að vinna á grund­velli þeirra. „Það er líka gott að hafa í huga að bar­átta verka­lýðs­hreyf­ing­ar­innar fyrir bættum kjörum og betra sam­fé­lagi er virk hvort sem kjara­samn­ingar eru lausir eða ekki. Sú vinna hættir aldrei.“