Í heimi þar sem alþjóða­væð­ing fer sí­vax­andi er Ís­land þó hvergi nærri óhult gagn­vart þeim hættum sem fel­ast í pen­inga­þvætti og fjár­mögnun hryðju­verka, né und­an­þegið þeirri skyldu að grípa til við­eig­andi og nauð­syn­legra aðgerða til að koma í veg fyrir að slíkt fái þrif­ist innan áhrifa­svæðis þess.

Þetta kemur fram í Áhættu­mati rík­is­lög­reglu­stjóra 2019 um pen­inga­þvætti og fjár­mögnun hryðju­verka sem birt­ist í gær.

­Sam­kvæmt skýrsl­unni taldis greind ógn varð­andi pen­inga­þvætti vera mikil þegar kom að frum­brotum skattsvika, pen­inga­send­ing­um, einka­hluta­fé­lög­um, raun­veru­legum eig­end­um, flutn­ingi reiðu­fjár til og frá land­inu, starf­semi sem stundar reiðu­fjár­við­skipti, lög­mönn­um, spila­kössum og aflétt­ingu fjár­magns­hafta.

Þá tald­ist greind ógn vera veru­leg þegar kom að inn­lán­um, útgáfu raf­eyr­is, greiðslu­þjón­ustu, skráðum trú- og lífs­skoð­un­ar­fé­lög­um, sjóðum og stofn­unum sem ­starfa sam­kvæmt stað­festri skipu­lags­skrá, öðrum almanna­heilla­fé­lög­um, reiðufé í umferð, end­ur­skoð­end­um, fast­eigna­söl­um, vöru og þjón­ustu og kerfis­kenni­töl­u­m. 

Aftur á móti var ógn talin miðl­ungs í til­viki útlána, sýnd­ar­fjár, rekstri sjóða, hluta­fé­laga, sjálfs­eign­ar­stofn­ana og sam­lags­fé­laga, við­skipta og þjón­ustu með fjár­mála­gern­inga, veð­mála og við­skipta með eðal­málma og -steina. Ógn var hins vegar metin lítil þegar kom að líf­eyr­is­sjóð­um, líf­trygg­ing­um, öðrum félög­um, skipa­söl­um, happ­drætti, bingó, lottó, fjár­hættu­spilum á net­inu og ferða­mönn­um.

Áhætta af fjár­mögnun hryðju­verka hér er talin vera lítil eða miðl­ungs­mik­il. Bent er á í skýrsl­unni að þrátt fyrir veik­leika séu engin dæmi hér á landi um fjár­mögnun hryðju­verka eða tengsl við slíka hátt­semi erlend­is.