3500 laus störf á fyrsta ársfjórðungi 2019

Hagstofan hefur nú hafið mælingar á fjölda lausra starfa hér á landi. Á fyrsta ársfjórðungi 2019 voru um 3.500 störf laus á íslenskum vinnumarkaði. Á sama tíma voru um 228.300 störf mönnuð og hlutfall lausra starfa því rétt um 1,5 prósent.

Verkamaður við vinnu
Auglýsing

Á fyrstu þremur mán­uðum árs­ins voru um 3.500 störf laus á íslenskum vinnu­mark­aði. Á sama tíma voru um 228.300 störf mönnuð og hlut­fall lausra starfa því rétt um 1,5 pró­sent á fyrsta árs­fjórð­ungi 2019. Þetta kemur fram á vef Hag­stofu Íslands

Vinnu­mark­aðs­rann­sókn Hag­stof­unnar er hluti af sam­starfi ríkja á Evr­ópska efna­hags­svæð­inu um vinnu­mark­aðs­töl­fræð­i. Hag­stofan hefur nú rann­sakað vinnu­mark­að­inn hér á landi með­ árs­fjórð­ungs­lega ­nið­ur­stöðum sam­fellt frá árs­byrjun 2003. Aftur á móti er þetta í fyrsta skipti sem Hag­stofan birtir tölur um fjölda og hlut­fall lausra starfa á íslenskum vinnu­mark­aði en þessar tölur eru birtar til að bera saman fjölda lausra starfa inn­an­ ­Evr­ópu. Til að mynda var á fjórða árs­fjórð­ungi 2018 hlut­fall lausra starfa 2,3 pró­sent í Evr­ópu­sam­band­inu en þá var hlut­fallið hæst í Tékk­landi eða alls 6 pró­sent.  

Mun færri konur en karlar í fullu starfi

Ef vinnu­mark­að­ur­inn hér á landi á fjórði árs­fjórð­ungur 2018 er skoð­aður þá má sjá að jafn­aði voru 203.700 manns á aldr­inum 16 til 74 ára á vinnu­mark­aði. Af þeim voru 198.900 starf­andi og 4.900 án vinnu og í atvinnu­leit. Atvinnu­þátt­taka var því 80 pró­sent, hlut­fall starf­andi 78,6 pró­sent en atvinnu­leysi 2,4 pró­sent á fjórða árs­fjórð­ung­i 2018. Starf­and­i ­fólki fjölg­aði um 4500 á milli ára en hlut­fall starf­andi af mann­fjölda lækk­aði þó um hálft pró­sentu­stig. 

Auglýsing

Af starf­andi fólki á fjórða árs­fjórð­ungi 2018 voru 148.500 í fullu starfi, eða 74,7 pró­sent og 50.400 í hluta­starfi eða 25,3 pró­sent. Fólki í fullu starfi fjölg­aði um 4.800 frá fjórða árs­fjórð­ungi 2017 en fjöldi fólks í hluta­störfum stendur í stað. Tals­verður munur er á kynj­unum þegar að kemur að starfs­hlut­falli en  starf­andi konum voru 62,3 pró­sent í fullu starfi á fjórða árs­fjórð­ungi 2018 og 88,6 pró­sent af starf­andi körlum

Atvinnu­leysi eigi eflaust eftir að taka stökk upp á við

Á fjórða árs­fjórð­ungi mæld­ist at­vinnu­leysi 2,4 pró­sent, sam­kvæmt töl­u­m Hag­stof­unn­ar. Atvinnu­leysi ­mæld­ist hæst líkt og vana­lega hjá ald­urs­hópnum 16 til 24 ára eða 5,3 pró­sent. Ef litið er til mennt­unar var atvinnu­leysi hjá þeim sem hafa aðeins lokið grunn­menntun 4,3 pró­sent. Hjá þeim sem lokið hafa starfs- eða fram­halds­menntun mæld­ist atvinnu­leysi 2,1 pró­sent og 1,3 pró­sent meðal þeirra sem lokið hafa háskóla­mennt­un. Eng­inn munur var á atvinnu­leysi milli höf­uð­borg­ar­svæð­is­ins og utan þess.

Vinnu­mála­stofnun mælir einnig atvinnu­leysi en töl­ur Vinnu­mála­stofn­un­ar ­sýna hversu margir eru skráðir atvinnu­lausir og njóta atvinnu­leysis bóta. Á meðan nið­ur­stöður Hag­stof­unnar byggja á mán­að­ar­legri úrtakskönnun þar sem fólk er spurt um stöðu sína. 

Í nýrri Hag­sjá Lands­bank­ans má sjá að ef litið er til 12 mán­aða hlaup­andi með­al­tals hefur atvinnu­leysi sam­kvæmt mæl­ingum Hag­stof­unnar verið nokkuð stöðugt í næstum tvö ár. ­Tölur Vinnu­mála­stofn­unar um skráð atvinnu­leysi hafa hins vegar hækkað nokkuð á síð­ustu mán­uð­u­m. 

Mynd: Landsbankinn

Í febr­ú­ar var ­skráð atvinnu­leysi 3,1 pró­sent sam­an­borið við 2,1 pró­sent í febr­úar árið 2018. Í kjöl­far gjald­þrot WOW a­ir í lok mars er búist við fjölda upp­sagna og sam­kvæmt Vinnu­mála­stofnun er talið að alls hafi um 1.600 manns fengið upp­sagn­ar­bréf í mars­mán­uði. Færu þeir allir á atvinnu­leys­is­skrá myndi skráð atvinnu­leysi strax fara upp í kringum 4 pró­sent. Í hag­sjá Lands­bank­ans segir að ekki verð­i út­séð hver þró­unin verður á næstu vikum og mán­uðum en að atvinnu­leysi eigi eflaust eftir að taka stökk upp á við. 

Farið að hægja á fjölgun erlendra rík­­is­­borg­­ara

Hlut­­­fall inn­­­flytj­enda á Íslandi hefur aldrei verið hærra en árið 2018 en þá voru inn­­­flytj­endur 12,6 pró­­­sent mann­­­fjöld­ans. Á árunum 2017 og 2018 átti sér stað met­­fjölgun erlendra rík­­is­­borg­­ara sem koma hingað til lands til að búa hér. Á því tíma­bili fjölg­aði þeim um alls 13.930, eða um tæp 46 pró­­sent. Á­stæðan er sú að á Íslandi var mik­ill efna­hags­­upp­­­gangur og mik­ill fjöldi starfa var að fá sam­hliða þeim upp­­­gangi, sér­­stak­­lega í þjón­ust­u­­störfum tengdum ferða­­þjón­­ustu og í bygg­inga­iðn­­að­i. 

Mynd: HagstofanNú hins vegar þegar hag­­kerfið er farið að kólna og spenna að losna þá virð­ist erlendum rík­­is­­borg­­urum sem sækja hingað til lands fækka sam­hliða. Sam­kvæmt tölum hag­stof­unnar fjölg­aði erlendum rík­­is­­borg­­urum sem búsettir eru á Íslandi um 820 á fyrstu tveimur mán­uðum árs­ins 2019. Til sam­an­­burðar þá fjölgað erlendum rík­­is­­borg­­urum með búsetu á Íslandi um 1.620 á fyrsta árs­fjórð­ungi árs­ins 2018. Því virð­ist allt stefna í að mun færri erlendir rík­­is­­borg­­arar muni flytja til lands­ins á fyrsta árs­fjórð­ungi þessa árs en gerðu það á sama tíma­bili í fyrra.

Vilt þú vera með?

Frjálsir, hugrakkir fjölmiðlar eru ómetanlegir en ekki ókeypis. Kjarninn reiðir sig á framlög lesenda og með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og við ætlum að standa vaktina áfram og bjóða almenningi upp á vandaða umfjöllun þar sem áhersla er á gæði og dýpt.  

Fyrir þá lesendur sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Magn kókaíns í frárennsli höfuðborgarinnar fjórfaldaðist milli áranna 2016 og 2018. Í sumar hafði verulega dregið úr því miðað við apríl í fyrra.
Mun minna kókaín í skólpinu
Kórónuveirufaraldurinn hefur breytt mynstri fíkniefnanotkunar í Reykjavík, segir doktorsnemi sem hefur í fimm ár rannsakað magn ólöglegra fíkniefna í frárennsli borgarinnar. Magn kókaíns í skólpinu var 60 prósent minna í júní en í apríl í fyrra.
Kjarninn 5. desember 2020
Rússneska bóluefnið Spútnik V er á leið í dreifingu. Um helgina geta Moskvubúar í forgangshópum fengið fyrri sprautu sína.
Spútnik sprautað í Rússa: Hefja bólusetningu í stórum stíl eftir helgi
Um helgina hefjast bólusetningar á forgangshópum í Moskvu með bóluefninu Spútnik V. Tvær milljónir skammta eru sagðar til. Reuters-fréttastofan segir suma ríkisstarfsmenn upplifa þrýsting um að taka þátt í klínískum tilraunum á virkni bóluefnisins.
Kjarninn 4. desember 2020
Sigurjón Njarðarson
Fullveldið
Kjarninn 4. desember 2020
Haukur Logi Karlsson
Innansveitarkronikan og evrópska réttarríkið
Kjarninn 4. desember 2020
Notkun reyktóbaks og rafrettna ekki tengd við alvarlegri einkenni COVID-19
Niðurstöður nýrrar rannsóknar á Íslandi sýna ekki fram á aukið algengi eða alvarleika COVID-19 sjúkdóms meðal notenda reyktóbaks eða rafrettna en benda til tengsla lungnasjúkdóma við alvarlegri einkenni.
Kjarninn 4. desember 2020
Konur ættu að hafa rétt til þess að hverfa frá störfum sínum eftir 36 vikna meðgöngu að mati Félags íslenskra fæðinga- og kvensjúkdómalækna.
Læknar ítreka að þeim finnst að konur ættu að geta farið í orlof eftir 36 vikur án skerðinga
Fæðinga- og kvensjúkdómalæknar telja að konur ættu að hafa rétt til að fara í orlof eftir 36 vikna meðgöngu, án þess að orlof eftir fæðingu skerðist. Starfshópur heilbrigðisráðherra um stefnumótun í barneignarþjónustu er einróma á sömu skoðun.
Kjarninn 4. desember 2020
Tólf ný smit – allir í sóttkví
Allir sem greindir voru með kórónuveiruna í gær innanlands voru í sóttkví. Eftir fjölgun smita í síðustu viku hefur þeim fækkað jafnt og þétt síðustu daga.
Kjarninn 4. desember 2020
Ítrustu varúðar gætt við greftrun manneskju sem lést vegna COVID-19 í Indónesíu. Hálf milljón Indónesa hafa greinst með veiruna.
Bóluefnið ekki „töfralausn“ – dauðsföll vegna COVID komin yfir 1,5 milljónir
Brýnt er að allir haldi vöku sinni áfram næstu vikur og mánuði. Bóluefni gegn COVID-19 er væntanlegt en það mun engan veginn útrýma öllum þeim vandamálum sem faraldurinn hefur skapað.
Kjarninn 4. desember 2020
Meira úr sama flokkiInnlent