Segir þriðja orkupakkann ekki vera erfitt mál innan Vinstri grænna

Forsætisráðherra telur að andstaðan við þriðja orkupakkann snúist mögulega meira um veru Íslands í EES og hvort að vilji sé til þess að leggja sæstreng til landsins eða ekki.

Katrín Jakobsdóttir
Auglýsing

„Kannski snýst þessi spurn­ing meira um veru okkar í EES og kannski snýst hún líka um það hvort við viljum leggja sæstreng eða ekki og hver er þá afstaða okkar almennt til orku­fram­leiðslu á Ísland­i.“

Þetta sagði Katrín Jak­obs­dóttir for­sæt­is­ráð­herra í við­tali við Þórð Snæ Júl­í­us­son, rit­stjóra Kjarn­ans, í sjón­varps­þætt­inum 21 á Hring­braut í vik­unni þar sem þau ræddu þriðja orku­pakk­ann og þær miklu deilur sem sprottið hafa upp um hann.

Hægt er að sjá stiklu úr þætt­inum hér að neð­an:



Þing­störf síð­ustu viku sner­ust að stórum hluta um umræður um þriðja orku­pakk­ann, en sex flokkar á Alþingi styðja inn­leið­ingu hans á meðan að tveir, Mið­flokk­ur­inn og Flokkur fólks­ins, eru á móti. Auk þess hafa sam­tökin „Orkan okk­ar“ láti mjög til sín taka í umræðum um málið en þau eru á móti inn­leið­ingu hans. Á meðal stofn­enda þeirra félaga­sam­taka eru menn sem hafa leikið lyk­il­hlut­verk innan Vinstri grænna í gegnum tíð­ina á borð við Ögmund Jón­as­son, Jón Bjarna­son og Hjör­leif Gutt­orms­son.

Auglýsing
Aðspurð um hvort málið sé erfitt innan hennar flokks sagð­ist Katrín ekki telja það vera svo. „Þetta er ekk­ert erfitt mál að mínu viti, en það breytir því ekki að þessi afstaða þarf ekk­ert að koma á óvart hjá mínum góðu félög­um; Ögmundi, Jóni og Hjör­leifi, vegna þess að Vinstri græn voru auð­vitað á móti inn­leið­ingu fyrst og ann­ars orku­pakk­ans sem fól í sér þess upp­skipt­ingu á raf­orku­mark­aði og mark­aðsvæð­ingu okr­unnar á Íslands.“

Katrín sagð­ist spyrja sig hvort að þriðji pakk­inn feli í sér frek­ari mark­aðsvæð­ingu orku­fyr­ir­tækja en orðið sé. Hennar svar sé nei. Fram­sal vald­heim­ilda komi fyrst og síð­ast til vegna hans ef Ísland teng­ist meg­in­landi Evr­ópu í gegnum sæstreng. Búið sé að ganga þannig frá mál­inu að hálfu rík­is­stjórn­ar­innar að ákvörðun um að leggja slíkan streng verði aldrei tekin án aðkomu Alþing­is. Ekk­ert í þriðja orku­pakk­anum sé heldur þannig að Lands­virkjun verði seld og að aðrir en íslensk stjórn­völd geti tekið ákvörðun um lagn­ingu sæstrengs til lands­ins.

Katrín sagð­ist þó hafa fullan skiln­ing á því að fólki sé annt um orku­auð­lind­ina á Íslandi. „Við vitum það alveg að þar hefur oft verið hart tek­ist á.“ Það sé ein mesta gæfa Íslend­inga að eiga um 40 pró­sent af land­inu í þjóð­lendum og sam­fé­lags­leg orku­fyr­ir­tæki eins og Lands­virkj­un, Rarik og Orkubú Vest­fjarða. „Það er eitt­hvað sem mínir kollegar í útlöndum segja að sé stór­kost­leg gæfa okk­ar.“

Hún telur að EES-­sam­starfið hafi verið Íslend­ingum hag­fellt og mik­il­vægt. Það sé hins vegar mik­il­vægt að gæta hags­muna okkar gegn EES. „Allt eru þetta full­valda þjóðir sem eru að taka þátt í EES-­sam­starfi. En auð­vitað erum við með alþjóð­legu sam­starfi að fram­selja ein­hvers­konar vald­heim­ild­ir. Við erum ekki með skýr ákvæði um það í stjórn­ar­skrá svo dæmi sé tek­ið, sem ég hef lengi talað fyr­ir.“

Öll umræðan minni hana á það hversu mik­il­vægt það sé að ná saman um ákvæði um eign­ar­hald á auð­lindum og skýrt afmörkuð fram­sals­á­kvæði í stjórn­ar­skrá.



Kristbjörn Árnason
Pantaðar pólitískar tillögur frá OECD og AGS
Leslistinn 18. september 2019
Nú geta mötuneyti sýnt kolefnisspor máltíða
Kolefnisreiknivélin Matarspor sem reiknar og sýnir kolefnisspor máltíða og ber það saman við akstur fólksbíla stendur nú mötuneytum og matsölustöðum til boða gegn greiðslu. Reiknivélin á að auðvelda fólki að taka upplýstar ákvarðanir um eigin neyslu.
Kjarninn 18. september 2019
Aukið flæði bankaupplýsinga það sem koma skal
Með nýrri Evróputilskipun gefst fólki tækifæri til að velja að deila fjármálagögnum sínum með fyrirtækjum sem hyggjast bjóða þeim upp á fjármálatengda þjónustu. Samkvæmt Persónuvernd er mikilvægt að fyrirtæki útskýri vel skilmála fyrir viðskiptavinunum.
Kjarninn 18. september 2019
Bandarískum ferðamönnum fækkar mest
Bandaríkjamenn þykja verðmætir ferðamenn þar sem þeir eyða hlutfallslega miklu þrátt fyrir að stoppa stutt. Þeim hefur þó fækkað verulega frá falli WOW air og voru brottfarir Bandaríkjamanna frá landinu 36 prósent færri í ágúst en í fyrra.
Kjarninn 18. september 2019
Fasteignaverð hækkað lítið eitt á undanförnu ári
Fasteignamarkurðinn hefur kólnað umtalsvert, undanfarin misseri.
Kjarninn 17. september 2019
Fjögur samtök hlutu viðurkenningu Íslandsdeidlar Amnesty.
Skipuleggjendur loftslagsverkfallanna hlutu viðurkenningu Amnesty
Fjögur samtök hlutu viðurkenningu Íslandsdeildar Amnesty International fyrir forystu hérlendis í baráttunni gegn loftslagsbreytingum. Allsherjarverkfallsvika fyrir loftslagið hefst núna á föstudaginn.
Kjarninn 17. september 2019
Skeljungur kaupir Basko á 30 milljónir og yfirtöku skulda
Basko, fyrirtæki sem var áður stýrt af nýráðnum forstjóra Skeljungs, hefur verið selt til Skeljungs. Hlutur í Eldum Rétt verður undanskilin kaupunum.
Kjarninn 17. september 2019
Telja Jónas hæfastan
Dómnefnd um hæfni umsækjenda um embætti dómara hefur skilað umsögn sinni um umsækjendur um embætti dómara sem mun hafa starfsstöð við Héraðsdóm Reykjaness en sinna störfum við alla héraðsdómstóla.
Kjarninn 17. september 2019
Meira úr sama flokkiInnlent