Yfir fjögur þús­und við­skipta­vinir hafa skráð sig fyrir nýjum sparn­að­ar­reikn­ingum hjá Auði, nýrri fjár­mála­þjón­ustu Kviku, á einum mán­uði eða frá því að þjón­ustan tók til starfa. 

Þetta kemur fram í til­kynn­ingu frá Auði.

„Mót­tök­urnar hafa verið framar okkar björt­ustu von­um. Við­skipta­vinum Auðar hefur fjölgað jafnt og þétt á þessum fyrsta mán­uði og þeir eru á öllum aldri – ungir sem aldn­ir,“ segir Ólöf Jóns­dótt­ir, for­stöðu­maður Auð­ar. „Það er ljóst að mikil eft­ir­spurn er eftir sann­gjarnri fjár­mála­þjón­ustu á net­inu og því spenn­andi tímar framund­an.“

Auður hóf sem fyrr segir starf­semi fyrir mán­uði síð­an. Auður býður sparn­að­ar­reikn­inga fyrir ein­stak­linga með fjögur pró­sent vöxtum sem greiddir eru mán­að­ar­lega. 

Sparn­að­ar­reikn­ing­arnir eru óbundnir og því alltaf lausir til úttekt­ar. 

Mark­mið Auðar er að bjóða spari­fjár­eig­endum betri vexti en þekkst hafa hingað til með því að nýta tækni­lausnir og stöðu Kviku sem banka án úti­búa­nets, segir í til­kynn­ing­u. 

Öllum kostn­aði er haldið í lág­marki og er það svig­rúm nýtt til að bjóða við­skipta­vinum betri kjör en fást hjá öðrum bönk­um. 

„Auður er gott dæmi um það hvernig banka­kerfið er að þró­ast þar sem stór hluti þjón­ust­unnar fer nú fram á net­inu sem skilar sér svo í betri kjörum fyrir við­skipta­vin­i,“ seg­ir Ólöf. Þjón­usta Auðar fer ein­göngu fram á net­inu. Lág­marks­upp­hæð reikn­inga er 250.000 krónur en heim­ilt er að hafa reikn­ing undir lág­marks­upp­hæð í 180 daga.

Auð­ur­ nýtir raf­ræn skil­ríki til auð­kenn­ingar og fara öll við­skipti hennar fram í íslenskum krón­um. 

Kvika er skráð á aðal­l­ista kaup­hallar Íslands. Mark­aðsvirði bank­ans er um 20 millj­arðar króna.