Drífa Snædal, for­seti ASÍ, segir að vinn­unni sé ekki lokið þó kjara­samn­ingar séu und­ir­rit­að­ir. Samn­ing­arnir og yfir­lýs­ing stjórn­valda bjóði upp á tölu­verða eft­ir­fylgni og ljóst sé að það verði verk­efni ein­stakra aðild­ar­fé­laga ASÍ og heild­ar­sam­tak­anna að fylgja málum fast eftir og stjórn­valda að standa við stóru orð­in. Þetta kemur fram í viku­legum pistli Drífu.

„Þess ber líka að geta að iðn­að­ar­menn eiga eftir að ganga frá samn­ingum og sama má segja um nokkra aðra stóra hópa innan ASÍ, þar á meðal flug­freyjur og leið­sögu­menn svo ein­hverjir séu nefnd­ir. Allir hóp­arnir komu þó með inn­legg í við­ræður við stjórn­völd og þar skipti ekki síst máli áherslur iðn­að­ar­manna á breyt­ingar á líf­eyr­is­málum og áfram­hald­andi mögu­leika á að nið­ur­greiða hús­næð­is­lán með sér­eigna­sparn­að­i,“ skrifar hún.

Drífa sótti fundi hjá bæði VR og Efl­ingu í vik­unni þar sem nýir kjara­samn­ingar voru kynnt­ir. „Í samn­ing­unum var allt undir og sama má segja um fund­ina en flestar spurn­ing­arnar lutu þó að stytt­ingu vinnu­vik­unnar og skatta­til­lögum stjórn­valda.“

Fram­kvæmda­stjóri ITUC sagði samn­ing­inn vera sam­stöðu­að­gerð

Hún segir enn fremur að þó það sé ánægju­legt að sækja fundi hjá aðild­ar­fé­lögum þá verði hún að segja að enn meiri ánægju hafi veitt henni að segja erlendum gestum frá árangri þeirra í nýaf­stöðnum samn­ing­um. „Það kemur þeim spánskt fyrir sjónir að svo mikið hafi verið undir og að raun­veru­legar sam­fé­lags­breyt­ingar séu nið­ur­stað­an. Sharan Burrow, fram­kvæmda­stjóri alþjóða­sam­taka verka­lýðs­fé­laga (IT­UC), sagði samn­ing­inn vera „act of solida­rity“ eða sam­stöðu­að­gerð og í anda alþjóð­legrar bar­áttu vinn­andi fólks fyrir betri sam­fé­lagi.

En þegar allt er und­ir, gleym­ist stundum að segja frá smá­sigrunum sem röt­uðu inn í samn­inga ýmist hjá verka­fólki eða versl­un­ar­mönn­um. Þannig var líka samið um að styrkja rétt­indi ung­menna (færri á ung­menna­launum en áður), auka rétt­indi verka­fólks til að sinna veikum börn­um, upp­sagn­ar­á­kvæði í SGS samn­ingnum voru styrkt, rétt­indi trún­að­ar­manna voru auk­in, rétt­ur­inn til orlofstöku utan orlofs­tíma­bila stað­fest­ur, túlka­þjón­usta auk­in, bann við kyn­bund­inni mis­munun í vinnu­fatn­aði inn­leidd, flutn­ingur áunn­inna rétt­inda við aðila­skipti að fyr­ir­tækjum tryggð­ur, auk­inn réttur fólks sem leigir hús­næði af atvinnu­rek­anda, menntun starfs­fólks í versl­unum styrkt auk fjölda ann­arra atriða sem í flestum öðrum samn­ingum hefðu talist til stór­sigr­a,“ segir Drífa.