Drífa Snædal, for­seti Alþýðu­sam­bands Íslands (ASÍ), og Sól­veig Anna Jóns­dótt­ir, for­maður Efl­ing­ar, hafa sent frá sér sam­eig­in­lega til­kynn­ingu þar sem þær krefj­ast þess að stjórn­völd upp­lýsi um hvernig þær skatta­lækk­anir sem samið var um í „lífs­kjara­samn­ingn­um“ verði fram­kvæmd­ar.

Þegar ritað var undir kjara­samn­inga fyrir 110 þús­und manns, rúm­lega helm­ing íslensks vinnu­mark­að­ar, í byrjun apríl þá var það gert á grund­velli þess að stjórn­völd skuld­bundu sig til að ráð­ast í alls 42 aðgerðir til að liðka fyrir gerð þeirra.

Ein þeirra aðgerða, og sú sem skipti einna mestu máli, fólst í að gera breyt­ingar á tekju­skatts­­kerf­inu með því að bæta við þriðja skatt­­þrep­inu sem tryggja m.a. lægstu launa­hóp­unum tíu þús­und króna skatta­­lækkun á mán­uði.

Í til­kynn­ing­unni segja Drífa og Sól­veig Anna að „í ljósi þeirra alvar­legu breyt­inga sem átt hafa sér stað á skatt­kerf­inu á síð­ustu ára­tug­um, þar sem skattar hafa verið færðir af tekju­háum hópum yfir á tekju­lága, krafð­ist verka­lýðs­hreyf­ingin vegna aug­ljósra sann­girn­is­sjón­ar­miða fjög­urra þrepa skatt­kerfis auk leið­rétt­ingar á fyrr­nefndri skatta­til­færslu. Lengra varð ekki kom­ist að þessu sinni en bar­átta Alþýðu­sam­bands­ins fyrir rétt­látu skatt­kerfi heldur áfram.“

Þær segja að skatt­kerf­is­breyt­ing­arnar þurfi að koma gratt til fram­kvæmda og án und­an­bragða og að full­trúar vinn­andi fólks muni ekki sætta sig við að þær verði inn­leiddar á næstu þremur árum.  „Á þeim félags­fundum sem und­ir­rit­aðar hafa set­ið, þar sem samn­ing­arnir og yfir­lýs­ing stjórn­valda hefur verið kynnt, leggja félags­menn mikla áherslu á skjót svör af hálfu stjórn­valda. Öll spjót standa því á stjórn­völdum að svara kalli vinn­andi fólks og upp­lýsa um það hvernig fyr­ir­hug­aðar skatta­lækk­anir verða fram­kvæmd­ar. “