Heiðar Guð­jóns­son, hag­fræð­ingur og fjár­fest­ir, hefur verið ráð­inn for­stjóri Sýnar og hættir um leið sem stjórn­ar­for­maður félags­ins. Hann er jafn­framt einn stærsti hlut­hafi félags­ins með 6,4 pró­sent hlut í gegnum Ursus ehf.

Hjör­leifur Páls­son tekur við sem stjórn­ar­for­maður Sýn­ar, að því er fram kemur í til­kynn­ingu til kaup­hall­ar.

Sig­ríðar Vala Hall­dórs­dóttir tekur sæti í stjórn félags­ins við þessar breyt­ing­ar. 

„Framundan eru krefj­andi verk­efni, sem ég hlakka til að leysa af hendi í sam­starfi við allt það fram­úr­skar­andi fólk sem starfar hjá Sýn hf,“ er haft eftir Heið­ari í til­kynn­ing­unn­i. 

Óhætt er að segja að Sýn hafi gengið í gegnum mikla erf­ið­leika und­an­farin miss­eri, en mark­aðsvirði félags­ins hefur lækkað um 54 pró­sent á und­an­förnu ári.

Stefán Sig­urðs­son hætti sem for­stjóri Sýnar í febr­úar og tók Heiðar þá meira við stjórn­ar­taumunum í dag­legum rekstri. Stefán léta hafa eftir sér þegar hann hætti, að hann vildi meðal ann­ars með þessu axla ábyrgð á því að afkomu­á­ætl­anir hafi ekki gengið eft­ir. 

Mark­aðsvirði Sýnar er um þessar mundir 9,6 millj­arðar króna.