Ragnar Þór Ing­ólfs­son, for­maður VR, ­segir að verka­lýðs­hreyf­ingin hafni því að hægt sé að taka stórar og umdeildar ákvarð­an­ir, á borð við þriðja orku­pakk­ann, án þess að full­komið traust og sátt ríki um mál­ið. Frá þessu greinir hann í stöðu­upp­færslu á Face­book-­síðu sinni í dag. Hann segir málið óneit­an­lega lykta af sér­hags­muna­poti.

Hann spyr jafn­framt hvort Íslend­ingar geti treyst kjörnum full­trúum til að taka svo stórar ákvarð­anir sem snúa að orku­málum þjóð­ar­inn­ar. „Svona miðað við allt sem á undan er geng­ið?“

Ragnar Þór telur að „hin ofsa­fengnu við­brögð þekktra hags­muna­afla við rétt­mætum spurn­ingum og gagn­rýni“ gefi svo sann­ar­lega til­efni til að staldra við.

Fólk ætti ekki að hafa áhyggjur af grunn­þörfum

„Getum við gert þá kröfu að tekin verði afstaða í svo umdeildu máli í þjóð­ar­at­kvæða­greiðslu og þjóðin tekið upp­lýsta ákvörðun út frá þeim upp­lýs­ingum sem liggja fyrir og þeirri reynslu sem við höfum á mark­aðsvæð­ingu inn­viða?“ spyr Ragnar Þór.

Hann segir að í nýjum lífs­kjara­samn­ingi sem sam­þykktur var af stórum hluta verka­lýðs­hreyf­ing­ar­innar hafi þau lagt áherslu á að ná kostn­aði niður og auka þannig kaup­mátt í bland við launa­hækk­anir í stað þess að berj­ast ein­göngu fyrir fleiri krónum til að fóðra kröf­una um gróða og enda­lausar hækk­anir á grunn­þörf­um.

„Og að félags­menn okkar þurfi ekki að hafa áhyggjur af grunn­þörfum eins og raf­magni, vatni eða hús­hit­un. Að kostn­aði við að lifa verði haldið í lág­marki og bæta þannig lífs­kjör til skemmri og lengri tíma, fyrir okkur sjálf og kom­andi kyn­slóð­ir,“ skrifar hann.

Mikið undir

Ragnar Þór bendir á að mikið sé undir fyrir félags­menn þeirra og fyr­ir­tæk­in. Hærri orka þýði hærra vöru­verð og lægri kaup­mátt og lak­ari sam­keppn­is­hæfni. Hærri orku­verð dragi úr mögu­leikum Íslend­inga til meiri sjálf­bærni.

Hann telur því ein­fald­lega of mikið vera und­ir. „Sagan hefur því miður kennt okkur allt annað en lobbí­istar sér­hags­muna­afla kepp­ast við að sann­færa okkur um.

Við erum kyn­slóðin sem hófum einka­væð­ingu inn­viða. Verum kyn­slóðin sem steig niður fæti!

Ég treysti því að for­set­inn okkar standi undir nafni og vísi þess­ari ákvörðun til þjóð­ar­innar verði málið rekið áfram í gegnum þingið í óbreyttri mynd,“ skrifar Ragnar Þór að lok­um.