Verk­fall um 1500 flug­manna hjá SA­S í Nor­egi, Sví­þjóð og Dan­mörku sem hófst aðfara­nótt föstu­dags stendur enn yfir­. SA­S hefur þurft að aflýsa þús­undum flug­ferða um helg­ina en áætlað er að verk­fall­ið hafi áhrif á rúm­lega sex­tíu þús­und far­þega í dag. Alls er búið að aflýsa 667 flug­ferðum í dag og 546 flug­ferðum á morg­un­. Frá þessu er greint á vef E24. 

Talið að verk­fallið kosti félagið allt að 100 millj­ónir sænskra króna á dag

Verk­fallið hófst á föstu­dag eftir að ­samn­inga­við­ræð­ur­ flug­manna og SA­S ­fóru út um þúfur aðfara­nótt föstu­dags en á­grein­ingur er um vinn­u­­tíma, vakta­­fyr­ir­­komu­lag og laun. Ekki taka allir flug­menn SA­S þátt í verk­falls­að­gerðum heldur aðeins þeir norsku, sænsku og dönsku. Þetta hefur valdið mis­skiln­ingi meðal far­þega sem halda að allt flug hafi verið fellt nið­ur. 

Í umfjöll­un E24 ­segir að danski bank­inn ­Sydbank hefur áætlað að verk­föllin kosti flug­fé­lagið á bil­inu 60 til 80 millj­ónir sænskra króna á dag en fjár­mála­fyr­ir­tæk­ið DN­B ­mar­kets hefur fengið það út að verk­fall­ið ­kosti félagið 75 til 100 millj­ón­ir ­sænskra króna á dag. Þá ætlar DNB markets að ef verk­fallið varir í 15 daga þá muni kostn­að­ur­inn verða meira en heild­ar­hagn­að­ur­ flug­fé­lags­ins í ár er áætl­að­ur. 

Knu­t Mor­ten Jo­han­­sen, upp­­­­lýs­inga­­­full­­­trú­i SAS, segir í sam­tali við E24 að for­svar­s­­­menn fé­lags­ins séu að leggja allt sitt af mörkum til að kom­­ast að sam­komu­lagi við verka­lýðs­hreyf­­ingu flug­­­mann­anna.