Hér­aðs­dómur Reykja­ness hafn­aði í dag kröfu fyr­ir­tæk­is­ins ALC um að kyrr­setn­ingu Isa­via á Air­bus-þotu í eigu þess yrði aflétt. Þotan var kyrr­sett eftir fall WOW air, en hún var í flug­flota félags­ins. 

Með kyrr­setn­ing­unni vildi Isa­via tryggja að hægt væri að fá greiðslur upp í tveggja millj­arða skuldir WOW air á lend­ing­ar­gjöld­um, sem söfn­uð­ust upp í aðdrag­anda falls félags­ins. 

Það hefur nú verið tekið til gjald­þrota­skipta, en Sveinn Andri Sveins­son hrl. og Þor­steinn Ein­ars­son hrl. eru skipta­stjórar búss­ins.

Í dómnum er þessu hafnað einnig, og sagt að ALC þurfi ekki að greiða allar þessar skuld­ir, sem söfn­uð­ust upp hjá WOW air í aðdrag­anda falls félags­ins. Félagið þurfi ein­göngu að greiða þær skuldir sem tengj­ast þot­unni, sem eru um 87 millj­ónir en ekki tveir millj­arð­ar. 

Í við­tali við RÚV segir Oddur Ást­ráðs­son, lög­maður ALC, að nið­ur­staðan sé merki­leg og að félagið muni freista þess að fá kyrr­setn­ing­unni aflétt, svo að eig­and­inn geti fengið hana til sín og nýtt hana til ann­arra verk­efna. 

Isa­via hefur enn ekk­ert gefið út um nið­ur­stöð­una, eða hvort henni verði áfrýjað til Lands­rétt­ar. 

Íslenska ríkið er eig­andi Isa­via, sem rekur flug­vell­ina í land­inu, þar á meðal Kefla­vík­ur­flug­völl.