Sam­tök í sam­­floti iðn­að­ar­manna og Sam­tök at­vinn­u­lífs­ins skrif­uðu undir kjara­samn­ing í Karp­hús­inu, hús­næði rík­is­sátta­semj­ara, á fyrsta tím­anum í nótt. Sex fé­lög og sam­­bönd stóðu að sam­­floti iðn­að­ar­manna í þess­um samn­inga­við­ræð­um. Þau eru Raf­iðn­að­ar­sam­­band Íslands, Samiðn­, Graf­ía, Mat­vís, Fé­lag hár­snyrt­i­­sveina og VM - fé­lag vél­­stjóra og málm­­­tækn­i­­manna. Um 13 þús­und fé­lags­­menn eru í þess­um sam­tök­­um. 

Krist­ján Þórður Snæ­bjarn­ar­son, for­maður Raf­iðn­að­ar­sam­bands­ins, ­sagði í sam­tali við Morg­un­blaðið að það sem væri einna stærst við samn­ing­anna sé að „okk­ur er að tak­­ast að hækka lægstu laun iðn­að­ar­manna sér­­stak­­lega, og styðja við bakið á þeim sem eru í hvað ver­stri stöðu. Okk­ur er að tak­­ast að stytta vinn­u­­tím­ann, og erum hér senn­i­­lega með meiri vinn­u­­tíma­­stytt­ing­um sem hafa sést um lang­an tíma.“

Hækkun taxta á samn­ings­tím­anum nemur 90.000 krónum en almenn hækkun verður 68.000. Samn­ing­­arn­ir gilda til 1. nóv­­em­ber 2022. 

Krist­ján sagði jafn­framt að í lok samn­ings­tím­ans geta félags­menn verið að sjá 36 klukku­stunda vinnu­viku með ákveðnum breyt­ingum á vinnu­skyld­unni. „Við erum að taka upp breytt fyr­ir­komu­lag sem get­ur stuðlað að því að stytta heild­­ar­vinn­u­­tíma manna en jafn­­framt að tryggja þeim sem vinna hvað mest lang­an vinn­u­dag, að tryggja þeim meiri verð­mæti með breyt­ingu á yf­ir­vinn­u­álög­­um.“

Félags­menn munu greiða atkvæði um samn­ing­ana síðar í mán­uð­inum en nið­ur­staða at­­kvæða­greiðsl­unn­ar verður svo kynnt þann 22. maí næst­kom­andi.