Íslands­banki, sem er í eigu íslenska rík­is­ins, hagn­að­ist um 2,6 millj­arða á fyrstu þremur mán­uðum árs­ins, en á sama tíma­bili í fyrra var hagn­að­ur­inn 2,1 millj­arð­ur. 

Birna Ein­ars­dótt­ir, banka­stjóri, segir í til­kynn­ingu að staða bank­ans sé sterk. „Staða bank­ans er afar traust, lausa­fjár­hlut­föll í erlendum og inn­lendum gjald­miðlum yfir innri mörkum og kröfum eft­ir­lits­að­ila og eig­in­fjár­hlut­föll í takt við lang­tíma­mark­mið. Lána­safnið er sterkt og koma gæði þess vel út í alþjóð­legum sam­an­burði. Það gladdi mig hversu vel síð­asta skulda­bréfa­boð bank­ans upp á 300 millj­ónir evra gekk á erlendum mörk­uðum og það er ljóst að bank­inn og íslenskt efna­hags­líf njóta áfram­hald­andi trausts erlendra fjár­festa. Íslands­banki hélt áfram að kynna nýjar staf­rænar lausnir fyrir við­skipta­vini sína í byrjun árs 2019. Sem dæmi hafa lausn­irnar „Lán í appi“ og „Vel­komin í við­skipti“ hlotið frá­bærar við­tökur við­skipta­vina og er bank­inn rétt að byrja á þess­ari veg­ferð,“ segir Birna í til­kynn­ingu.

Arð­semi eig­in­fjár var 5,9 pró­sent á fyrstu þremur mán­uðum árs­ins, en sama hlut­fall var 4,8 pró­sent á sama tíma í fyrra. 

Þá segir hún að ný stefna bank­ans hafi verið kynnt fyrir starfs­fólki í lok mars, og spenn­andi sé að vinna áfram eftir henni inn í fram­tíð­ina. „Ný stefna bank­ans var kynnt fyrir starfs­fólki í lok mars og var hún unnin með alþjóð­lega ráð­gjaf­ar­fyr­ir­tæk­inu Boston Consulting Group. Ég er sann­færð um að ný stefna muni gera bank­ann enn betur í stakk búinn til að takast á við breyttan banka­heim og munum við leggja áherslu á inn­leið­ingu hennar á næst­unni. Fram­haldið er spenn­andi fyrir okkur í Íslands­banka þar sem við ætlum okkur að vera hreyfi­afl til góðra verka og hafa jákvæð og upp­byggi­leg sam­fé­lags­á­hrif en jafn­framt halda áfram að veita við­skipta­vinum okkar bestu banka­þjón­ustu á Ísland­i,“ segir Birna í til­kynn­ingu.

Útlán bank­ans námu 874 millj­örðum í lok mars, en þau juk­ust um 3,2 pró­sent á fyrr­nefndu tíma­bili.

Kostn­að­ar­hlut­fall sam­stæðu, það er rekstr­ar­kostn­aður sem hlut­fall af tekj­um, á tíma­bil­inu var 62,6 pró­sent sam­an­borið við 69,8 pró­sent á sama tíma­bili í fyrra, á meðan kostn­að­ar­hlut­fall móð­ur­fé­lags var 58,1 pró­sent. Lang­tíma­mark­mið bank­ans er að vera með kostn­að­ar­hlut­fall í kringum 55 pró­sent.