Bjarni Bene­dikts­son, fjár­mála- og efna­hags­ráð­herra, sagði á Alþingi í dag, að hann teldi breyttar horfur í efna­hags­líf­inu kalla á nýja fjár­mála­á­ætl­un. 

Sam­kvæmt nýrri spá Hag­stofu Íslands er gert ráð fyrir 0,2 pró­sent sam­drætti í lands­fram­leiðslu á þessu ári, en sam­kvæmt bráða­birgð­ar­tölum Hag­stof­unnar frá því í mars, var hag­vöxtur 4,6 pró­sent í fyrra.

Mikil breyt­ing til hins verra, á skömmum tíma, skýrist einkum af sam­drætti í útflutn­ings­tekjum þjóð­ar­búss­ins, eftir fall WOW air og sam­drátt í komu ferða­manna til lands­ins, og síðan í loðnu­bresti, en árlegar tekjur af sölu á loðnu­afla hafa numið á bil­inu 18 til 30 millj­örðum árlega, á síð­ustu árum. 

Bjarni sagði, í umræðum sem sköp­uð­ust eftir að Oddný Harð­ar­dótt­ir, þing­maður Sam­fylk­ing­ar­inn­ar, spurði út í vinnu við fjár­mála­á­ætl­un, að for­send­urnar væru ein­fald­lega veru­lega breytta frá því að rík­is­stjórnin setti fram áætlun sína í byrjun kjör­tíma­bils­ins.

„Hvað er það í opin­berum fjár­málum sem kemur að bestu gagni fyrir hag­kerfið og fólkið sem býr í þessu landi í dag. Það er alvöru spurn­ing­in. Nema menn ætli að vera forma­list­ar,“ sagði Bjarni meðal ann­ar­s. 

Óhætt er að segja að dramat­ískar breyt­ingar hafi orðið á stöðu efna­hags­mála á und­an­förnum vikum og mán­uð­u­m. 

Í fyrra urðu til 6.500 ný störf í íslenska hag­kerf­inu, eða sem nemur rúm­lega 1.400 störfum fyrir hvert pró­sentu­stig í hag­vext­i. 

Breyt­ingin úr miklum hag­vexti í sam­drátt má því mæla í þús­undum starfa, nærri 7 þús­und, sé miðað við fyrr­nefndar for­send­ur. 

Í upp­hafi árs í fyrra voru 201 þús­und og eitt­hund­rað störf í íslenska hag­kerf­inu, en þau voru 207 þús­und og sex hund­ruð, í upp­hafi þessa árs, sam­kvæmt tölum Hag­stofu Íslands.