Enn eykst losun frá flugi og iðnaði

Uppgjör rekstraraðila staðbundins iðnaðar og flugrekenda í viðskiptakerfi ESB með losunarheimildir hefur verið birt.

co2 kolefni loftslagsmál gróðurhúsalofttegundir verksmiðja ský mengun h_00392799.jpg
Auglýsing

Losun innan við­skipta­kerfis ESB jókst um 1,1 pró­sent á milli áranna 2017 og 2018 en upp­gjöri rekstr­ar­að­ila stað­bund­ins iðn­aðar og flug­rek­enda í við­skipta­kerf­inu með los­un­ar­heim­ildir er lok­ið. Þetta kemur fram á vef Umhverf­is­stofn­unar í dag.

Alls gerðu fjórir íslenskir flug­rek­endur og sjö rekstr­ar­að­ilar iðn­aðar upp heim­ildir sín­ar. Einn flug­rek­andi skil­aði los­un­ar­skýrslu en gerði ekki upp losun sína í tæka tíð. Heild­ar­losun í flugi sem fellur undir kerfið var 820.369 tonn CO2 ígilda en í iðn­aði var los­unin 1.854.715 tonn af CO2 ígild­um. Upp­gerðar los­un­ar­heim­ildir í flugi voru hins vegar 542.244 tonn CO2 ígilda.

Mynd: Umhverfisstofnun

Auglýsing

Raun­losun íslenskra flug­rek­enda jókst lít­il­lega á milli ára. Aukn­ing los­unar varð 0,8 pró­sent milli áranna 2017 og 2018. Árið 2017 var los­unin 813.745 tonn af CO2 en varð á síð­asta ári 820.369 tonn af CO2. Fimm flug­rek­endum bar að skila los­un­ar­skýrslu og voru þeir allir íslensk­ir. Losun frá flugi er þó háð tak­mörk­unum að því leyt­inu til að hún er ein­ungis losun innan EES svæð­is­ins og tekur því ekki á heild­ar­losun flestra flug­rek­enda, þar sem til að mynda Amer­íkuflug er ekki innan gild­is­sviðs kerf­is­ins eins og er.

Losun frá iðn­aði eykst einnig

Los­unin frá iðn­aði jókst einnig lít­il­lega á milli ára, eða um 1,26 pró­sent, úr 1.831.667 tonnum af CO2 árið 2017 í 1.854.715 tonn af CO2 árið 2018. Jafn­margir rekstr­ar­að­ilar í iðn­aði gerðu upp fyrir árið 2017 og árið á und­an, eða sjö tals­ins þar sem Sam­einað Síli­kon var ekki með losun árið 2018 en kís­il­ver PCC á Bakka hóf starf­semi það ár.

Mynd: Umhverfisstofnun

Kerf­inu ætlað að vera hvati til að draga úr losun

Sam­kvæmt Umhverf­is­stofnun er við­skipta­kerfi ESB með los­un­ar­heim­ildir gróð­ur­húsa­loft­teg­unda almennt nefnt ETS, eða Emission Tra­d­ing System á enskri tungu, og gegnir lyk­il­hlut­verki í aðgerðum Evr­ópu­sam­bands­ins gegn lofts­lags­breyt­ing­um. Rekstr­ar­að­ilum iðn­aðar og flug­rek­endum er úthlutað los­un­ar­heim­ildum í sam­ræmi við staðl­aðar reglur sem sam­svara fyr­ir­fram ákveðnum tak­mörk­un­um. Það sem flug­rek­endur og rekstr­ar­að­ilar losa umfram end­ur­gjalds­lausar los­un­ar­heim­ildir þurfa þeir að kaupa heim­ildir á mark­aði og er kerf­inu þannig ætlað að vera hvati til að draga úr losun gróð­ur­húsa­loft­teg­unda.

Kerfið nær utan um 45 pró­sent af losun gróð­ur­húsa­loft­teg­unda innan ESB og hefur það mark­mið að árið 2020 verði losun í þeim geirum sem falla undir kerfið 21 pró­sent lægri en hún var árið 2005, og 43 pró­sent lægri árið 2030. Þessu á að ná fram með því að fækka end­ur­gjalds­lausum los­un­ar­heim­ildum til rekstr­ar­að­ila um 1,74 pró­sent ár hvert. Los­un­ar­heim­ildir til flug­rek­enda fækk­uðu um 5 pró­sent fyrir við­skipta­tíma­bilið 2013 til 2020 miðað við með­al­l­osun árin 2004 til 2005.

Kerfið nær utan um rúm­lega 11.000 rekstr­ar­að­ila í stað­bundnum iðn­aði og stærstan hluta los­unar frá flugi sem sér stað innan EES- svæð­is­ins, en virkir flug­rek­endur innan ETS voru 776 árið 2015. Ísland, Nor­egur og Liechten­stein taka þátt í kerf­inu í gegnum EES samn­ing­inn.

Rekstr­ar­að­ilar sem falla undir kerfið eru þeir sem hafa upp­sett nafn­varma­afl yfir 20 MW, auk allra stöðva sem til­greindar eru í við­auka til­skip­unar ESB. Fram­kvæmda­stjórn ESB gefur síðan árlega út lista yfir hvaða flug­rek­endur falla undir hvaða ríki. Sam­kvæmt nýjasta list­anum falla alls 241 flug­rek­endur undir stjórn Íslands, þó að lang­flestir séu und­an­þegnir gild­is­sviði kerf­is­ins. Þeim flug­rek­endum og rekstr­ar­að­ilum iðn­aðar sem falla undir kerfið ber að skila vott­aðri los­un­ar­skýrslu til Umhverf­is­stofn­unar fyrir 31. mars ár hvert og gera upp los­un­ar­heim­ildir fyrir 30. apr­íl, sam­kvæmt Umhverf­is­stofn­un. 

Fasteignamarkaður á tímamótum
Uppgangstíma á fasteignamarkaði er ekki lokið, sé horft til þess að mikill fjöldi nýrra eigna er nú að koma inn á markaðinn. Ólíklegt er hins vegar að markaðurinn muni einkennast af verðhækkunum. Frekar er líklegt að lækkanir verði raunin.
Kjarninn 25. júní 2019
Benedikt Gíslason.
Benedikt Gíslason ráðinn bankastjóri Arion banka
Benedikt Gíslason, sem hefur setið í stjórn Arion banka fyrir hönd Kaupþings, hefur verið ráðinn nýr bankastjóri bankans.
Kjarninn 25. júní 2019
Launakostnaður 61 prósent af heildargjöldum Íslandspósts
Í skýrslu Ríkisendurskoðunar um starfsemi Íslandspósts kemur fram að laun og launatengd gjöld hafi hækkað verulega á síðustu árum hjá fyrirtækinu. Laun forstjóra Íslandspósts hækkuðu tvisvar í fyrra og um 43 prósent á innan við ári.
Kjarninn 25. júní 2019
Fjárfestingar Íslandspósts of miklar í fyrra
Fjárhagsvandi Íslandspósts stafar af of kostnaðarsamri dreifingu pakkasendinga frá útlöndum og samdrætti í bréfasendingum hjá fyrirtækinu. Vandi þess stafar þó einnig af of miklum fjárfestingum í fyrra miðað við greiðslugetu fyrirtækisins.
Kjarninn 25. júní 2019
Skúli Eggert Þórðarson
Ræddu framtíðarsýn Íslandspósts
Ríkisendurskoðandi fundaði með fjárlaganefnd og stjórnskipunar- og eftirlitsnefnd í morgun, en fulltrúar fjármálaráðuneytisins og samgöngu- og sveitarstjórnarráðuneytisins voru einnig viðstaddir, sem og stjórn Íslandspósts.
Kjarninn 25. júní 2019
Ójöfn fjölskylduábyrgð hefur áhrif á stöðu kvenna í atvinnulífinu
Konur bera enn meginábyrgð á heimilinu, bæði er kemur að börnum, heimilisstörfum og umönnun aldraðra foreldra.
Kjarninn 25. júní 2019
Stuðningur við ríkisstjórnina mestur hjá kjósendum Sjálfstæðisflokks
Fleiri væntanlegir kjósendur Vinstri grænna styðja ríkisstjórnina en þeir sem segjast ætla að kjósa Framsóknarflokkinn. Stuðningur við hana á meðal kjósenda Sjálfstæðisflokksins hefur aukist síðustu vikur.
Kjarninn 25. júní 2019
Tveir framkvæmdastjórar láta af störfum hjá Íslandspósti
Mikil hagræðing og kostnaðaraðhald er framundan hjá Íslandspósti. Framkvæmdastjórum fyrirtækisins hefur verið fækkað úr fimm í þrjá.
Kjarninn 25. júní 2019
Meira úr sama flokkiInnlent