Guð­mundur Andri Thors­son, þing­maður Sam­fylk­ing­ar­innnar, segir mál­þóf vera fjand­sam­lega yfir­töku á Alþingi, fram­kvæmd með því að toga og teygja venjur og regl­ur. Þetta segir hann í stöðu­upp­færslu á Face­book-­síðu sinni í morg­un.

Þing­fundi á Alþingi var frestað klukkan 8:40 morgun en hann hafði þá staðið frá því klukkan hálf tvö í gær. Þing­menn Mið­flokks­ins töl­uðu um þriðja orku­pakk­ann í allan gær­dag og fram til klukkan níu þegar nefnd­ar­fundir á nefnd­ar­sviði Alþingis hófust.

Þegar fund­inum var frestað hafði hann staðið sam­fleytt í rúmar nítján klukku­stund­ir. Síð­ari umræða um þriðja orku­pakk­ann stendur enn þar sem þing­menn Mið­flokks­ins stíga einir í ræðu­stól. Þing­fundur hefst á ný klukkan þrjú í dag.

Guð­mundur Andri segir enn fremur að mál­þóf sé leið til þess að láta þing­ræðið ekki hafa sinn gang. „Menn koma upp í ræðu­stól og tala en ofmælt er að kalla það ræður sem þar er flutt – miklu frekar nokk­urs konar óræð­ur. Óræða eftir óræða dynur á okkur og andsvörum er breytt í með­svör blygð­un­ar­laust.“

Mál­þóf sé afskræm­ing á einum mik­ils­verð­asta þætti þing­ræð­is­ins, þegar kjörnir full­trúar ólíkra sjón­ar­miða reifa mál og rök­ræða, eiga í sam­ræðu með og á móti. Þetta sýni mikið virð­ing­ar­leysi fyrir ræðu­stólnum og stofn­un­inni. „Mál­þóf getur verið neyð­ar­réttur minni­hluta gegn ofríki meiri­hluta þegar hann er ósveigj­an­legur og vill ekki semja um mál sín – en hér heldur einn smá­flokkur til í ræðu­stól Alþingis sól­ar­hringum saman þar sem sam­flokks­menn röfla hver við annan í ein­hvers konar hópefli eða íþrótta­keppn­i,“ skrifar þing­mað­ur­inn.