Fjórir stjórn­ar­and­stöðu­flokk­ar, Við­reisn, Pírat­ar, Sam­fylk­ingin og Flokkur fólks­ins, leggja til að flokk­arnir á Alþingi semji um afgreiðslu þeirra mála sem bíða og að inn­leið­ing þriðja orku­pakk­ans, sem að Mið­flokk­ur­inn hefur haldið uppi umræðu um dögum sam­an, verði færð aft­ast á dag­skrá þessa þings.

Þetta kemur fram í yfir­lýs­ingu frá flokk­unum fjór­um. 

„Und­an­farnar vikur hefur staðið yfir mál­þóf níu þing­manna Mið­flokks­ins um þriðja orku­pakk­ann sem komið hefur í veg fyrir þing­lega með­ferð allra ann­arra mála. Það er gagn­rýni­vert að mörg stór mál rík­is­stjórn­ar­innar hafa komið allt of seint fram, þar á meðal inn­leið­ing þriðja orku­pakk­ans, auk þess sem enn er beðið eftir nýrri fjár­mála­stefnu og breyttri fjár­mála­á­ætl­un,“ segir meðal ann­ars í yfir­lýs­ing­unni.

Þá segir að þetta hafi þær alvar­legu afleið­ing­ar, að mörg „gríð­ar­lega mik­il­væg mál“ bíði afgreiðslu og vand­séð hvenær þau fái þing­lega með­ferð.

„Stjórn­ar­meiri­hlut­anum hefur mis­tek­ist algjör­lega að höggva á þennan hnút,“ segir í yfir­lýs­ing­unni, og er þar vísað til Vinstri grænna, Sjálf­stæð­is­flokks­ins og Fram­sókn­ar­flokks­ins.

„Undir liggja miklir hags­munir almenn­ings og ótækt annað en að þing­menn, hvar í flokki sem þeir standa, fái tæki­færi til að sinna þessum verk­efnum í þágu kjós­enda af fullum kraft­i,“ segir í yfir­lýs­ing­unni.